Ass. Ww Taruih lah sanak, iyo
lamak ota ko mah, tabukak pikiran kami dek inyo.
Iko ambo pamisi dek ambo cc Wass. Ww Darul 49 Jkt. -----Original Message----- Dunsanaks Assalamualaikum...W.W. PAMBUKAAN: Banyak dunsanak batanyo ka ambo, BA A PANDAPEK RANG
LUA TENTANG INDONESIA ? , ok, jawek ambo sasuai jo nan nampak nan di danga jo baraja adolah,ibaraik sanak nan sadang lapa,
tagak di muko restoran Padang, di baliak kaco sanak maliek nasi nan angek
barasok ayam goreang balado, randang kariang, pucuak parancih, samba
lado ijau dan banyak lai variasi samba nyo.Tajijia salero di buek nyo, raso ka digaratak se pao ayam goreang angek jo samba lado.Tapi di
dalam restoran sadang rami urang bagadincik, tapaso sanak manunggu sampai tibo saaiknyo masuak bakucatak.Itulah potret nyo pandapek
urang lua, dalam hal ko yaitu pebisnisnyo, baiak pebisnis real investment(nan
ka mambuek pabrik, badagang barang/jaso dst) atau si pebisnis financial
investment(currency exchange, stock trading). Untuak urang real investment, mereka ko manampak kesempatan
tampek nan murah, tanago karajo malimpah/labor surplus, urang nyo nan ra mah nan suko di jajah. Dek restoran Padang rami(indonesia
sadang kalebuik ampok) urang ko banyak nan pindah atau pai ka restoran Chino Vietnam, Thailand, Malaysia.Utk urang financial investment
samo, mereka liek liek jauah sajo, takuik rugi dari pado balabo. Ho ho ho, marancak an jo keadaan kiniko, barati galodo/foreign
investment ndak masuak samantaro, makonyo kito basamo samo manyatuan tanago sabalun mereka tibo malendo.Tapi mak Gindo manyolo
ambo, kok sanak nan tingga di lua yo ndak maraso, kami nan tingga di Indo
nan cido dibueknyo, oh iyo bana pulo.Nan jaleh kereta awak lah
ado, Minang Inc namonyo, naiaklah sudaro sadonyo, ambo garanti dunsanaks kasa donyo jadi kayo, tantu ambo sato pulo yo.Kalau naiak kareta
jan lupo bali karicih, iko nan pantiang bia kareta bajalan kancang. Kasimpulan: Marancak an situasi kacau kiniko sabagai paambek
foreign investment/galodo nan ba potential marusak negri, dalam sagalo lini, sa buiklah, mulai dari material, capital, moral,
enviromental.......dst. INVESTMENT Invest aratinyo juo mananam, kok di kampuang iyo padi,
jaguang nan di tanam, kok pai ka kota kepeang nan di tanam, kok mananam padi
iyo di tanah nan subur, kok kama nanam pitih iyo dibalian ka stock
perusahaan nan subur pulo untuang nyo, ndak subur utang nyo do yo, abih pitih. Nan namonyo mananam iyo butuah wakatu utk mandapek hasianyo,
daulu urang manunggu sataun baru dapek padi di sabik, kok mananam ke peang/invest, minimal limo tahun baru nampak
hasilnyo/capital gain. Kok sanak pai kapasa , bali kuali, bali minyak, bali pisang,
kamudian di galehan jadi pisang goreang di muko rumah, satalah limo thn
manggaleh di caliek kacio lah panuah, di sabuik juo real investment. Kok sanak maleh bausaho, balikan pitih tu ka stock
perusahaan nan sehat jalannyo, nan baruntuang taruih, satalah limo thn, indak
dikana pitih sanak lah banyak dari harago stock nan naiak plus
labo/dividend, iko financial investment kecek urang ameriko. Sagalo economist ndak ado nan ndak agree kalau dikecek an
bahaso nan kama majukan ekonomi nagari adolah investment, baitu pulo kecek gaek Milton Friedman nan di Stanford ka ambo/garah stek.Tasabuik
di nagari Amrik, cikal bakal private investment company dari keluarga
Rockefeller nan milyarder, mereka mambantuak Venture Capital, nan mereka
agiah namo Rockefeller Bro's. Urang VC kolah nan kamambiayai sagalo usaho, atau juo kalau sanak ado ide usaho, bisa dibiayainyo sajak dari
