Mak Tachi Yth Assalamulaikum wr.wb
manaruik ambo indak baa doh tu Mak , bukankah panobatan tu cuma sakedar baso basi sajo , sabananyo ado batu dibaliak udang ...eh kaleru ado udang dibaliak batu , nan pantiang bana bia kalah sajangka asa lai manang sadapo , atau istilah ajo buyuang bia kapalo baluluak asa lai tanduak makan . Komunitas minang di bali lah sangek terkenal , seolah olah sudah manjadi anak manis , baik dimato gubernur ataupun dimato kapolda maupun masyarakat bali sendiri. Jarang dan ampia indak pernah tadanga dek ambo manganai urang awak nan babuek kriminal di bali ko , sadangkan jumlah warga bali asa minang nan ado di bali bardasarkan catatan ikms labiah kurang 6000 jiwa , dengan sagalo macam profesi. Wassalam : Zul Amry ( 54 ) di kuta bali mak tachi <[EMAIL PROTECTED]> wrote: > Assalamualaikum ww. > > waiyooiikkk.....alah batambah pulo niniak mamak urang minang nan indak tau jo adat....kito samo tau baraso "adat basandi sarak, sarak basandi jo kitabullah". Baa pulo niniak mamak baru nan banamo "I Dewa Gede Anunya" ko mambimbiang kamanakannyo. Mamak kito nan baru ko nan jaleh dek wae hanyo caro mambaka dupa. > > Nan tapikia dek Mak Tachi, biaso no di kampuang kito kalo malakekan gala datuak badabiahkan kabau agak saikua dua ikua, kalo kabau sarik buliah di tuka jo jawi. Kalo di kampuang mamak baru ko ka di dabiah jawi? durako kamanakan ka mamak, dek jawi adolah Tuhan dek Mamak Baru kito ko. > > Kok dek Mak Tachi kajadian iko adolah "pemerkosaan" taradok adat dan tradisi Minang. Karano dalam tradisi minang tu niniak mamak ko adolah urang nan tau jo nan ampek. Tapi mungkin dek Mak Tachi nan lah katinggalan jaman dan caro bapikianyo masih kuno barangkali go eh. Kok banyak pulo mamak urang minang nan sarupo iko, maleh lo mak tachi mamakai gala mamak jadi no.... > > ooiialah...batambah paik kupi pagi ko mah, iko paisok daun anau lah pudua lo api no go aaa.. > > salam > Mak Tachi RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
