Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assalamualaikum, wr, wb. Indak ambo sangko, ambo sadang diateh oto manjapuik anak ambo pulang les bahaso Inggirih barusan ko jam 21.20, HP ambo babunyi, ee.... kironyo Jo Buyuang nan manalipon ka ambo. Alangkah gadangnyo hati ambo dan raso kebanggaan tersendiri buek ambo, seorang diplomat Indonesia nan ado dilua nagari manalipon ka ambo. Dengan percakapan yang akrab beliau Jo Buyuang manyapo ambo, saroman urang lah kenal lamo (ikolah gunonyo RN ko bagi pergaulan dan penyambuang tali silaturrahmi diantaro kito). Sakali lai tarimo kasih yo Mak Jo Buyuang yo. Ambo ucapkan selamat menjalankan ibadah Umroh di bulan Ramadhan nantik dan sekaligus pulang ka tanah air. Kok pulang ka kampuang dari Jakarta nantik, jaan lo indak singgah di dangau adinda di Palembang. Alamaik adinda di Jl.Srigading No.6 Komplek Pusri Palembang (di dalam komplek pabrik Pupuk Sriwijaya), Sutan Bandaro Labiah, liau alah singgah didangau ambo sewaktu pertunjukan Randai Palito Nyalo Jumahaik nan talapeh. Kini nan sadang ambo tunggu, apokah jadi Bundo Nismah singgah ka Palembang, atau beliau malayang di ateh kota Palembang jo Batavia atau Lion Air, wallahualam, semoga beliau salamaik pulang pai. Dek ari kamasuak bulan puaso, ambo pribadi memohon maaf ka Mak Jo Buyuang, ka dunsanak sidang RN nan indak ka ambo sabuik satu persatu, ateh ulah kurenah ambo dalam berbahaso di dunia maya ko, nan mungkin tagisia dek kato2 ambo, mako dalam kesempatan nan baiak ko ambo mamohon maaf ateh semua itu, dan sebelumnyo ambo alah memaafkan pulo dunsanak kasadoalahe. Semoga amalan kito dibulan Romadhan tahun ko diterima Tuhan. Amin..... Wassalam, Mulyadi St.Bangsawan (46 +) Rang Sulik Ayie di PT.Pusri Palembang ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================