mulo/seed financing, walaupun sanak ndak ba modal sa sen pacah pun.Sagalo ide
sanak di biayai, mulai dari ide bataranak jawi sampai ka
teknoloji tinggi di silicon valley(tarakhir ambo danga ado 250 VC company stand
by di SV) Kok sanak nio detail caro karajo nyo usaho VC, sanak Hanafi
nan ka manggili, sabauk liau ko nan ahli, carito dari ambo sakadar ulasan
sambia minum kopi pagi. Kasimpulan: Investment penggerak ekonomi, investment kompani
saharusnyo milik kita sendiri, dari kita oleh kita utk kita kecek pak Kapten,
nan kabanyo rang minang nan bajumlah 12 juta worldwide kalau
invest ciek dollar se surang lah tagak ciek investment company dengan
modal 12 juta dollar, awak ndak butuah dana urang lai, rancak lah makan
tabu jo urek nyo. INVESTMENT COMPANY Dunia investment ko regulated sanaks, makasuiknyo punyo
peraturan nan di kaluakan dek agency atau pemerintah, jadi ndak bisa sewenang
wenang sajo mandirikannyo, maraup pitih rang banyak, kamudian ndak
bisa di pagunokan sasuko hati urang nan managing.Satiok hajat nan bahubuangan
jo rang banyak di atur dek pembantu urang banyak/public service
nan diawak baistilah kan pamarentah.Diantaro aturan main nyo kompani buliah
baban tuak PT. atau badan hukum lainnyo, trust misalnyo.Kamudian
kompani haruih mangaluakan prospectus/samacam business plan, di dalamnyo disabu ik kan lengkap sagalonyo mulai dari objectivenyo/kama pitih
ko ka di putakan, policynyo, managementnyo, distribution dividen,disitu calon
investor ma nilai , manyigi sagalo sasuatunyo ttg investment company
sabalun mananam piti, jadi ndak mambali kuciang dalam karuang do yo :) Kasimpulan: Investment lah nan ka mamajukan nagari, makonyo
rakyaik haruih di buek mangarati dunia investment maso kini, supayo liau liau
ikuik partisipasi ba investasi, sagalo usaho nan dikakok akan
jadi, iko ilmu pasti nan lah tabukti dek si amriki. MANAGEMENT COMPANY Buliah juo di sabuik Investment service company, kalau
investment company/fund company ndak bisa mangalola pitih rang banyak nan lah
takumpua di tangan, buliah diagiah kan kaurang nan santiang maolahnyo di
financial market dengan dengan upah/fee. Perusahaan nan maambiak upah ko juo disabuik Adviser/Advisor. Oke sanaks, nan
sangaik menarik dalam dunia service/jasa/manarimo upah ko iyo sabana geleang
kapalo ambo. Upah maolah dana/capital cuma 0.50/satangah persen -
1.00/ciek persen, bahkan ado nan manarimo upah cuma 0.20 persen.Iyo samo samo
cadiak urang ko. Bagi Fund Company merasa biaya/fee yang sangat
rendah, bagi Fund Service/Adviser, walaupun persen tase fee yang rendah, tapi
dari total capital yang sangat besar(in billion) manjadikan panuah juo
kambuik perusahaannyo.Kalau di etong etong Adviser manarimo capital USD
100 Billion utk diolah, mandapek fee USD 500 Million kalau fee nyo 0.50
persen, iko kontrak maolah dalam satahun, fee ditarimo tiok quarter, jadi ampek
kali baia.Ka untungan dari pitih nan diolah Adviser indak mandapek
sarimih pacah juo do, sado kauntungan baliek ka Fund Company, sataruih nyo
baliak ka kambuik investor di kurangi cuma biaya administrasi dan biaya si
Adviser. Utk amriki rato rato untuang nan di buek dek si Adviser dari capital
kiro kiro 12 persen dalam sataun kontrak nan tun, kalau dietong dari 100 billion
berarti untuang/capital gain sabanyak 12 billion dalam sataun. Tasabuik si Waren Buffe, kapandaiannyo maolah pitih
sabana gile, sahinggo fundnyo ndak paralu maupahkan ka Adviser do, maolah
