Untuak mamjukan sauatu sekolah paliang tidak ado duo syarat nan partamu ado nilai plus dari sekolah tu nan kaduo adono disiplin nan mantap. Untuak itu Madrasah Sumatera Thawalib alah mancubo manerapkan disiplin nan ketat sahinggo mambarikan jaminan ka urang tuo murid untuak mampataruahkan maso dapan anakno ka Sumatera Thawalib Parabek. Disampiang itu sekolah Parabek alah manerapkan pulo kapado murid untuak manguasoi duo Bahaso ( Bahaso Arab dan Bahaso Inggris ) bagi murid nan alah manguasoi salah satu bahaso asiang tu dapek manambah jo bahaso prancis. Untuak kelas II Parabek ( samo jo 2 SLTP ) alah mulai palajaran agamo disampaikan dalam bahaso Arab 100% alhamdulillah palajarantu dapek diikuti oleh siswa sadangkan kelas IV ( samo jo kelas I SMU ) palajaran umum disajikan jo bahaso Inggris dan palajaran agamo jo bahaso Arab. Samantaro keunggulan Tahawalib Parabek dalam mambaco kitab kuniang ditunjang dengan ilmu alat masih tetap dipertahankan. Namun ado kendala dari segi manacari tanago guru, nampak-nampakno nagari awak nan duluno sarang ulama kini alah mulai agak sirna sabauk sangaik sarik bana mancari tanago guru nan bisa babahaso arab dan bisa pulo mambaco kitab kuniang, alah babarapo kali diumumkan malalui koran Sumatera Barat ( Haluan, Padang Ekspres dll ) namun indak ado peminat dari urang awak, akhirno diumumkan di Republika alhamdulillah banyak nan ikuik test dan babarapo urang nan lulus diberangkatkan ka Parabek, persoalan sarupo iko manjadi PR kito basamo nan harus kito carikan jawabno Alhamdulillah dek karajo kareh salah seorang almuni Parabek ( Afriadi ) Madrasah Sumatera Thawalib alah punyo Website jadi INFORMASI SALANJUIKNO TANTANG MADRASAH SUMATERA THAWALIB DAPEK DICALIAK SITUS http://thawalibparabek.tripod.com
__________________________________________________ Do you Yahoo!? Yahoo! Mail Plus - Powerful. Affordable. Sign up now. http://mailplus.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================