Assalamu'alaikum wr.wb.,
Sungai Janiah
Tabek Gadang sabanano, labiah kurang 40 x 40 meter, tapi indak baraturan bana. Aia no indak pulo janiah bana. Barisi ikan sabangso gariang, tapi talanjur di kecekan urang 'batuah'. Manuruik legenda, barasa dari duo urang (sapasang) anak-anak nan jatuah ka dalam tabek tu katiko saisuak ado urang baralek baraguang di nagari itu.
Caritoko, jaleh 'karut' kaji nan indak kamungkin bahaso ikan barasa dari urang nan jatuah kadalam tabek. Tapi nan fakta, iyo indak ado urang nan amuah mamakan ikan tu doh (konon). Kok digulai-an urang lah untuak ambo, rasono amuah ambo mamakan. Ikan ko iyo agak jinak-jinak bak kian, dek karano urang nan datang (turih lokal) biaso maagiah makan, karupuak. Paja-paja kaciak nan manjojoan karupuak ko sabana gigiah-gigiah manggaleh. ("Nan punyo wak lo bali lai pak, nan punyo wak alun ado pak bali lai," jano manyasak.)
Di suduik sabalah (kamaa lah garan eh, sabalah kian sin lah sabuik) ado Bukik Kapua (batu gamping), terjal, saisuak katiko ketek-ketek kami daki kateh, ado sumua (rongga di batu gampiang tu) sainggo bukik tu di sabuik urang bukik ba tanjua (=sumua, nan bisa di tanjua, di sauak aiano jo embe ketek).
Batu di pandakian Dama
Di area iko daulu sabalun PRRI ka dibuek rancanano FK UNAND. Tapi dek parang indak jadi. Nan batu itu bukanlah batu batuah, atau kiramaik. Sabangso batu guguran dari Gunuang Marapi, sarupo jo batu akibaik galodo taun 1978, cuma ukuranno labiah gadang-gadang (bongkah-bongkah gadang disabuik boulder). Alah ado memang disinan sajak saisuak kalo, tapi bukan, sakali lai, batu nan digunoan inyiak muyang awak untuak upacara apopun. Jadi batu ko iyo dipacah urang kini ka untuak pambangunan jalan.
Panorama Tabek atah
Rancak, tapi itulah sayangno. Di nagari awak tampek sarupo itu indak tapaliharo. Jalan ka panorama babatu-batu indak baaspal, atau alah lapeh aspalno. Kok di badak-i lah saketek, langsuang amuah di jua untuk konsumsi turih nan labiah pro.
Wassalamuálaikum wr.wb.,
Wassalamuálaikum wr.wb.,
Lembang Alam
FST-IAMS-Elect <[EMAIL PROTECTED]> wrote:
Manantian "net-work" pulih, ambo tambahkan saketek manganai Baso.
Do you Yahoo!?
SBC Yahoo! DSL - Now only $29.95 per month!
