Assalamu'alaikum WW. Adidunsanak di Rantaunet nan ambo hormati, takajuik gadang ambo dek lah babulan hari indak maikuti diskusi ataupun ota di balerong kito iko karano ruponyo ado puncak gunuang es nan jadi pamasalahan kito sadonyo.
Nah sahubuangan jo masalah awak diateh, dan usulan dari Bunda Ben untuak kito marundiangkan panyelesaian masalah awak iko, dengan Bismillahirahmanirrahim supayo dapek malah jalan kalua nan lamak diawak katuju dek urang So.. kalau diambo dengan saketek banyak raso memiliki balerong iko, rasonyo labiah elok awak untuak mandiri dan konsekwensinyo awak akan kanai biaya untuak balerong dan biliak awak iko....soalnyo indak ado nan sabana gratis untuak manampekkan website dan samagai host dari milist iko. Sahinggo apokoh kito tatap di tampek nan kini jo Mas Eddy, apokoh pindah ka yahoogroups.com , atau malah mambali space dan domain misalnyo di techscape.co.id (usulan sanak Rizal-Inter Delta)dll tatap sajo indak ado nan gratis sabana gratis. Hanyo ado harago nan labiah murah atau maha dan fasilitas nan didapek sasuai jo harago tsb Supayo labiah jaleh akan ambo uraikan masalah nan indak ado nan sabana gratis itu : Salamo iko kito mungkin baanggapan kalau di yahoogroups.com itu gratis namun sabananyo si yahoogroups.com maanfaatkan kito sabagai tampek panarimo iklan-iklan dari klien-nyo, kok kito ndak namuah ado iklan di footer email nan dari milis yahoogroups.com kito harus mambaia sekian dolar US. (kalau ndak salah $US 35 CMIIW). Nan kaduo kalau di tampek kini ko (airland-nyo Mas Eddy) kan lah samo-samo jaleh kalau sampai saat iko masih ditalangi dek Mas Eddy sadonyo cost untuak kito tsb baiak webhosting maupun space. Nan katigo, misalnyo kito ka tampek lain eg hosting di techscape.co.id (usulan sanak Rijal-Inter Delta) memang ado nan biayanyo pendaftaran saratuihsan ribu dan bulanannyo Rp.10.000 dengan space satangah mega, dilua harago domain. Namun paket iko rasonyo indak dibuliahkan kan untuak milis (ambo pernah mamakai paket nan iko untuak salah satu EO kawan ambo) Ado dalam perjanjian-nyo.Kalau space labiah gadang eg 250 mega biaya bulanan Rp.19.000 dst-dst Sahinggo masiang masiang punyo kalabihannyo : Kalau di yahoogroups.com biaya murah, malah untuak milis seakan gratis namun indak ado webhosting-nyo. Kalau di tampek nan kini (Airland-Mas Eddy) biaya-nyo lumayan tinggi namun fasilitas sarupo nan alah kito dapekkan kini langkok milis,space dan webhosting. Nan katigo kalau anggaplah kito cubo di techscape.co.id itu hanyo bisa untuak webhosting dengan space terbatas, indak bisa untuak milis , sahinggo kalau ingin mandapekkan fasilitas sarupo nan kini 'mungkin' biayanyo tetap sajo samo jo di Airland-nyo Mas Eddy. Kesimpulan ambo : Jikalau kito tatap ingin dapek fasilitas sarupo kini , labiah eloklah kito tatap di Airland dengan konsekwensi biayanyo 'lumayan' gadang. Jikalau kito hanyo ingin ba milist ria sajo dengan "gratis" bisa mamakai milis-provider nan gratis eg. yahoogroups.com , plasa.com , dll-dll dengan konsekwensi jikalau milis-provider-nyo indak mambuliahkan lai tapaso bapindah tampek..... Jikalau hanyo paralu website ketek sajo dengan fasilitas terbatas bisalah mamakai webhosting eg techscape.co.id dengas fasilitas sasuai jo banyak pitih dalam kacio kito nan kito anggarkan.... Usulan ambo : Kito tatap sajo di Airland, dek karano sabananyo biaya itu akan samo sajo dima sajo asal dibandiangkan sacaro adia ' kapunduang jo kapunduang ' apple to apple ' Nah tingga di konsekwensinyo soal biaya, jikok memang RPU awalnyo dimungkasuikkan untuak bisnis nan ka mambiayai Rantaunet (penafsiran ambo) silakan nan labiah tau untuak ma-publikasikan ka kito-kito sacaro gamlang... jikok memang ka manjua saham ekslusif ka anggota RN bagai beko samo-samo kito pikua lah... Itu dulu .. . lah tangah ari di pinggir Jakarta kini.... salamaik Shalat Zhuhur dan makan siang.... Kato salah jangga talonsong tolong diluruihkan dan dimaafkan... tantang dana pananggulangan masalah RN insyaAllah kok lai rasaki tangah bulan ko akan ambo titipkan via Uni Evi tersayang.... Untuak Bunda Ben, salam hormat dari ambo..ado nan ka ambo tanyokan ka Bunda tantang ekstraksi daun kulit manih... via japri sajo lah.. Untuak Uda Miko dan Sanak Ronal , masalah teknisnyo apo nan ambo tulih diateh tolong dibatuakan kok ado nan salah ..juo untuak sanak Rizal.... Untuak Uni Rahima, Mak Sati, Mak Bandaro, Ajo Buyuang, sarato adidunsanak sadonyo salam taragak.... Wassalam Z Chaniago - Palai Rinuak - mulai di RN sajak tahun 1998 >From: [EMAIL PROTECTED] >Sanak2 Palanta yth. >Assalamualaikum wr. wb. > >Saya sangat terharu membaca semua komentar, buah fikiran, >perasaan hati, dan usul jalan keluar sehubungan dg server >Rantaunet (RN) kito. Saya memandangnya bahwa semua itu >adalah bertujuan positif. Terima kasih banyak. > >Kita semua juga sama2 mengerti bahwa komunikasi di palanta ko adaolah >komunikasi spontan, jadi tiada yang bertanggung jawab untuk mengarahkan >suatu >point/subject, etc. Namun saat ini kita memang memerlukan kebulatan >pendapat >dan perlu seseorang yang me moderator-i subject >"Penentuan Server RN saat ini ". > >Untuk itu saya mohon volunteer dari sanak2 Palanta maju untuk sebagai >moderator berita2 yang masuk dalam mencari jalan keluar persoalan >pokok kita saat ini. Tolong maju, terima kasih. > _________________________________________________________________ MSN Photos is the easiest way to share and print your photos: http://photos.msn.com/support/worldwide.aspx RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
