Ma sagalo adidunsanak jo anak kamanakan di sagalo suduik bumi Allah ko, Assalamu'alaikum wr. wb.
Sabananyo posting ko ka ambo buek awal bulan Nop. ko, tapi dek manunggu nan berhak manarimo, baru kini ambo lewakan ka lapau. Sampai kini ambo lah manarimo dan manyarahan sumbangan adidunsanak jo anak kamanakan di RN ko sabanyak Rp 2.450.000,-, yaitu: 9/07 Dari Muchlis Hamid + Rp 250.000,- 12/08 Dari Zulhamdi + Rp 50.000,- 02/09 Dari Zulhamdi + Rp 150.000,- 01/10 Dari Ajo Dutamardin, aqiqah 2 ikua kambiang cucu baliau Alexander, Rp 1.000.000,-. Jumlah: Rp 1.450.000,- lah ambo sarahan ka kapalo MIS Sikakap di rumah ambo tanggal 10 Oktober 2002. 28/10 Dari Ajo Dutamardin, infaq isteri baliau Nurlisma binti Nurdin, Rp 1.000.000,-, dan kapatang sanjo, Sabtu 2 Nopember 2002, lah ambo sarahan pulo ka kapalo MIS Sikakap di rumah ambo juo. Tando tarimo dalam format hardcopy lai ambo simpan. Nampaknyo sumbangan warga RN ko iyo sabana gadang artinyo untuak sikola nan bansaik ko. Cubo sanak bayangkan, honor gurunyo cuma 50 rb sabulan, dan sumbangan awak nan kapatang ko dimamfaatkan baliau untuak manambah honor tu jadi 100 rb untuak bulan September jo Oktober. Insya Allah nan sajuta nan ambo sarahan kapatang sabagian untuak hadiah lebaran. Dilua kapalo sikola nan PNS, jumlah guru honor salapan urang, ampia sadonyo urang asli Mentawai. Jadi kok ado adidunsanak jo anak kamanakan nan bakalapangan, tolonglah bantu sikola ko, satu-satunyo madrasah ibtidaiyah di Mentawai, nan berjuang untuak mamaliharo dan mangambangkan agamo Islam di ranah pulau Katolik jo Protestan ko. Mudah-mudahan Allah swt. akan mambaleh infaq, sadaqah, zakat, dsb dari adidunsanak jo anak kamanakan ko jo rasaki nan balipek gando. Amin ya rabbal alamin. Salam, mak Sati (65) Sitawa 25, Tabiang. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
