Assalamualaikum Wr.Wb.
>>> Kapado dunsanak nan ado dalam sidang imel ko, bari maaf ambo bakato, bari bana ambo dalam manyampaikan carito ko.
Judul nan ambo ka mukokan disiko ndak lain dari kajadian nan diputuihkan dek hakim internasional taradok pulau Sipadan {g} yaitu Sipadan Jo si Padang.
>>> Sipadan adalh sebuah pulau ngenek di ujuang Kalimantan Timur nan dakek jo Nunukan tampek TKI mangih maratok minta tolong, dari pado nan di Bali kanai Bom. Sebagai banmgsa RI di nagari nan badaulat awak alah takijau salamo ko dek pitih indak dikanduang ciek pualu jadi tabuang. Hargo diri bangsa RI alah diinjak-injak atau labiahnyo alah dialiah urang lalu {malaya} sebuha peristiwa nan indak bisa dilupokan oleh sejarah bangsa RI nan alah menggelorakan Merdeka dek pahlawannyo saisuak. Kapatang urang Malaya alah mausia pulo dunsanak awak nanmangakeh di nagari nyu baa sabab dek awak sibuk maikia kan paruik ciek surang ndka tapikia lai mauruih nan patuik diuruih. Politik di nagari awak alah mambuek sebagian bangsa ko apatis taradok nan tajadi kini.
>>> Keputusan Internasional yang terang-terangan maagiahkan Sipadan ka Malaya, sadang nan di Riau bagadang hati pulo manjua tanah tumpah darah nan alah dipajuangkan oleh pejuang-pejuang nan basimbah darah jo harato demi terciptanyo sabuah kadaulatan bangsa nan disagani kini ko hanyuik ndak tau rimbo. Ndak takana baa H.Agus Salim di Mimbar PBB mempertahankan kedaulatan bangsa RI, Moh. Hatta di Den Hag dalam KMB, Syahrir sebagai sikancil dalam memperjuangkan dan Muh. Yamin dengan konsep pancasilanyu tak lain demi RI, terlepas dari PRRI nan tajadi taun 50 an. Tapi apo dayo itulah kanyataan nan awak tarimo.
>>>si Padang adalah sebutan urang Sumbar (Minang) nan ado dirantau urang dengan kebanggaan nyu sabagai urang nan dipandang dari jariah payah sabagai Pedagang, Pegawai, Profesional, Militer, dsb. Namun ampia samo samo nasibnyo jo Sipadan. Banyak tajua kanagari urang dan maleh babaliak kakampuang dan ndak tapek jo janji "Karatau madang dihulu babuah baungo balun, marantau buyuang daulu dikampuang paguno balun". Banyak nan alah pansiun malah maleh juo pulang ka kampuang halaman kok iyo daulu alun paguno kiniko alun juo lai paguno caliaklah kampuang nan alah langang, musajik nan alah kosong. Sajak kampuang batinggakan banyak pulo nan malupokan kok lai sakali-sakali pulang dihari rayo itu pun labiah banyak piknik alias bernostalgia.
>>> Sipadan alah hilang, tapi si Padang malah singajo mahilangkan dengan manjua pusako nan tabantang, sahinggo banyak pusako diranah minang alah dikuasoi dek urang nan indak urang minang. Memang ado papatah mangatokan "Sakali aie gadang, sakali pulo tapian barubah" Sakali muncul urang gadang, sakali tu pulo nyu tampil dengan pongah. Baa dek nagari alah dialiah urang lalu, sahinggo urang nan gadang basa batuah tu indak punyo malu. Saisuak bara kabangganyu urang minang mangaku bakampuang banagari,badesa badusun, baadaik balimbago, bawarih bapusako. Kini dima pusako kadipakai dek alah banyak nan dijua ninik mamak nan pongah dan ndak bamalu, sahinggonyu banyak kamanakan ndak dapek apao-apo.
Sebagai contoh dari Jambu Aie sampa ka Ampek Angkek alah banyak tanh rang kurai tajua, sahinggo satiok pulang ka kampuang banyak pulo nan mancari hotel sebagai nosatalgia tao kaciak. Dari Parak Karambia sampai Limau Manih, dari Puruih sampai ka Pauah alah pusako nan dijua aratinyo disinan alah payah mancari warih jo pusako. Lai parnah mambaco atau kaba Wartawan Senior Bapak Rosihan Anwar pulang ka kiktinggi tapaso lalok di Hotel Pusako sebagai paubek taragak kakampuang. Alun urang nan pulang kapadang kota dek suok kidak indak urang sakmpuang tapaso malu pulang kanagari.
>>> si Padang tak obahnyo jo Sipadan sarupo kawan ambo nan barasa dari Gunuang Pangilun tiok ditanyo pulang kampuang aie mato nyo balinang, jaweknyo "apo nan cari dikampuang tanah alah tajua sadonyo dunsanak banyak dijakarta alah mambali rumah atau juo mangontrak, rang gaek alah mati kok pulang karumah sia ambo ka pai paliang lalok di Hotel Pusako nan taraso juo Pusako.Sabab di Gunuang Pangilun banyak tanah alah tajua sahinggo kamanakan tabuang dirantau urang. Nan labiah sadiah urang awak asa dari Lubuak Minturun baranak 6 dirantau sakik-sakik kini rumah mangontrak, karajo mangaleh ubek saisuak dek sansai dirantau kapulang kakampuang ati baliau tu ibo dek rumah rang gaek baliau alah samo data jo jalan by pass, tapaso diuruik sajo dado. Lai pulo kawan nan barasa dari kiktinggi alah ndak amuah pulang kampuang sabab kampuang nyu alah jadi terminal aua kuniang, kok pulang lalok dalam terminal lai kato no anak ba 7 laki alah maningga iduik mularaik pulo sia nan mananguangkan ko lai tanah pusako mungkin pulang kakam puang ditanm juo lado, bawang disuduik rumah atau kasawah tapi kini aua kuniang alah tajungkang. Didanga saluang jo rabab aie mato rasonyu alah samo kancang jo aie sungai Mahakam, karam dirantau anak dagang. Iyo kato urang saisuak Hujan ameh dirantau urang hujan batu dikampuang kito, iyo Badan cameh nak pulang dek pusako alah tajua kasdonyo. Labiah sadiah ado pulo tanah musajik atau kuburan nan bajua dek sia tak alain ninik mamak urang gadang basa batuah nan harok dianjuang tinggi, diambak gadang, dek dahulukan salangkah, dek ditinggikan sarantiang, ndak tau kamanakan nan kataniayo kiniko.
>>>> Jadi ndak heran awak kalau ado urang manjua tanah ka singapur dan manjua pusako di Minangkabau. Dek lamo bana badan diaie nan kapuyuik yo badan juo, elok dipunta nak nyu singkek, diambia sado nan paralu. Salah jo jangga mohon dimaafkan kritik jo saran ambo nantikan.
Wassalam Wr.Wb.
Biduak tirih makanan ombak, lauik dalam hampehkan tanah tapi
Bakawan tangih nan jo sabak, laruik hiduik diratau lah malu kabadan diri.
Do You Yahoo!? -- Une adresse @yahoo.fr gratuite et en français !
Testez le nouveau Yahoo! Mail
With Yahoo! Mail you can get a bigger mailbox -- choose a size that fits your needs
