Assalamualaikum wr.wb! On dated Thu,17 Jul 2003,kanakan Noviandri(maaf kalau disapo caro tu) al wrote:
"...ambo ingin mangoreksi dan maagia tahu...sepertinyo indak kasado daerah di Minang,ketek banamo,gadang bagala..." ------------------------------------------------------------------ Tapek bana sinyalemen kanakan Noviandri seperti nan jo Buyuang ku tip.Memang ndak ado "keseragaman" nan ketek banamo,lah gadang bagala.Ado kecendrungan di palanta RN ini,seolah-olah apo nan manjadi adaik istia-daik di nogarinyo,balaku secara umum dinogari lain.Manga dibantah kondi-si nyato hukum alam,lain padang lain bilalang,lain lubuak lain ikannyo. Secaro kasat mato sajo,di Minangkabau awak ko ado nan dinamokan rantau pasisia.Di daerah ini ado adaik istiadaknyo dan adaik,nan balaku untuk daerah rantau Pasisia tu.Hal ini indak samo jo adaik istiadaik dan adaik nan balaku di"Darek".Contohnyo sajo saparati nan dikemukakan oleh kana-kan Noviandri diateh nan rang Padang Gantiang,Batusangka(tamasuak Darek) Kalau ndak samo,jaanlo dikecekkan ndak rang Minang,atau kalau ndak bagala,kalau duduak dalam "parundingan" joa kadisabuik nan bersangkutan. Sepertinyo kalau ndak bagala,urang tu "dianggap"kurang Minagkabauwi.Di zaman nan lah majuko,kan lah dimamah biak,"duduak surang basampik-sampik duduak basamo balapang-lapang ???".Baa kok ndak diaplikasikan tu sikap dalam kehidupan nyato sehari-hari. Menyangkuik gala"sutan",tampaknyo gala ini,lah jadi gala "kodian".Di Piaman laweh,iko gala nan cukuik charismatik karano "ditarimo" dari gala Ayah kandung,bagi laki-laki nan lah babini.Gala ini"sinduik basinduik"se caro turun tamurun dari ayah kepada semua anak laki2 nan lah babini,sam pai kacucu nan laki juo nan lah babini sampai kacicit nan laki2 nan lah kawin sampai saterusnyo.Gala sutan ini indak untuk "dipagarahkan" baik oleh samo gadang ataupun oleh pihak sumando manyumando di nan padusi.Ka lau surang anak laki2 alun babini sampai tuo,ybs,tidak "boleh"memkai ga la dari ayahnyo itu.Seandainya ybs.(maaf ya)pincang kakinyo,mako inyo diimbau,yuang pincang,jo pincang atau mak pincang atau namonyo nan asli Kini ado kecendrungan bagi rang Piaman nan manikahkan anaknyo di ko- ta besar seperti di Jakarta atau Surabaya.Kalau minantunyo tu baasa dari lua Piaman,minantunyo tu saenak perutnya diberi gala sutan,atau sidi,ata wa bagindo tanpa ada alasan nan dapek dipertanggung jawabkan secaro adat istiadat nan balaku di Piaman.Jadilah si minantu tu bagala "sutan kiniko atau sutan ambacang nan manih,atau sutan pamaluak singka".Ada trend sema cam"pelecehan" terhadap adaik istiadaik nan balaku kini dikalangan masya rakaik Piaman. Baalo di "Darek",istilah sutan dalam konotasi "ke-Darek-an" muncul pu lo dalam tata pergaulan bermasyarakaik.Di pâlanta RN kito ini banyak nan mamakai "sutan".Jo Buyuang ndak tahu apo ado hubungannyo dengan "sutan" di Piaman dengan pemakaian "sutan" di Darek.Kali ado para sanak nan pia-wai di palanta RN ini nan piawai dan tahu saluak baluak pemakaian "sutan di Darek. Para sanak,ikolah senek tanggapan jo Buyuang dari rantau Pasisia,Mar seille,Parancih(lataknyo memang ditapi lauik lho).AB-Marseille. RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ==============================================