RE: [RantauNet.Com] Acara Maminang

[Arman Bahar]

Wa-alaikumussalam ww

 

Sure, bund

Lain padang lain bilalang lain lain lubuak lain ikan'e, tapi sungguahpun ba-lain kan lai samo2 bilalang, kan lai samo2 ikan juo

 

Nan sarupo Bundo sabuk-an acok bona tasuo dima2nyo, kadang2 para mamak ba-baokan kareh masiang2, misal nan calon ampulai nak rang Pikumbuah, anak daro'e Piaman, manuruik mamak Pikumbuah kamanakan bujangnyo dijapuik manuruik adaik Piaman, manuruik mamak Piaman no way, kan marapulai bukan Piaman bahkan harus dipalakukan "Adaik Sasuduik"  caro Pikumbuah?

 

Baa lai? Molah kito cari jalan tangah, sinan indak takanai siko indak maraso, nan karajo samo2 manjadi bak pituah dinan tuo "Abih adaik karano rila, rarak pusako karano buek, lansai utang dek ba-ansua, ilang janji batapek'i, kok sasuai timba baliak, lah mufakaik pulo baliak batimba, lah kasananglah hati kamanakan kito

 

Iko lah Bund nan kadok tajadi, calon marapulai nak rang Pikumbuah basuku Piliang calon anak daro nak rang kampuang ambo Piaman, dima ambo ka tagak? Tantu harus pandai2 maniti buiah, sebagai mamak rang Piaman ambo memang, sebagai mamak Piliang itu nan labiah, rambuik tacabuik tapuang indak taserak, karajo samo salasai kasadonyo, nan karuah dijaniahi nan kusuik disalasaikan

 

Satantangan Golden Shakehand, itu nan di-nanti2 beritanyo, induak samang sudah manurunkan tim "IBU CHALENGE" kini lah proses 2, dari hasil study mereka 16 - 26% karyawan akan dirationalisasi, mungkin Bundo ado kiat nan bisa disharekan? 

 

wasalam lo baliak

abpiliang

-----Original Message-----
From: Pemi M. [mailto:[EMAIL PROTECTED]
Sent: Tuesday, June 03, 2003 6:23 PM
To: '[EMAIL PROTECTED]'
Subject: RE: [RantauNet.Com] Acara Maminang

Kato bundo memang kato nan sabana no, topi baa tu kalau djo urang Padang Tarok / Baso kiktinggi labiah kareh pado adaik Piaman. Si patuang ka anyuik tu : Anak mudo/ di ko alah bakanaian ati bana indak amuah dipisah lai, sadang yg padusi pikumbuah indak amuah maisi dan urang tuo nan laki 2 sorry pulo maisi dan baa aka lai ?

Wass

PMM

-----Original Message-----
From: Hayatun Nismah Rumzy [mailto:[EMAIL PROTECTED]
Sent: Tuesday, June 03, 2003 5:05 PM
To: Arman Bahar; Rantaunet
Subject: [RantauNet.Com] Acara Maminang

Assalamu Alaikum W. W.

Tarimo kasih banyak ateh informasinya dan memang lain lubuak lain ikannyo, lain padang lain balalang. Di Pikumbuah sajo ado bamacam macam. Dikampuang bundo didesa Talang Maur Kec. Guguk Kabupaten Limapuluah Kota nan malamar iyolah nan pihak laki laki. Sudah tu nan padusi maminta sasuduik yaitu tampek tidur dan segalo assessoriesnya, salimuik dan sapatagak.

Katiko ado urang Pikumbuah bakanaian ati jo urang Piaman (saisuak) mako diam diam nan laki laki malakukan adaik manjapuik dan baitu pulo nan padusi dilamar dek bujang dari Piaman tuh. Kaduonyo lah suko samo suko dan jadinyo sagalo rintangan dipamudah sajo.

Kiniko mungkin katibo pulo sarupo itu samo samo malamar samo samo mandatangi indak sia tajun sia kanai doh. Kaduo urang tu lah bakanaian ati indak mungkin diurai lai jadi sado rintangan nan ketek ketek tu dilangkahi sajo jadi kami kabatimbang tando lai. Tarimo kasih banyak dari bundo - baa kaba Duri bundo danga ado Golden Shakehands bagai di Caltex kini.

Bundo Nismah