Sidang Rantaunet Yth :===========================================================================================
Ambo tidak menafikan pambarian gala untuk saluruh masyarakat Minang,
nan ambo sayangkan adolah pambarian gala nan indak pado tampeknyo ,
contohnyo gala pusako adat :Datuak , Malin ,pakiah , Chatib , Dubalang ,
yang mano gala tasabuik akan berimplikasi langsuang jo kegiatan adat
dikampuang .Jaan sampai satalah diagiah gala nan sarupotu , lalu di
gungguang dibaok tabang lo ka rantau ,itulah nan ambo mukasuik.
Urang nan bagala Datuak , Malin harus urangnyo "pamai " aratinyo satiok diundang baralek atau segalo kagiatan dikampuang harus datang karano inyo adolah mawakili dari suku kaumnyo.
Banyak nan tajadi yang maagiah gala ka urang nan indak sasuai jo alua dan patuik,
khususnyo maagiah gala ka penggede nan barasa dari Minang atau pernah di
anggap urang Minang , tapi sasudah tu gala tasabuik ilang lanyok dan indak ado kontribusino kapado kaum tersebut. Nampaknyo harus dibedakan antaro gala pusako adat jo gala yang sifatnyo hanyo sebagai panggilan sarupo : sutan, marah , sidi rangkayo dlsb .
Wakatu ambo ketek lai diagiah gala dek mamak suku ambo dengan Gala Pandeka Mudo , taruih tarang sajo ambo indak pandai bagaidoh basilek atau
urang pandeka . Dek lamo kalamoan gala tu manuruik ambo iyo indak pantas lai digunokan , ditambah lai ambo lah mulai pai karantau , dan sampai kini dengan
tapaso iyo galatu tabanam sajo .
Untuak mangatahui bahaso kito urang Minang , ambo sangat satuju sakali
kalau dibalakang namo kito ditambahi namo suku sasuai jo suku urang
gaek kito nan padusi , karano satiok rang Minang sajak tapacua dari rahim rang tuonyo otomatis mampunyai suku . Hal iko alah dirintis dek sanak kito al:
Hendrizal Piliang , Z.Chaniago,Indra J Piliang , Rahima Sikumbang dll.
Wassalam : Zul Amry Piliang (54) di Kuta Bali
On Fri, 11 Jul 2003 08:11:26 +0800 FST-IAMS-Elect <[EMAIL PROTECTED]> wrote:
Di darek, indak oleh pihak pidusi 'Jo.
Di Banuampu ; sewaktu marapulai akan dianta kerumah nak daro,
dirumah ranggaeknyo, oleh niniak mamak sapasukuan, dirundingkan gala nan akan dipakai oleh marapulai.
Bisa gala pusako = dari suku ibu.
Atau gala limbago = gala pihak bapak ( bako) yang hanya buat si marapulai (tidak diturunkan lagi).
Setiap suku mampunyai koleksi gala yang sudah baku, tidak pernah berubah.
Setelah dapek gala yang sasuai, mako gala tu dilakekkan ke marapulai, diumumkan, baik dirumah sendiri maupun nantik dirumah
nak daro. Sejak itu si marapulai tidak lagi dipanggilkan nama kecilnya, tapi gelarnya.
" Ketek banamo gadang bagala"
Kalau gala untuak datuak adolah gala penghulu = pemimpin kaum.
Lain dengan gala rang biaso.
Memang ado pulo gala nan diberikan oleh pihak pidusi ke sumando, biasono untuk marapulai non minang, atau rang minang nan alun diberi gelar. Iko biasono tajadi dirantau.
Gala nan dibarikan iko "gala rantau" ( St Syarif, St Makmur, St Alamsyah), khusus. Balain jo gala pusako dan gala limbago.
Singkek sajo dulu 'Jo.
Mudah-mudahan St Bandaro Labiah bisa manukuak - malangko'i
Sadang disawah, mancangkua duluuuuuuuuuuu
Kapado rang Bogor jaaan lupo beko malam 20:00 sampai 22:00 di 94.2 FM "Bagurau Diudaro" oleh St Bandaro Labiah dan St Sinaro.
Wass A St Bandaro Putiah ( 53 + 1 hari) Banuampu ~~~~~~~~~~
-----Original Message----- From: Zubir Amin [mailto:[EMAIL PROTECTED]
Kalau di Darek,kalau surang laki-laki lah babi-
ni biasonyo oleh keluarga nan padusi,minantunyo tu
diagiah gala(panggilan)-maaf kalau ambo salah-atau oleh mamak ybs.Gala ybs
tidak setingkat dengan gala
Datuak.Biasonyo sasudah namo ditambahkan "gala"nan dibarikan tu.Mungkin
contohnyo seperti sanak Amzar,
sasudah nikah,dibari gala "Bandaro"sehingga menjadi
Amzar Bandaro.
"TELKOMNet Instan Divre VI Kalimantan memberikan DISKON PROGRESSIVE kepada para pengguna TELKOMNet-Instan hingga 50% mulai bulan Juli hingga September 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================