Re: [RantauNet.Com] Paliang randah Sumbar

[Andria Agusta]

Assalamulaikum ww.   iyo lah ibo ati ambo mandanga kaba baraso Sumbar kiniko paliang randah tingkat kelulusan anak murik smu nyo....dan salamo duo minggu balakangan iko diskusi di palanta nanko hanyo baputa2 di masalah sia nan salah...sia nan batua.....hanyo ciek jo duo postingan nan alah mancubo mangamukokan solusi untuak masalah tasabuik....   ambo satuju kalo masalah pendidikan iko di sabuik memiliki masalah nan kompleks...apolai dalam kondisi masyarakat awak kiniko....tapi kalo indak diurai ciek2 bilo kasalasai masalah nantun.....ado papatah dan manyabuikkan...           kalo guru takanciang tagak         murik nyo akan takanciang balari   jadi dari dulu awak alah tau juo baraso peran guru adolah nan sangat dominan dalam manantukan level pendidikan dan pangatahuan murik2 nyo....tapi kiniko mungkin banyak nan alah lupo....ambo caliak kiniko..profesi guru di nagari awak tu indak labiah sarupo jo urang bakarajo di perusahaan swasta....walaupun indak kasadonyo guru sarupo tu.....tapi mayoritas......jarang basarobok guru2 kiniko nan maraso mamiliki anak murik...sahinggonyo wakatu di sikola...inyo `macirotet` sajo salamo babarapo jam dan sasudah tu indak mau tau apo anak muriknyo mangarati apo indak...karano inyo baranggapan baraso itu adolah tangguang jawab masiang2 murik untuak baraja labiah giat.......dan lupo baraso dalam usia sabayo murik sd, smp dan smu nantun pikiran labiah banyak untuak bamain...dan kalo indak diarahkan batua2...mudah sakali manyimpangnyo....jadi kiniko harus di tanyo batua2 komitmen guru2 kiniko apo inyo batua2 akan menjadi seorang pendidik atau hanyo sekedar untuak memenuhi tanggung jawab terhadap gaji nan di tarimonyo tiok bulan???......rasonyo jarang guru2 kiniko nan malu anak didiknyo indak naiak kelas atau indak lulus.....karano inyo beranggapan baraso itu bukanlah salah satu dari kegagalan inyo.....tapi sepenuhnya adolah kegagalan si murid......   kaduo adolah peraturan nan di terapkan di sikola. Indak usah kito bicara mengenai sistem pendidikan nasional nan amburadul....asa indak menyalahi aturan nasional....sekolah masiang2 bisa menerapkan peraturan sendiri2. Contohnyo adolah wakatu kalua main....kabanyakan kiniko anak murik wakatu kalua main bakaliaran kalua dari area sikola...sahinggo inyo punyo kesempatan untuak marokok atau sagalo macam nan alun pantas dilakukan wakatau itu......kalo tiok sikola bisa menerapkan peraturan nan ketat di sikola masiang2...bararti ciek lai problem alah bisa di atasi....dan iko masih menyangkut dari komitmen para guru.   ka tigo adolah peran urang tuo. Urang tuo indak bisa balapeh tanan sajo jo masalah pendidikan anak2 nyo. Masalah iko indak bisa di bebankan sapanuahnyo ka guru2 di sikola. karano sabagaian besar wakatu anak adolah di rumah. kalo urang tuo indak mengawasi pendidikan anak2 nyo sacaro ketat...kalo anak indak naiak kelas atau indak lulus cubo pulolah para urang tuo mangoreksi diri.....untuak itu sangat paralu bana komunikasi antaro guru jo urang tuo si murik sahinggo kaduo balah pihak mangarati sapanuahnyo jo perkembangan pendidikan si anak....dan iko pun....pihak sikola nan bisa berkompetent untuak mambuek peraturannyo dan labiah mengaktifkan peran dari urang tuo dalam masalah pendidikan anak2 nyo.   alah sakitu see lu ciloteh nan indak bakatantuan ko.....kok panjang bana banyak pulo nan berang beko....hehehehehe   wassalam and     ----- Original Message ----- From: Darul Makmur To: [EMAIL PROTECTED] Sent: Friday, June 13, 2003 1:02 PM Subject: [RantauNet.Com] Paliang randah Sumbar Assl WW   Iyo disiko lah talatak kasalahan awak, maraso nan diawak alah paliang santiang. Sahinggo awak cendrung bajalan ditempat, pado hal urang bajalan jo percepatan nan tinggi.