Assalamualaikum ww
Sanak &
mamak2 R/N yang terhormat
Kabatulan ambo dapek info dari adiak ambo nan nak rang Kapau,
bahwa seputaran Jabotabek urang2 Kapau memiliki sebuah paguyuban yang sangat
solid (ambo maliek sendiri kutiko kami mamparalekkan adiak nan bungsu) bahkan
ambo dapek curito bahwa tidak seorangpun yang bukan "nak rang
Kapau" di-izinkan mendirikan usaha jasa RM dengan trade mark
"Kapau"
Kok ado urang
yang mendirikan RM. dengan trade mark "Kapau", aaa.. iyo disigi dulu no, kok lah
siang nan bak hari, malam nan bak bulan, lah taserak cando di nan rami lah
tatabua rupo di nan rapek, lah bagalanggang mato rang banyak, iyo alah jaleh ano
nak rang Kapau, akan disokong sepenuhnya
Nyampang kok
indak?
Jan cubo2,
kok ba-ulek nasi tu nampak dek pelanggan bikoh, rantau sati lautan batuah rang
Kapau banyak nan kiramaik, ba-a gak ati, lai ka talok?
Bahkan
seorang nak rang Magek ma-ngaku2 rang Kapau pun malah ketahuan, akhirnya
terpaksa ganti nama RM Masakan Minang
"........................."
Kini baitu
lah, kok iyo lah risih kito mancaliak "wong sbherang" dengan "masakan
padhang"nyo, iyo paralu ditiru caro nak rang Kapau Jabotabek tun, bueklah tim /
satgas "peduli masakan Minang" sponsored by anggota www.rantaunet.com & R/N mailinglist
turlap, kumpulkan sanak2 kito tu ajak dialog, buek komitment, insya Allah
mamak2 R/N nan gadang basa batuah ko mairiangi jo do'a
dari jauah
wasalam
makmalin(50,75)
-----Original Message-----
From: Muhammad Dafiq Saib [mailto:[EMAIL PROTECTED]
Sent: Thursday, June 05, 2003 8:47 AM
To: [EMAIL PROTECTED]
Subject: [RantauNet.Com] " Rumah Makan Sederhana"
Assalamu'alaikum wr.wb.,
Taragak sato pulo ambo saketek, dek lah lamo indak mancumbok.Samokah raso gulai di tiok-tiok RMS di sabalik Jakarta? Jaleh indak. Jaleh indak kasamo 'bana'. Nan di Pasa Rumpuik, nan di Rawa Mangun, nan di Pondok Kelapa, nan di Kebayoran, nan di Menteng, nan di Casablanca pasti ado balain saketek. Randang nan di Pasa Rumpuik lamak, nan di Bintaro agak kurang saketek. Ayam pop nan di Rawamangun kamek, nan di Casablanca agak kurang.Baa mangko mantun? Sabab nan mamasak indak samo. Bialah kasamo bana resep, sakian bawang, sakitu lado, sakitu kunyik, sakitu sipadeh, langkuweh dan sabagainya, namun ukuran itu biasono masih tatulih di utak tukang masak sajo. Disampiang itu, nan pangacaran urang surang jo nan lain manjadian raso tu jadi indak samo. Iko kanyataan untuak RM urang awak nan kini sadang rami basistim waralaba. Sabab masakan awak, masakan Padangtu sabana 'hand made', alun ado nan mangkomputerisasikan sistim no lai doh. Alun ado urang nan mampalopori untuak mangkomputerisasikanno. Balain jo McD, jo macam-macam Fried Chicken, nan alah semi komputerisasi. Kapambuek roti, iko tapuangno, sakian takaran no, sakian garamno, sakian sagalo macamno dan itu didata, dicataik dan dikarajoan jo sistim komputer. Baitu juo jo tapuang pambungkuih ayan goreng, ado rumusno. Sainggo katiko awak makan 'fried chicken' McD di Jakarta, samo rasono jo nan di di Tokyo atau di Paris. Iko tantangan untuak urang awak nan mangalola RM.Pakaro paten, RMP musti punyo urang Padang, rasono kasulik pulo untuak direalisasikan karano indak ado aturan nan sarupo itu. Kadang-kadang ado juo RMP nan dikalola urang bukan Padang tapi rasono lai sasuai. Katiko baru-baru manaruko di Baliakpapan di awal taun 80an, ado kadai nasi di Pasa Baru Bppn banamo Lapau Randah. Raso buliahlah. Rupono nan punyo indak 'urang awak' bagaidoh, tapi urang lain nan panah lamo di Bukiktinggi.Rumah makan nan mano sajo adolah urusan raso jo salero. Kalau raso indak sasuai jo salero, sarupo nan dialami dek bundo, nan karugi tantu rang panggalehno juo. Tantu jaran urang datang, kalau raso itu indak sarupo jo nan diarokanno. Sakitu sajo dulu Wassalamu'alaikum wr.wb.,
Lembang Alam
