Assalamu'alaikum WW Uda Miko, e.Labeh, Mak Sati, Mak Bandaro, Ajo Duta, Uni Rita (welcome back), Uni Rahima, Ajo Buyuang ... ciek duo namo sarato gala nan ambo sapo..umumnyo adidunsanak di balerong nan ko....
Samantang jo masalah tata-taratik nan acok dipamasalahkan akia-akia iko, mamcubo pulo ambo maagiah pandapek ..kok kurang tolong disambuang, kok putuih tolong diuleh.. (ciek) Di ambo sacaro umum rasonyo balerong iko indak paralu di moderatori sacaro khusuih, dek karano lah jalas bana di dalam preambule ka masuak balerong rantaunet iko apo-apo nan manjadi hak , apo-apo nan manjadi kewajiban dari rantaunetter nan mandaftar ka balerong maya iko... Kok alun mangarati indak usah lansuang masuak...batanyo gak sapatah duo patah kato dulu lah ka rang dapua... (duo) Namun dari poin nan ka-ciek tadi , jikok ado masalah nan paralu di padalam jo diskusi nan labiah tapokuih barulah diparalukan biliak ketek jo moderator nan ka maarahkan diskusi dan manyasuaiakan sia nan ka ikuik sia nan indak usah ...supato misi dan visi-nyo bisa sa level... hal iko alah dimuloi dek kare'an Ronal di biliak diskusi...(selamat Ronal) (tigo) Dari kejadian-kejadian ado okunum-okunum nan posting atau tulisannyo lah diraso jauah dari alua jo patuik dan lah jauah dari maampek , mekanisme nyo lah ado di preambule, yaitu diagiah tau, diinggekkan, ado usulan untuak di kaluakan dek rang rami...dan akhirnyo di suruah manutuik pintu dari lua kok masih karengkang..indak namuah di sapo... KTT nan lah ado rasonyo masih punyo wibawa dan aturan main nan jaleh dan fair untuak iko... (ampek) Dari point tigo diateh biasonyo ado nan protes kalau ado nan sampai dikaluakan dengan alasan ini dan itu... dan cmiiw urang nan protes selalu "itu ka itu" sajo....dengan alasan hak mangaluakan pandapek, hak untuak indak sapandapek, hak untuak mangaluakan ide.... hak untuak buliah mambuek antitesis dll.... namun ado hal nan harus diliek pulo hak dari adidunsanak nan lain....misalnyo hak untuak indak diganggu dek posting nan indak patuik, hak untuak maajukan keberatan jo posting nan mangganggu dll.... Nan sabanannyo kalau kito lai samo-samo manjago kewajiban rasonyo iko indak jadi hal nan paralu dicamehkan ...walau itu adolah hal nan mandasar.. (limo) Dari partamo ambo masuak ka baleong iko, balerong maya rantaunet iko dasarnyo adolah bagi ambo Minangkabau for all , lah masuak di dalamnyo ANSSBK, kebudayaan, Agamo dan Ugamo, silaturahmi ..pokoknyo langkok supadeh langkueh adas manih, jintan, daun salam ...cangkeh palo...kulik manih...pokoknyo langkok sadoalahe.... Jadi manuruik ambo RN iko bukan selalu harus untuak hal-hal nan serius dan untuak nan paralu dipikiakan... masih ado urang rantau, anak rantau, urang kampuang, dunsanak nan manjadikan RN untuak paubek taragak jo ranah bundo... jadi buliah sajo ado nan basalam-salam silaturahhmi... bagarah ... dll asa masih dalam karangko alua jo patuik..... Jadi kesimpulan ambo ..... (Kesimpulan).... i. RN sacaro umum indak usah di moderatori ii. Untuak topik-topik nan paralu didalami, dan untuak ma-akomodasi pakaraluan untuak nan khusus, silakan buek biliak ketek dan disitulah baru di moderatori, supayo bisa di arahkan dan disasuaikan audiens-nyo iii. Dahulukan kewajiban baru manuntuik hak, dan samo-samo dijago alua jo patuik , ereang jo gendeang....dan selalu maampek iiii. Ijan talalu jauah dari mainstream yaitu Minangkabau ... Dan untuak panutuik ...bagi ambo hanyo nan satitiak dijadikan lauik...rela jo maaf kok ado nan salah....dan khusus tantang Agamo Islam..dan posting-posting tantang agamo ..pls kok ado bagi adidunsanak maraso 'labiah "benar"' silakan masih ado nan kurang "benar" dan yang agak "benar"...., tetapi untuak 'satu-satunya' yang benar' wallahualam bissawab.. sehingga janganlah menyalahkan orang..... Wassalam Z Chaniago - Palai Rinuak - >From: "Miko A Mikardo" <[EMAIL PROTECTED]> >e-mail: [EMAIL PROTECTED] > > > -----Original Message----- > > From: [EMAIL PROTECTED] > > A.C. St Rangkayo Labih > > > > > ----- Original Message ----- > > From: esteranc labeh > _________________________________________________________________ Send and receive Hotmail on your mobile device: http://mobile.msn.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================