Assalamu'alaikum Pak Zul
Ka ba a li, indak dapek di awak, dek bajauahan kadipangakan, bia dicaritokan sajo beko, tapi kok taragak bana Pak Zul jo urang awak nan ado di Bali, bisa pulo diantakan kasinan, buliah nak bagurau pulo agak samalam.
Insyaallah bisuakko lai bisa ba kopi darek jo Pak Zul, tapek no waktu Gren Loncing Patra Jasa Bali, sakalian maimbau Pak Zul pulo datang. Kapatangko indak jadi ka Bali doh, tapi pai ka Medang jo Kampuang jadino..
Salam untuak and. Yusril dan kaluarga kasadono.
Wassalam
SBL
amry1948 <[EMAIL PROTECTED]> wrote:
amry1948 <[EMAIL PROTECTED]> wrote:
Ondeh ...Mak kalau lai indak jauh bana Bogor tu dari tampek ambo
amuah lo rasonyo pai kasitu , iyo lah taragak bana awak nak mandanga
saluang , rabab , jo randai tu Mak SBL , namun apo kadayo , salam
sajo untuak Mak SBP dan Mak SBN . Bilo kito ka bakopi darek di
Patrajasa Hotel & Villas Bali.
Wassalam : Udazul di kuta Bali
hendrif hendrif <[EMAIL PROTECTED]>wrote:
>
> Sairiang balam jo barabah
>
> nan katigo murai namokan
>
> sairiang salam jo sambah
>
> undangan sajo kami sampaikan.
>
> Assalamu'alaikum w.w.
>
> Sahubuangan dengan acara "Samalam di Ranah Minangkabau" nan
kadiadokan di Halaman Balai Kota Bogor, Jl. Ir. H. Juanda, di Muko
Istana Bogor, pado Hari Sabtu, tanggal 23 Agustus 2003, mulai Jam 7
malam (19.00) sampai Subuah ateh namo panitia maundang sarato maimbau
Niniak Mamak, Cadiak Pandai, Alim Ulamo, Bundo Kanduang sarato Rang
Mudo nan ado di RN untuak manghadiri acara nantun.
>
> Bagi Sidang RN nan ka malapeh Taragak jo RANDAI, SALUANG, RABAB,
TARI-TARI MINANG sarato LAGU-LAGU MINANG, Insyaallah lai kataubek,
karano dalam acara tu ado panampilan dari :
>
> Randai oleh Group Randai "Palito Nyalo" nan didatangkan dari
Kampuang.
> Saluang (Pamainno didatangkan dari Kampuang jo Jakarta)
> Tari-tari MInang oleh Talenta Studio
> Rabab (Pamainno didatangkan dari Kampuang jo Jakarta)
> Lagu-lagu Minang. (Pamainno didatangkan dari Jakarta)
>
> Manonton / mancaliak acara ko indak mambaia bagai doh, alias perai
sajo, tapi kok lai nan kamanyumbang untuak pambali Santo nan tampil
dipangguang bisuak tu, Alhamdulillah batarimo bana.
>
> Kok mandanga / manikmati Saluang, iyo sabana mandanga / manikmati
bana, indak ado acara hiduk matikan saluang doh., baitu pulo Rabab
no, indak ado cukia mancukia, awak ka bagurau jo basilaturrahim
sajono. kok ka mamintak dendang atau lagu iyo buliah, nama nan katuju
diawak itu nan kadibaokkan.
>
> Samoga Sidang RN dapek handakno manghadiri acara "Samalam di Ranah
Minagkabau" tu., barondoh pondoh awak ka sinan.
>
> Sakian sajo, talabiah takurang rila jo maaf.
>
> Wassalamu'alaikum w.w.
>
> ttd
>
> Panitia
>
> NB : Mamak Bandaro Putiah ! babarekkan pulo ka Mamak untuak
malewakan (porewaik) kan nan lain, nan kiro-kiro tapek, tarimokasih..
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================
Yahoo! Plus - For a better Internet experience
