Re: [RantauNet.Com] Manaikkan Galang2 (test)

[Zubir Amin]

Assalamualaikum wr.wb!Semoga Allah swt selalu memberkati sanak
ku Arman Bahar sekeluarga di PTCPI,Duri,Riau.Amin 3x.

Pandai bana Arman manggili dan manggalitiak katiak rang tuo,ambo
lah katidua-tidua ayam je soal masa depan silek awak di Minang khususno
di daerah pasisia dari Natal,Aia bangih,sampai saaluran Piaman sampai ka Painan(pessel).Taruih tarang sajo,hampia ndak ado pandeka asli silek
nan dapek dibanggakan kini di pasisia atau di Minang.Generasi kini ado-
lah adolah generasi pandeka gado-gado,campuran dari bermacam-macam ali-
ran seni bela diri impor,kudian dipaksokan menjadi aliran silek Minang.

Mauruik dado awak dibueknyo,karano sajak samulo inti sari dari si-
lek awak tu ndak diturunkan secara utuh.Ado juo surang baduo pandeka si
lek tu nan manurunkan secara utuh tamasuak ilimu "manaikan galang2",dan
bacoan2 pandukuang nan wajib repeat wajib dikuasoi oleh si murik.Dulu io
lai mangkuih kasadonyo,karano urang alun pandai tulih baco.Apo nan diaja
kan dek siguru atau pandeka silek,wajib dihafal dan diamalkan secara to-
tal.Kini,apo masih bisa mangkuih tu,sebab kecek murik nan lah basikola,
apolagi nan lah satingkek SMP/SMA,baco-bacoan tu kayak pantun.Si murid
lah manggunokan olah pikir dan nalar.

Bagi kanakan nan mau kembali ka zaman saisuak saparati sanak Arman
baraja silek,bacoan nan dilewakan panglima alang babega,silakan apa dan
bacolah tatkala akan dan mulai balatiah silek.Syaraiknyo gampang,musiti
picayo,ndak buliah mambantah.Cubolah pacik ilimu nan diturunkan panglima
alang babega tu,atau silaulah pandeka tuo tu di Duri,bia kalua pandeka
harimau dari ngalaunyo.Bawolah sagalo syaraik nan paralu.Paliang kurang
baraja baa caro"manaikkan galang lawan" supayo sakik paruik wakatu bama-
in silek.

Ikolai lo sakatek,bacoan penempur galang2 nan dinaikan tu,mudah-muda
han mangkuih:Hai galang2,guluang2.Jaan engkau manikam,jaan engkau manyu-
lo.Tibo di hati engkau mati,tibo di jantuang engkau tagantuang,tibo di
rabu engkau jadi abu,barakaik Lailaha ilallah!
Kalau masih taraso juo dalam paruik sakiknyo wakatu basilek,bacolah nan
saparati iko:
Bismillah,Hai sigalang-galang Rajo,hai sigalang kuduang,
hai sigalang-galang kuniang.Aku tahu asa mulo angkau jadi.
Jangan angkau lancua aniayo dirangkai jantuang tali pusek
sianu.Kalau angkau lancua aniayo,angkau dimakan kutuak ka-
lamullah.Angkau disumpahi nabi Muhammad.Tangkeh ubekku sa
paratik kilek.Biso tawaku saparati ipuah.Tajam ubekku sapa
rati kando.Barakaik lailahailallah.
Barangkali sanak Arman Bahar masih ingek,sumpah bacoan nan diateh.
Jo Buyuang,hanyo manukuak sajo kalau ado kanakan nan baminaik baraja si
lek caro saisuak.Picayo atau indak tasarah ka kanakan surang-surang.Kok
jo Buyuang,silek no kini silek Al-Quran sajo.Nan lamo tu lah basimpan
dalam peti;bia ndak bacampua jo nan sabananyo saparati nan ado di dalam
Al-Quran.Baik untuak paga badan atau akan mulai malangkah silek,turun ru
mah,bacolah Bismillalhirrahmanirrahiim.

Sanak Arman,rasonnyo nanak Djuri(mantan walikorong Kotomarapak)par
nah bacarito tantang kehebatan pandeka "Syuik Buayo",liau malang malin-
tang dulu di Kotomarapak sampai Barangan,Kampani,Aia santok,Padusunan,
lai batali juo nampaknyo kito komah.Demikian sajolah carito nan indak
baujung pangka ko.Dari Marseille,minggu siang,kami sekeluarga mengucap-
kan selamat balibur.Wass.wr.wb.Jo Buyuang.





_________________________________________________________________
Choose an Internet access plan right for you -- try MSN! http://resourcecenter.msn.com/access/plans/default.asp


RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.

Mendaftar atau berhenti menerima RantauNet Mailing List di: http://www.rantaunet.com/subscribe.php3
===============================================