Re: [RantauNet.Com] Informasi kondisi jalan di Sumbar

[mulyadi]

Ass,w,w. Sutan Panjang di imbau, sungguahpun Sutan surang nan taimbau, iyolah kapado sagalo dunsanak di RN ko, kok ketek indak kabasabuik namo, gadang indak kabaimbau gala, sambah tatuju ka Sutan surang. Satantangan informasi kondisi jalan di Sumbar alah dijawek dek dunasanak kito Nasir M di PTCPI, kok ado tukuak jo tambahnyo, silahkanlah Sutan manitah disiko. Memang pado musim libur anak sikolah ko kadang2 ado se dunsanak kito nan ka pulang ka kampuang atau berlibur bakuliliang Sumatera Barat. Sabab di kantua ambo, ado kawan nan pai balibur dari Palembang ko ka Medan liwaik lintas timur, dan mungkin baliak liwaik lintas tengah nan malinteh daerah Sumatra Barat. Jadi info jalan ko sangaik baguno bagi dunsanak2 tersebut.   Mengenai tugeh ambo dinas malam di Pabrik alah salasai, terakhir malam kalamari, jadi malam ko ambo bisa tidua baliak disubalah rang rumah ambo, alah hampia sabulan ma... Sutan, ambo batanggang incek mato tu. Sakian se, info dari ambo, mungkin ado dunsanak nan ka mauleh, silahkan !.   Wass, M.St.Bangsawan (46 plus) Rang Suliek Ayie di Pusri Palembang   =================================================================== Duduak surang basampiak-sampiak, duduak basamo balapang-lapang  (pepatah Minang juo) =================================================================== ----- Original Message ----- From: hendrizal piliang To: [EMAIL PROTECTED] Sent: Monday, June 30, 2003 6:25 PM Subject: RE: [RantauNet.Com] Informasi kondisi jalan di Sumbar Assalamualaikum ww , Mamak-Mamak, uda-uda , uni-uni dan bundo kanduang nan ambo hormati , tarimokasih Mak Mulyadi  St bangsawan, Baa kaba kini tuh, batanggang taruih mah, hehe lai babaok kopi ka pabrik Mak, dek ka batanggang ko e,  kapan paralu di baok kratingdeng tubagai mak, kalo supayo angek minum sarobaik mak, hehehem, jadi lah Mak Mul ambo ulang juo saketek panyambuang nan dari urg CPI tadi bahaso sampai kini kalo jalan ambo raso lai mulus mah, indak ado tadanga nan longsor doh mak. kalo kini lah mulai musim dingin di padang baliak ( musim hujan) , sagitu dulu Mak mul kalo ado bisuak ambo ionfo kan baliak   wassalam,   hendrizal piliang   ================================================================= sasampik sampik anak rajo, anak anggang di lalukan juo (pepatah minang) =================================================================