Mamak-mamak, Bundo Kanduang, Apak, Amai, Uniang,Uda, jo dunsanak kasadoalahe di palanta ko,
Ambo bamukasuik nak malewakan pasan agak saketek , kok lai ado nan katuju, ikuik pameran (pekan raya) di kota Nancy , Parancih ko. Soalnyo, tahun ko, Indonesia diundang jadi Tamu kehormatan.
Pekan Raya ko bertaraf internasional, peserta asing no ado dari 40 negara, selain dari Perancis sorang. Manuruik ambo, acara ko marupokan ajang dek urang awak paling ndak untuk mambangkik batang tarandam. Samisanyo, manampilkan sisi pariwisata jo budaya Minang. Salain tu, sisi perdagangan nyo bisa pulo, karano di awak banyak barang kerajinan nan bisa dijua langsung.
Keterangan salanjuiknyo, bisa didapek an di BPEN (Depperindag) Jl. Abdul Muis 6-8, Jkt atau di masing masing Disperindag , Padang misalnyo. Kok ado nan ka batanyo labiah jauh, bisa juo kirim pasan lewat japri ambo. Kok ado sanak nan ndak manguasoi bahaso rang siko, banyak sanak awak nan sadang sakola di siko atau ambo sandiri bisa dimintai tolong.
Sakitu se dulu , kok kurang jaleh, lewakan lah pasan ka ambo .
Rang Tabiang nan tatauik di Parih.
Do You Yahoo!? -- Une adresse @yahoo.fr gratuite et en français !
Testez le nouveau Yahoo! Mail
