Ma sagalo adidunsanak jo anak kamanakan di sagalo pinjuru angin nan ambo anjuang tinggi,
Assalamu'alaikum wr. wb., Alhamdulillah, lah ambo tarimo dan tadi malam lah ambo sarahan ka panguruih musajik Nurul Huda, Jl. Sidingin, Tabiang, di kompleks ambo, di hadapan seluruh jamaah tarawiah, infaq hamba Allah warga setia Rantaunet sabanyak Rp 500.000,-. Panguruih dan seluruh jamaah mangucapkan banyak tarimo kasih ka hamba Allah ko dan mandoakan semoga amal ibadah baliau ko ditarimo oleh Allah swt. dan baliau tetap mandapek limpahan rahmat, baiak rasaki nan balimpah sarato kesehatan baliau sakaluarga sampai ka anak cucu. Amin ya rabbal alamin. Sampai kini ambo lah manarimo dan manyarahan ka panguruih musajik infaq dari warga Rantaunet sabanyak Rp. 1.790.000,- + Rp 500.000,- = Rp. 2.290.000,- Ambo berdoa pulo ka hadirat Allah swt., di hari baiak bulan baiak ko, mudah-mudahan infaq baliau disusul dek infaq, sadaqah, zakat dll., adidunsanak jo anak kamanakan nan lain untuak manyudahan musajik kami nan lah mulai mambangun lantai ateh untuak anak-anak mangaji, dan manampuang jamaah sambayang Jumaik, hari rayo, tarawiah dll, nan makin lamo makin rami juo. Amin. Wabillahi taufiq wal hidayah. Wassalamu'alaikum wr. wb. mak Sati, Jl. Sitawa 25, Tabiang, Padang, Tel. 0751-51959, 0751-446550 & 0812 6600 639 RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================