30 Tahun Bahtera Itu Laju
Surang dari Gasan Gadang*
Dibao marantau ka Tanah Deli**
Surang asa usua Toboh*
Lahia di Tanah Simalungun**
Nasib mampasuokan di Jakarta
Sembilan Baleh Maret Tujuah Duo
Ikrar dibuek, janji dikabek
Membangun bahtera rumahtangga
Sakinah, Mawaddah Warahmah
Handaknyo
Bahtera dikayuah kadang tasandek
Tadampar diluluak lancah
Namun samangaik tak pernah guyah
Biduak didorong, di dayuang tanpa lelah
Topan jo badai datang mendera
Angin semilir juga ada
Bahtera terus maju menderpa
Hingga marapek di Amerika
30 Tahun bahtera dikayuah
Dari kelasi cumo baduo
Kemudian batambah panumpang limo
Dari nan limo datang pulo tigo
Syukur kami padaMU Ya Rabb
Berkat karuniaMU, biduk kami selamat
Terima kasih padamu kawan
Berkat bantuanmu, hidup ini berarti
Apokah biduak ka babaliak pulang?
Mungkinkah di Pantai Piaman
Ataukah Belawan
Ataukah di Tanjuang Priok nan rawan
Takdir Allah juolah nan akan menentukan
* Di Pariaman ** Di Sumatera Utara
------------------------------------------------
Antah apolah namonyo iko.
Sekedar curahan perasaan
memperingati 30 tahun bakaruah basamo
Dari 19 Maret 1972 sampai kini
19 Maret 2002
Semoga bisa bakaruah basamo taruih
Sampai nyao meninggakan badan. Amin
Washington, DC diawal musim berbunga
Dutamardin Umar
- Re: [RantauNet] 30 Tahun Bahtera Itu Laju Ajoduta17
- Re: [RantauNet] 30 Tahun Bahtera Itu Laju Hilman Satria
- Re: [RantauNet] 30 Tahun Bahtera Itu Laju Oni Yulfian
- Re: [RantauNet] 30 Tahun Bahtera Itu Laju Yeni Mulia
- RE: [RantauNet] 30 Tahun Bahtera Itu Laju Elthaf
- RE: [RantauNet] 30 Tahun Bahtera Itu Laju Darul Makmur
- RE: [RantauNet] 30 Tahun Bahtera Itu Laju rahim rahima
- Re: [RantauNet] 30 Tahun Bahtera Itu Laju Program Kerjasama BUMY
- RE: [RantauNet] 30 Tahun Bahtera Itu L... Boes Roestam
- Re: [RantauNet] 30 Tahun Bahtera Itu Laju arfedo .
- Re: [RantauNet] 30 Tahun Bahtera Itu Laju Ajoduta17