surang sajo capital gain pertahun nyo iyo sabana phenomeno pulo, kiro
kiro 30 persen, jadi utk 100 billion nyo balabo 30 billion, saratuih
persen dari untuang baliak ka investor. Iko manusia patuik jadi role model, karano
sangaik care ka investor, ano ndak minta fee utk maolah fund ko, dari
kauntuangan nyo sabagai investor juo lah cukuik kayo panuah isi kambuik jo kacio,
akibaiknyo investor sangaik sanang mananam pitih di fund si Buffet(berkshire
hathaway, cubo sanak sigi di website yo, di NYSE symbol fund ko BRKA
, hargo saham nyo tigo puluah tahun nan lalu ndak sampai 10 dollar do, kini
barago 73,800 do llar ciek, jadi utk 100 saham sanak mangaluakan pitih usd 7
juta labiah pambali nyo). Paretongan di dunia investment adolah capital gain, bara
lamo wakatu pitih nan di tanam dek investor manjadi balipek duo/double, utk
amriki paretongan nyo, capital gain pertahun rato rato 12-15 persen, jadi
capital manjadi lipek duo/dobel makan wakatu salamo labiah kurang 7 tahun,
kabanyo utk tahun tahun tarakhir capital gain fund amrik minus alias rugi, dek
karano ekonomi sadang sakik gigi, di tambah lo scandal korporasi manjadi jadi. INVESTOR Dalam panyigian/riset ambo di dunia investment sajak tahun
89, ado duo factor penting nan manjadi dasar keputusan investor ko utk
investkan capitalnyo, duo factor nan barasa, baurek di tubuah bagian ateh manusia,
nan bulek buliah di golong an , kok picak dek di injak :) nan disabuik
UTAK/MIND.Kamu dian ambo badah utak ko didalam nyo ambo tamukan duo factor ko
nan sangat hebat akibatnyo ka si investor yaitu, FEAR AND
GREED.Disampiang itu ado pulo babarapo motif investor utk invest, seperti,
profit,psychic/nio mamajukan perusahaan lokal sahinggo manyerap tanago karajo
bagi panduduak nyo dst... FEAR and GREED Sia nan ndak takuik/fear pitih/capital nyo nan ka hilang,
kecuali urang nan sintiang, mukasuik nyo calon investor sangaik bahati hati
malatak an pitih atau invest di suatu kompani, di siginyo sagalo info ,
tarutamo team management nyo, operasionalnyo , lai balabo dst. makonyo kompany
harus ma ngaluakan business plan/prospektus utk di sigi dek calon
investor(investment act) sabalun mangaluakan isi saku. Kalau ambo calon investor, yakin akan dapek untuang gadang
kalau invest di satu perusahaan, ambo akan invest kan pitih ambo sabanyak
mungkin,su payo nanti ambo dapek untuang labiah banyak pulo, kapan
paralu ambo pinjam pitih ka sanaks, di jua asset nan ado ,di invest kan
kasadonyo, maarok an labo gadang.Ado carito nyato ttg factor greed ko,
investment kompani nan banamo Merrill Lynch nan juo dealer/broker , anak
buahnyo/agent nan berhasil manaiakkan factor greed surang bangso India,
sahinggo mananam/invest satangah juta dollar , akhia kato stock nan di suruah
bali dek agen ja tuah tapai, barakhir si India manuntuik perusahaan si agen Kasimpulan: Calon investor akan invest kalau,
FEAR factor nyo ko di eliminated kemudian GREED factor nyo di
pompa/pumped/boosted. RISK CAPITAL Kalau sanak nio invest, jan dipakai pitih pambali bareh,
pitih pambaia sewa rumah, pambaia wang sikola anak, dst. Pitih nan kadi invest
pitih nan ndak kamangganggu perjalanan hiduik sahari hari, di sabuik
juo risk capital, nyampang ka disabuik pitih tu habih, perusahaan bankrut, nan
pariuak bareh lai barasok juo, anak tatap sikola. basambuang.... *************** |
- RE: [RantauNet.Com] [RN-Ekonomi] INVESTMENT Darul Makmur
- RE: [RantauNet.Com] [RN-Ekonomi] INVESTMENT Darul Makmur
- RE: [RantauNet.Com] [RN-Ekonomi] INVESTMENT Darul Makmur