Ass.w.w., Onde biai, kamalah Tuanku garan, lah bakucatak urang indak juo mancogok – atau lah bi habih pai marantau, nan tingga Angku Kali sen nyo lai – tukang nan mauruih Nikah Talak Rujuak, pandeka jo angku2 Datuak
Jadi bia lah ambo masuak yo, ma ingek nan di kito ko kan indak ado lembaga pastoral nan khusuih co di agamo lain untuak menyampaikan tantang kebenaran ugamo Islam – jadi bia tau “cuman sa ayat” kito berkewajiban manyampaikannyo. Marujuak ka Srt. Edaran PP Muhammadiyah nan lah dilewakan sanak Rinaldi jo Madahar tu kan lah jaleh sajaleh jalehe, atau mungkin alun jaleh karano disampaikan melalui “file attachment” – jadi rang Rantau indak barani mambukaknyo – takuik ba ulek atau kanai tungau. Disitu Ketua PP Muhammadiyah kan lah mangatokan bahaso “ . . . perbedaan antara umat Islam tsb merupakan sebuah fenomena wajar. Pasalnya, hal itu tergantung dari penafsiran masing2 “kepercayaan” Jadi co iko . . . Kito samo tau kalau bagian terbesar kito mengikut Mazhab Syafei, sebagian beraliran Syiah saroman nan di Piaman jo Padang kota jo “Hoyak2 Hosen-nyo” Kito jo samo tau bahaso didlm Mazhab Syafei tu ado kelompok2 / organisasi keagamaan saroman NU, Muhammadiyah, Persis nan masiang2 punyo ahli2 dibidang hisab dan rukyat. Iko bakanampakan dari kalender / almanak2 Islam nan dikaluakannyo masiang2. A pulo lah gunonyo tuh . . . ? Kito beribadah mengikuti system tahun matahari nan dinamokan “solar system” dan mengikuti system bulan – “lunar system” – dalam ibadah di pakai ka duo2nyo: Untuak mangatahui bilo masuak ukatu Subuah, Luhua dst. . . pakai solar system, untuk puaso Ramadhan jo hari rayo pakai system bulan, ma ingek ayat jo hadist nan bunyi no senada: “faman syahida minkum fal yu’til” “Siapa diantara kamu yang bisa lihat bulan baru, maka besoknya puasa 1 Ramadhan” dan atau “siapa yang bisa lihat Bulan baru maka jangan puasa” karano lah masuak 1 Syawal ( aratinyo koq panjang ya . .? ) Pakai system matohari atau bulan – dibumi dima hari tu bamulo – syusyah manantuannyo. Untuak system matohari para astronomis – ahli falak lah punyo konsensus; di bumi nan bulek ko di bueknyo garih2 imaginer. Di garih 180º Bujua Timua nan malinteh Lautan Pacific antaro kapulauan Midway kapulauan Fiji sampai saketek sabalah Timua New Zealand ado garih 180º - garih imaginer. Disitu disepakati sbg awal pergantian tanggal – pergantian hari nan caro ulandonyo dikatokan “Int’l Date Line” Kalau di Fiji lah tgl 2, di NZ baru ka masuak tgl 2 ( msh tgl.1 ) Sabanyo sanak kan lah tau kasadonyo, ma angguak2 sen sinan? Lalu ba a kabanyo jo system bulan? Sistem bulan indak bisa disepakati saroman tu. Di daerah dima nan masuak tanggal baru tagantuang di saat daerah tu Magrib, bisa mancaliak bulan tanggal satu atau indak? . . . kito samo tau proses tu lah bajalan jutaan tahun lalu – miliaran tahun lalu ? dan sajak zaman Islam ado lo ulama2 nan memperhatikan bulan jo matohari, tadorong dek ayat2 Al Qur’an nan mangatokan tantang bulan jo matohari. Matohari diamati, diukua sekian derajat, baitupun Bulan diukua sekian derajat salamo ratusan tahun dicatat dan dicatat yg akhia no berdasarkan catatan2 tu dapek ditangkok pola nyo, bisa dicaliak dan dari pola tu bisa diabstraksikan / di formulasikan jadi rumus – dan rumus tu tiok hari tiok saat mengalami penyempurnaan2 sehinggo kini ado ilmu Falak atau Astronomi nan bisa mempakirokan bilo bulan ka nampak dan dima nampaknyo pertamo kali, simpangan bara derajat pado katinggian kemiringan bara derajat sekalian jo bara kekuatan iliminasi! daya pancar nyo. Iko nan dikatokan “Hisab”. Jadi disikolah bapijaknyo kaum Muhammadiyah; karano berdasarkan pengamatannyo tu lah pasti , sasuai jo ayat nan diateh: “faman syahida minkum fal yu’til” “Siapa diantara kamu yang bisa lihat Bulan baru, maka besoknya puasa 1 Ramadhan” dan atau “siapa yang bisa lihat Bulan baru maka jangan puasa lagi” karano lah masuak 1 Syawal” Iko nan dikatokan SE nantun bahaso Muhammadiyah mengembangkan teori “wujudul hilal” - Kan indak dikatokan bara lamo bulan mustinyo dapek diliek dan bara derajat ketinggiannyo. Pokoknyo bia tipih tapi karano hilal lah tampak, tetap dinyatokan masuak bulan baru . . . jadi kalau ka bapuaso juo tangguang dosonyo masiang2 . . . Karano haram hukumnyo puaso di hari rayo ! Ctt. ; Di zaman Rasul bana puaso ganok 30 hari tu cuma sakali, salabiahnyo tatap 29 hari! Tapi babaliak ka soal diateh, baa bana pastinyo, tantu hrs dilakukan rukyah – observasi. Itu nan dilakukan dek Dep Ugamo jo Badan Hisab dan Rukyah nyo. Bakumpualah di sinan petugas2 Jawatan Hydrografi AL., Lab. bintang Boscha, Fak. Astronomi ITB, ahli2 rukyah dari Muhammadiyah, NU., jo Persis. Singan iko dari ambo, nan batua pasti dari Allah, koq ado nan kurang2 ambo minta maaf jo redho, tantu kpd Allah juo ambo minta ampun. Salamaik Shaum semoga kito selalu dlm Ridho Allah SWT., Wass.w.w. Muncak bela (60) ( iko bahaso Minang, tau ngak aratino ??? ) RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
