Ass,wr,wb. Dunsanak Rahyussalim, angku doto nan kami hormati, dengan munculnyo dunsanak di diskusi nan dilewa kan di RN ko, mako semakin komplitlah warna-warni diskusi di sidang RN ko. Dulu sabalunko diskusi hangek tentang agamo nan dikaikkan dengan dunia politik, sudah tu dunsanak di RN ko lah heboh pulo masalah dapua, masalah resep makanan dan dunia salero, sasudah tu masalah journey dan pengalaman perjalanan/dunia pariwisata termasuk tentang keindahan nagari kito masiang2 dan kini masalah dunia kesehatan. Ambo sangai tertarik ateh ulehan dan komentar dunsanak Rahyussalim masalah dunia pengobatan ko, kalau buliah dan kito sidang RN setujui, dunsanak Rahyussalim ko kito angkek sebagai narasumber untuak hal diskusi kesehatan di RN ko, masalah ugamo mungkin dunsanak Uwan di Pakanbaru sebagai tampek batanyo, masalah diskusi dunia pariwisata, Uda Zul kito nan di Bali sebagai kapalo araknyo dan masalah politik jo pernak-perniknyo dunsanak kito IJP sebagai goal getternyo dan terakhir masalah dunia wanita kito sarahkan ka kaduo dunsanak kito Cysca jo Rahma nan baiak hati kucindan lamak untuak maramunyo. Sabananyo masalah dunia wanita ko ambo alah kanai hati jo Bundo Nismah, tapi baliau kalihatannyo sadang alun turun bukik, mungkin sadang maasah ilimu untuak turun gunuang pado episode barikuiknyo, salam hormat ambo buek Bundo Nismah, sakali2 turun juo lah ka galanggang RN ko, bia taubek rindu kami. Itu nan takana diambo, kok ado dunsanak nan kamanukuk'i dan menambahnyo silahkan. Ambo mintak maaf ka sidang RN, kok talantuang dek kanaiak, tasipak dek katurun, ka Tuhan ambo mintak ampun. Jayalah RN.
Wassalam, M.St.Bangsawan (46 th 5 bl 10 hr) Rang Sulik Ayie di Pusri Palembang > Assalamualaikum wr wb tuk kasado pambaco di salingka dinding rn > > Mungkin kalau adoh nan punyo pengalaman / pernah mancaliak teknik > pengobatan penyakit tumor (kanker) secara tradisional (tantunyo nan > mangkuih), ambo kiro cukuik menarik dilewakan disiko karano satau ambo > sangat banyak penyakit tumor nan alah barubek di RSCM kemudian minta > pulang tuk barubek alternatif. Kadang2 adoh pulo panyakik tumor nan > sudah di claim indak adoh ubeknyo di RSCM (dotornyo alah manyarah) > kemudian si penderita itu dipulangkan dan mancari pengobatan alternatif > katonyo. > > Wassalam > Rahyussalim > > RantauNet http://www.rantaunet.com > Isikan data keanggotaan anda di http://www.rantaunet.com/daftar.php > ----------------------------------------------- > Berhenti menerima RantauNet Mailing List, silahkan ke: > http://www.rantaunet.com/unsubscribe.php > =============================================== > RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
