RE: [RantauNet] Fwd: mesir = padang bengkok

[Elthaf]

        Assalaamualaikum wr.wb.,

        Dari posting urang tuo kito, bundo Nismah,  dengan caro keibuan baliau, keperihatinan seorang ibu terhadap kesejukan dan kenyamanan dari milis ko, berbagai caro teknik penulisan lah bakirimkan, Mak Lembang Alam dengan ilustrasi baliau, Mak Parpatiah, Mak Bandaro jo mamak yang lainnyo dengan caro langsung ka sasaran, jadi lah jaleh tu mah, baa harapan awak basamo untuak manjago milis ko sajuak, nyaman dan tenteram.

        Ambo mandukuang sapanuahnyo ketegasan Admin, sanak Miko, tahadok ka E-mail account yang akan mambuek awak angek talingo mambaconyo.

        Saminggu yang lewat ambo mangunjungi urang tuo kito di RN ko, yaitu Mak Sati di Padang, ambo sakali tu basuo jo baliau, ondee yo sabana  sanang hati ambo, ambo sangaik hormat dan respek dengan kejernihan pikiran dan pengucapan baliau, baliau batua-batua seorang tuo yang intelek, punya pandangan yang sangaik laweh dan jauah ke depan, sangat familiar, alhamdulillah salamo ko ambo lai barusaho mangirimkan mail kamilis ko dengan caro biaso-biaso sajo, sahinggo wakatu ambo basuo jo baliau baitu pulo jo anggota rantau net yang lainnyo ambo indak maraso malu dan kikuk.

    Mudah-mudahan dari iko ka ateh, mohon sanak-sanak kito untuak indak mangirimkan mail yang kato-katonyo indakbakaruncingan tu lai, samo-samo awak pikiakan banalah kiro-kiro yang awak postingkan tu.

    Mohon maaf bagi yang nggak berkenan.

    Terimakasih

    Wassalam

    Elthaf Hijaz St. Sri Bagindo, 42 Th.

-----Original Message-----
From: Hayatun Nismah Rumzy [mailto:[EMAIL PROTECTED]]
Sent: Sunday, March 24, 2002 10:20 PM
To: [EMAIL PROTECTED]
Subject: Re: [RantauNet] Fwd: mesir = padang bengkok

Assalamu Alaikum W. W.

Labiah dahulu bundo minta maaf sagadang-gadangnyo karano baru sajo mancogok ka palanta ko lansung nimbrung kato urang.  Alah payah bundo manahan diri supayo indak mangecek tapi indak tatahan dek bundo lai untuak mangaluakan uneg-uneg kato urang kini.  Mungkin banyak nan indak mangatahui dulu kami sesepuh Rantau Net iko mandirikannyo pada tahun 1992 mulo-mulo babarapo urang dengan tujuan berdiskusi yang sehat,  mempererat silaturrahmi dan bisa manyumbangkan sesuatu untuak nagari ko.  Katiko tu ado duo mailing list yang ado nan manjadi favorit kami yaitu ISNET dan RANTAU NET. Katiko tu banyak dari anggota Rantau Net nan aktif di Isnet dan RN dan mereka tu manyumbang buku-buku ka universitas di Indonesia. Karano di Indonesia alun ado Internet lai mako jalan keluar ialah melalui perusahaan asing seperti Caltex, Mobil, IBM dll.nya. Ado 2 tahun lamonyo bundo berpartisipasi di RN, banyak buku nan disumbangkan, sampai tahun 1994 bundo memasuki masa purnabakti dan se muanya berakhir semua fasilitas.  Sesampai di Jakarta bundo cubo juo berlangganan Internet dan waktu bundo baminantu anak bungsu kami bundo dapek selamat dari anggota RN seluruh jagad raya yang dikirimkan ananda Ben McKosky. Bundo agak dapek cultural shock mulo-mulo baranti bakarajo.  Sagalo mamabaie: listrik, telepon, ditambah pulo jo internet nan masih barang mewah waktu itu manyababkan bundo baranti balangganan internet.

Kini di Jakarta lah ado kabelvision, lah ado internet nan indak dial up doh, jadi tagihan telepon indak mambubuang doh mako bundo mancigok baliak ka RN nan lah lamo ditinggakan.  Indak nampak muko-muko lamo lai bundo batanyo-tanyo apo nan kajadian mako mereka tu maninggakan RN.  Bundo ikuti bulan-bulan terakhir ko iyo lah agak babeda dari nan mulo dulu.  Kok dulu inyo ketek kiniko alah gadang lah sapuluah tahun umuanyo.  Tapi palanta ko indak tantu lai sia nan duduak banyak nan masuak pakai topeng, ado nan indak manyapo, indak namuah manunjuakkan identitasnyo.  Kok garah lah banyak nan garah kudo, mereka tu indak mangarati doh karano kalau inyo bacaruik ado 946 urang lain nan mambaco caruiknyo.

Dulu kami urang padusi koh lai dihargai di milis RN koh. Kok kiniko masak nanda Rahimah Rahim disuruah ba"belly dance" atau "strip tease" iyolah indak masuak diaka bundo doh.  Manga indak dikirim ka jalur pribadi sajo kalau angku Gus Dur diam-diam memuja nanda Rahimah. Dan indak baitu doh caronyo.  Apo angku lai punyo anak padusi, dunsanak padusi, atau ibu. Baa kalau ado urang mangecekkan kamereka manyuruah mereka manari telanjang? Sagalonyo diraiah pungguang kadado kecek urang Minang.  Atau angku tu nak manghina urang-urang padusi Minang nan aktif di RN ko?

Ananda Rahimah nan bundo hormati,

Bundo respect kapado ananda, ananda seorang wanita Minang yang bundo doakan akan manjadi pamimpin maso depan.  Nanda punya pengetahuan luas dan nanda jangan mundur dari RN ini. Bundo senang membaca jawaban-jawaban nanda, cara nanda meng solve problem dan cerita nanda tentang Egypt. Nanda jangan meladeni orang-orang yang ingin meremehkan kita, pura-pura bertanya, tapi mau menyepelekan.  Bundo bekerja 32 tahun diperusahaan asing yang menghargai wanita. Ada beberapa "male chauvinist pig" yang mencoba-coba meremehkan kita dengan joke yang berbau sex dan itu jangan ditolerir. Yang akan menghargai kita - ya dir kita sendiri. Jangan dibiarkan mulut orang lalu saja kepada kita.

Masih lamakah nanda pulang kembali ketanah air?  Dimanakah nanda bakarajo sasudah sikola? Alah punyo momongan ananda?

Untuak nanda admin kalau buliah bundo mangusul tolonglah benahi database RN ko, sabab kalau indak awak benahi nampaknyo quota awak tiok sabanta panuah dek "garbage"  sajo.

Mohon maaf yang sagadang-gadangnyo kalau ado nan tasingguang karano bundo menganggap bundo punyo "sense of belonging" ka RN ko.

Wassalam Bundo

Hayatun Nismah Rumzy

---

Do You Yahoo!?
Yahoo! Movies - coverage of the 74th Academy Awards®