Dek Nagari Salah Uruih
Sutan Rangkayo Endah, pansiunan pagawai Deplu, baru-baruko manarimo surek dari anakno, Amrizal, nan kini marantau di Kota Kaciak di Tapi Riak Nan Badabua, badakek-an jo rantau nyiak Sunguik, di Pantai Pasifik Nagari Angku Buih. Amrizal nan dek dunsanak-dunsanakno kini di imbau si Amrik, bacarito nan bahaso kahidupan di nagari angku Buih ko agak balain bana kudian-kudianko, dibandiangan jo nan taralah, sabab saradadu angku Buih ko banyak bana curiga ka urang-urang nan datang dari nagari-nagari ‘tertentu’ tamasuak nan dari Indonesia-ko. Untuak panggadangan sumangaik anakno si Amrik, mako Rangkayo Endah mambaleh surek anakno tu, antaro lain sarupo iko bunyino.
‘…………You know son!? Baa kabaa bana, nagari si Buih tu, for the time being is still much better, so you stay sajolah disinan. Salamo waang masih ditarimo induak samang waang bakarajo, forget about the silly idea ka pulang ka nagari awak. Nagari kito-ko sabana sadang salah uruih. Alah kusuik masai. Alah sarik mancari dima ujuang dima pangka. Kasado alahe alah bakalinsap pinsap. Mancari karajo susah….Pitih sarik….tapi nan kadibali maha sado nan lai… Lai jaleh diang, (nan iko bahaso sinanno ditulih dek baliau; you know) kiniko ado pulo isu baru. Disiko hanyo urang kayo sajo nan kadapek basikola. Hanyo urang bapitih sajo nan ka mungkin manjadian anakno urang pandai. Kini kok ka mamasuak-an anak sikola ka UI, ka Itebe, musti punyo pitih bakaruang. Sudahtu biko, pabilo tamaik dari sikola, Allahurabbi, sarik mancari karajo. So take my advice, just stay there….
Ndak usahlah pulang…’
Indak lamo sasudah itu dapek pulo Rajo Endah balasan surek dari anakno cako.
‘………..Dad, dinagariko sabana banyak bana ‘fitnah’ kini. Awak sumbayang, mambulalang mato urang mancaliak, dek kawan bajangguik, mambulalang mato urang mancaliak. Itulah sababno, ananda alah indak betah rasono tingga disiko. I am really tired with all of this intimidations. I really think that I have to escape from this country. Kan dulu ayah bana nan mangecek-an. Raining gold in foreign country, raining stone in our own, our country is the best. So, please do not reply to this mail, because I am ka bakameh-kameh. Ambo ka tabang hambua……’
Takajuik, Rajo Endah mambaco surek nan tarakhir ko.
‘Ooi, Aaam……. Aaam…… Amrik….jaan pulang pulo dulu…..’
Tadanga suaro oto baranti, kirono taksi. Tadanga bunyi urang manokok pintu. Adiak si Amrik, si Jon mambukak-an pintu. Kirono si Amrik alah tibo, alah tagak disinan…tasengeang…..
Arman Bahar <[EMAIL PROTECTED]> wrote:
Hayyaaa..... boo laa, bo swui laaa...
Bo lui bo chi'ak, bo chi'ak be phang shai, leee .... cin chai laa
wasalam
Athio fii liang
-----
Do you Yahoo!?
SBC Yahoo! DSL - Now only $29.95 per month!
