Assalamualikum Wtr.wb
Ambo tambahi mangana-i kurenah binatang nan biaso suruak manyuruak tu antaro lain :
- "Inyiak balang" alias maok ,alias harimau biasono acok manyuruakan kuku , kan lah tasabuik dalam papatah sarupo harimau manyuruakakn kuku
Nah iko manyuruak nan positif , jadi bia awakko maraso gadang tatap marandah
sarupo diri angku tu , ko adolo satangahe alun apo apo lah manggadang , itu nan indak buliah
-''Labi atau penyu" , binatang ko kalau dalam kondisi katakutan biasono manyuruakkan
kapalono sampai hilang dalam badannyo , Manyuruak comanko samo jo manyuruak ayam baranggah sirah bak kecek mamak tu , walau kapalo basuruakkan , namun ikua taporongeang juo (* : aa lo aratinyo taparonggeang ko dalam bahasa indonesia)
karano dalam kamus bahasa minangkabau - indonesia alun ado lai.
Pangalaman ambo dulu di kampuang wakatu mancakau / manubo bada di
sungai batang simo saok laweh solok , acok tasarongoh ( **) jo labi ko , kalau diliek sapinteh iyo saroman kayu bulek sajo nampaknyo , karano kapalonyo lah tasuruak kadalam badan labi tu .
-"Ruak - ruak" , binatang ko paling sanang maandok atau manyuruak , sahinggo
dek nenek moyang awak dulu lah dijadikan papatah pulo , "sarupo ruak -ruakdi nan
tarang " . Binatang ko paliang takuik jo manusia , jadi salamo hiduiknyo maandok
taruih . Bia beko indak dikecekkan ayam baranggah sirah , inyiak balang , labi ataupun
ruak -ruak sarancaknnyo dibukak se tabia tu lai , baa agak ati ???
( * ) Taparonggeang : kelihatan pantat , asal kata songgeang
(**) Tasarongoh : ketemu secara tiba- tiba
Wassalam : Zul Amry (54) di bali , selamat berakhir pekan .
On Fri, 18 Jul 2003 10:30:07 -0700
"Zubir Amin" <[EMAIL PROTECTED]> wrote:
Sanak Darul Makmur,Sutan Parapatiah nan dihormati.Dulu wakatu jo Bu===========================================================================================
yuang masih kenek2(kiniko masih manjadi urang kenek),acok mangaja ayam
di rumah.Caronyo dikaja-kaja,sampai ayam tu latiah;kadang2 ayam nan di-kaja tu "lari" sambia bakotaik dan kadang-kadang tapanca ziritnyo.Ayam nan dikaja ko,larinyo manyuruak-nyuuruak kabawah sarok paga,kadalam paga,kabawah jenjang dan kabawah karataih salai.Kapalanyo dihandokkannyo
(disambunyikannyo),tapi IKUAnyo tacogok gegek sajo,sehingga mudah manco-
kok ayam nan mandok tu.Biasonyo nan dipakajaakantu ayam jantan baranggah
sirah nan kukuaknyo "bosan"awak mandanganyo.Kok sanak Darul punyo ayam
baranggah sirah tu,tangkok selah dari pado bakukuak ndak bakatantuan se.
Ghangak urang sakampuang dibueknyo.Ku,kruyuk,ku kruyuk,dasar ayam.
"TELKOMNet Instan Divre VI Kalimantan memberikan DISKON PROGRESSIVE kepada para pengguna TELKOMNet-Instan hingga 50% mulai bulan Juli hingga September 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================
