Ass. WrWb, Kok dicaliak dari segi potensi ekowisata, awak lah samo tau bahaso nagari awak iyo sabana kayo jo potensi alam dan budayo. Harimau sumatera nan alah manjadi perhatian dunia internasional masih ado populasinya di rimbo-rimbo di nagari awak marupokan potensi nan bisa digali. Dulu ado kawan nan bacarito tantang kawannyo nan manjua paket wisata alam mancaliak harimau dari ateh batang kayu. Paket ko kabanya sabana banyak nan baminat dan urang ko mendapek income nan lumayan (US $ 50/pax/night ~ Rp. 500.000). Kalau inyo mandapek 5 orang 'tamu' se perbulan bararti income Rp. 2.500.000 perbulan, not bad lah. Suatu carito nan menarik. Tapi untuak sampai mempunyai 'product' sarupo iko, urang ko harus mempunyai keahlian bahaso, minimal inggirih, mangarati tingkah laku binatang, keahlian tentang meramal kondisi alam dsb salain dari jaringan pemasaran baik lokal, regional maupun internasional. Potensi market lokal barangkali paralu dikaji, tapi kok regional mungkin alah mulai tumbuah (mungkin kelah manengah ateh nan taragak iduik dalam kondisi alam dan budaya nan 'asli', cubo caliak bagitu banyak eksekutif mudo di jakarta nan baminaik jo kegiatan outboundward di sukabumi, puncak dll). Pasar Internasional kini sadang tumbuah pesat segment-nyo 80% ekowisatawan merupakan lulusan perguruan tinggi nan mampunyoi apresiasi tinggi tentang keaslian alam dan budaya, umua 25 - 55 tahun, lamo tingga 4 - 10 hari perlokasi, pembelanjaan > 1000 USD perkunjungan. Nan jadi masalah, baa caronyo supayo 'market' ko tahu jo potensi nan awak punyo. Sabananyo banyak lembaga-lembaga internasional nan bergerak di bidang ekowisata ko di Indonesia ado Conservation Indonesia, ado birdwatch project ado Masyarakat ekowisata Indonesia dll nan dapek dapek dijadikan 'mentor' awak dalam mengembangkan jaringan pemasaran dan pengembangan produk ekowisata ko. Lembaga-lembaga ko juo punyo link ka pihak-pihak nan punyo dana bagi pengembangan ekowisata. Kini ado ndak nan namuah mamuloinyo, kok dari segi jaringan insyaallah ambo bisa bantu. Karajo ko adolah karajo jangko panjang dan perintisan (pengalaman kawan di pulau ketek di Sulteng, Togean, paralu wakatu 7 tahun pendampingan masyarakat sampai mereka siap mengelola sendiri). Jadi kesabaran bagi pihak-pihak yang terlibat di dalam karajo ko terutamo dalam hal ekonomi iyo sabana diuji. Tapi baa kok di tampek urang bisa jalan??? ambo optimis di tampek awak bisa pulo. Batua Da Bandaro, SDM diawak terutamo tantang 'service' paralu bana manjadi perhatian. Dalam Ekowisata ko masyarakat terlibat sajak dari awal karajo, jadi mungkin raso memilikinyo labiah tinggi sehinggo bisa labiah toleran jo 'gengsi' malayani ko. Di sisi lain dek karano ekowisatawan ko biasonyo labiah mandiri, inyo indak terlalu banyak bana manuntuik masalah service ko, nan penting barasiah dan aman sarato 'ilmu atau pengalaman' nan didapak-inyo salamo berwisata sasuai jo nan awak promosikan. Transportasi dari segi infrastruktur mungkin indak jadi masalah. Mungkin nan jafdi masalah adolah sikap 'kurang' ramah dari operator transportasi (supir jo stokar) di awak salain kepastian 'rute' dan frekuensi perjalanan angkutan umum nan tarutamo ke daerah-daerah nan jauah dari kota. Akomodasi ekowisatawan indak butuh dana nan gadang untuk mambangunnyo. Bangunan takah taratak atau dangau malah banyak nan diminati. Wee taragak mandanga bunyi koncek di tangah sawah, bunyi buruang malam, suaro aia dll nan indak bisa didanga di hotel-hotel berbintang. Kesenian mungkin iyo mulai kurang diminati dek generasi mudo, tapi iko bisa dengan sendirinyo tumbuah bilo ado 'demand' dari wisatawan. Justru nan paralu diantisipasi baa caro supayo demand ko indak marusak keaslian dari kesenian jo kebudayaan. Kok ado nan tahu informasi pengembangan ekowisata di Sumbar, iyo tolonglah diinformasikan ka ambo. Kok ado nan kurang jaleh atau kurang pas mohon tanggapan dan koreksian dan sabalunnyo terima kasih. Soto Mangkuto, siapa takut..... Tingga maatur wakatunyo se..... Kok Ni Ben ada tantu rancak bana. Dulu Evi Gamut awak tunggu-tunggu indak mancogok doh....
Wassalam, Oni Quoting Bandaro <[EMAIL PROTECTED]>: > > Ambo tertarik jo ekowisata ko. > Rasono paralu dipalegakan 'gak sajamang lai. > Nagari kito sangaik bapotensi utk iko. > - Relativ masih banyak nan hijau. > - Relativ aman. > - Jalan Sumbar rancak > - Objek wisata banyak. > Kosumenpun rasono cukup menjanjikan ; > Dari tetangga sajo, propinsi petro dollar Riau - Jambi - Sumsel, > dan dari lua nagari ambo kiro manjadi pilihan utamo ka Sumbar, > disampiang ke jawa. > > Kendalano tantu ado ; > - Pengelolaan > - Transportasi ( ???) > - Kurang kesenian. > - Urang awak indak babakaik sebagai penjual jasa. > > Kpd Oni, Mul, Firdaus, Miko, Erwin. > Lah lamo wak indak ka Soto Mangkuto Pintu Aia.... > Bilolah Ben ka batawi .. eh ? > Kito tunggulah baliau. > > Wass > ~ab~ > Oni Yulfian Deputi Pengembangan Sumberdaya dan Promosi Pariwisata Badan Pengembangan Kebudayaan dan Pariwisata Jl. Medan Merdeka Barat No. 17 Jakarta Pusat 10110 (62 21) 3838430, (62)8161341733 RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
