Assalamualaikum,
Sato lo nyolang saketek. Ambo sapandapek jo sanak Indra ko.
Kalau pengusaha bus di Padang pada protes, ambo raso ndak pado tampeknyo, karano salamo, nan lah tajadi adolah sejenis monopoli. Jadi inyo basibagak sae. Sampai penumpang nan alah mambaia ongkos disarengeh nyo pulo.
Alah jamannyo pengusaha awak tu berbenah management. Lah abis jaman basibanak jo basibagak.Persaingan ko paralu, justru jo persaingan , suatu bangsa bisa maju. Contoh ketek sajo, di pasa, banyak terjadi persaingan. Tapi pasa tetap sajo ado dari jaman ka jaman. Jadi ndak paralu khawatir dengan globalisasi. Karano kalau kito mangarati apo itu arti persaingan, justru disinan lah kito bisa manunjuk an produk/service awak tu memang produk yang bisa bersaing di pasar.
Cuman, ambo harapkan ka management Lion Air, jaan dek perusahaan awak dek nan paliang murah, perhatian ka penumpang jo pelayanan lainnyo jadi seadanyo sajo. Jaan sarupo suatu kesuksesan " feu de paille" kecek urang Paris, kesuksesan semu dan sejenak, karena tidak diiringi dengan landasan management kokoh. Alangkah sangat disayangkan kalau hal iko terjadi suatu hari.
Sakitu se dulu komentar ambo. Sangajo ndak ambo kuduang bagian kritik sanak Indra J, nan sabananyo batantangan jo saran Miko jo sanak Ronal dalam tata krama beremail ria.
Alah panjang juo jadi nyo carito ambo.
Salam,
Heri Tanjuang (39) Rang Tabiang
Paris
indra junaidi <[EMAIL PROTECTED]> wrote:
Waalaikumsalam W.W.
Sakadar manyolang sajo Ambo saketek... tapisah dari
sagi malaga aturan atau indaknyo masalah izin tabang
Lion Aia dari Padang ka Jakarta atau sabaliaknyo...
Mungkin iko manjadi "palajaran" bagi manajemen PO bus
di kampuang awak (saroman ANS, NPM, Transport dsb)
untuak labiah profesional dan labiah ramah sarato
maanggap panumpang adolah rajo. Indak saroman nan
biaso-biaso sajo ..nan mambuaek panumpang mauruik dado
kalau naiak parusahaan oto bus tadi. Kajadian iko
tajadi tarutamo katiko hari-hari libur nan banyak
urang mamakai jaso bus (hari rayo... libur sakolah).
Bus-bus nan disadiokan oleh parusahaan kadang-kadang
indak / kurang laik jalan, dipasokan juo
bajalan...akhianyo acok rusak di tangah jalan.
Kamudian panjualan karicih indak sasuai jo trip oto
nan ka barangkek. Alah acok tapakiak dunsanak awak dek
masalah palayanan bus-bus nan dari Sumbar ka lua
daerah, tamas uak dunsanak awak nan ado di RN nanko,
baiak dek acok mogok maupun palayanan awak bus nan
kadang-kadang mantiko.
Pangalaman kaluarga dan ambo sandiri naiak bus dari
Jakarta ka Padang atau dari daerah lain ka Padang,
satiok awak mangingekan awak bus nan indak rancak
palayanannyo.. awak kadang-kadang disarengehnyo...
"Kalau indak sanang naiak bus ko carilah bus lain atau
kalau nan ka sanang iyo naiaklah kapatabang" (mungkin
iko kecek talongsong awak bus nan ambo naiki dulu dan
dikabuakan dek NYO.....:-)).
Jadi ambo raso itulah solusinyo bagi parusahaan oto
bus di kampuang awak, dirubahlah kondisi manajemennyo
sarato palayanan.. Ambo cukuik yakin kalau alah rancak
palayanan nan dilakukan oleh awak bus dan inyo maraso
bahaso pariuak nasinyo tagantuang jo jumlah panumpang,
panumpang indak akan lari bagai doh... Ado saketek
tipikal urang awak bahaso mereka kalau alah mandapek
suatu palayanan nan "badaceh"... mareka indak akan
lari lai ka alat transportasi lain. Contoh sajo ...
salamak-lamak tahu jo tempe sarato keju jo roti...
tapi nan namonyo "randang" jo "samba lado lauak tukai"
jo "sayua pucuak parancih" tu indak ka talupo bagai
doh....:-)... ondeh mandeh alah tagujai...gujai aia
salero dek mangana no.., iyo lah mantu goeh..
Tapi...apo lai ka namuah urang awak marubah sikap
manjadi urang nan agak bisa manjadi palayan nan labiah
elok...atau masih tatap manyadiokan piriang barisi
samba jo nasi di rumah makan Padang katiko malayani
tamu jo dihampokan ka meja....:-).
Kalau bacarito tantang pardagangan bebas, nampakno iyo
mantun sia nan kuaik inyo nan manang..he..he..he.
Opss!... ambo pintehi saketek.. jaan diaratikan sacaro
sampik samo jo ilimu hukum rimbo...
Pengertian disiko bahaso orang bailimu jo kamampuan
skil sarato kuaik modal (indak modal pitih sajo
tamasuak modal kamauan jo sumangaik nan kareh
badangkang...sarato tantu baiman pulo... nan indak
lupo jo nan Kuaso... Insya Allah...inyo akan manang di
dalam era golbal iko).
Hanyo sakitu dulu...panjang amek pulo biko...
Wassalam
Indra JZ
Do You Yahoo!? -- Une adresse @yahoo.fr gratuite et en français !
Testez le nouveau Yahoo! Mail
