Assalamu'alaikum wr.wb.,
Kami lalu di Lawang Tigo Balai tu ari Sabtu tanggal 26 Juli. Taruih ka Puncak Lawang. Puncak nan indak abih-abih mailangkan kakaguman ambo. Subhanallah. Sabana rancak tampektu. Sabana rancak pamandangan ka bawah, ka danau Maninjau, lapeh ka subarang ka lautan India. Sarupo nan tapikia-pikia di kapalo ambo, itu pulo nan dipatanyoan dek kawan-kawan ambo. 'Jalan umumno di Sumbarko rancak-rancak, baa mangko nan saketekko, sajak dari simpang Matua, sampai ka Puncak Lawang ko indak di hotmix sarato dipaleba saketek. Baa mangko tampek urang bataduah di Puncaktu indak di samparonoan saketek. Di agiah balantai keramik, dibuek-an toilet nan barasiah. Sudah tu dibuekan taropong nan dipasang parmanen untuak urang manyigi-nyigi mancigok ka subarang. Sudah tu sabalah kian dibuek bana palataran tampek urang 'take off' ka ba 'hang glider'. Biko-biko bana kalau alah batambah elok Puncak Lawang ko jadi tampek baranti kareta gantuang nan dihelo sajak dari Kiktinggi dan dirantang ka bawah ka
Maninjau. Ndeh banyak bana mah. Tapi bisa dikarajoan sadono tu saketek-saketek.
Masih sarupo barasian baru. Mudah-mudahan lamo lambek baransua maarah juo kian.
Wassalamu'alaikum wr.wb.,
Lembang Alam
[EMAIL PROTECTED] wrote:
[EMAIL PROTECTED] wrote:
Mak Sutan,
Kok tanggal 18 July patang mungkin Mak sutan jo rombongan dape manyaksikan acara
Malewakan Gala Sang Sako Dt. Rajo Budi di Lawang Tigo Balai. Kebetulan kami
rombongan dari rantau (Jkt, Pakan, Medan, Pdg, dll lai pulang ka Lawang)
Ado tampak di ambo rombongan bus turis (antah turis lokal atau asing) nan lalu
di jalan ka Puncak Lawang.
Ko itu dak rombongan Mak Sutan ?
Salam
Fauzi Laparta.
St. Lembang Alam
Do you Yahoo!?
Yahoo! SiteBuilder - Free, easy-to-use web site design software
