Ass, wr, wb.
Bagi dunsanak nan alun tahu tampek
rekreasi wisata alam Jambatan Aka, tampek nyo 19 kilometer dari
simpang tigo jalan ka Painan. Simpang tigo ko 12 kilometer lai manjalang
ka Painan dari arah Padang atau Taluak Bayua. Kok dietong jaraknyo dari
kota Padang adolah di kilometer 68, belok ka kida. (silahkan caliak Sketsa
Jalan Lintas Sumatera nan ambo buek).
Ambo ka sinan di tahun 1997 nan lalu
sewaktu Safari Keliling Sumatera dalam rangka memfinalkan data
jarak antar kota2 nan ambo tampuah wakatu itu.
Jalur jalan nan ambo tampuah wakatu
itu dari : Palembang - Jambi - Pakanbaru (malam di rumah dunsanak) - Kota
Pinang - Tebing Tinggi - Medan - Binjai (stop over disiko, dek karano rumah
mintuo ambo di kota ko) - Lhoukseumawe (wakatu itu GAM alun malasak, jadi
aman sajo ambo dari Lhoukseumawe pulang baliak ka Langsa dan bamalam di Langsa
padahal wakatu itu hari alah tanggarik, didalam oto hanyo ambo batigo jo bini
ambo dan anak ambo nan ketek barumua 6 tahun). Oto nan ambo pakai, Kijang
Minibus tahun 1992.
Sudah tu, baliak lagi ka Medan -
Tebing Tinggi - Pematang Siantar - malam di Danau Toba. Pagi bisuaknyo
ditaruihkan ka Tarutung - Sibolga - Padang Sidempuan - dan sampai di Jam Gadang
Kiktinggi hari lah tanggarik pulo, langsuang turun ka Padang. Wakatu itu ado
kejadian lonsor di Lembah Anai, baru pukua satu malam sampai di
Padang.
Dari Padang - ka Taluak Bayua -
Simpang tigo Jambatan akar (KM 68) - Jambatan akar - Painan - Tapan - Muko2
- dan stop over lagi di Bengkulu (karano kota ko tampek kelahiran ambo dan masih
banyak dunsanak ambo dan masih ado rumah pusako almarhum urang gaek ambo). Dari
Bengkulu pulang baliak ka Palembang, via Lubuk Linggau - Tebing Tinggi - Lahat -
Prabumulih dan Palembang.
Berdasarkan perjalanan Safari
Sumatera itulah, data nan sebelum nya belum lengkap menjadi lebih
lengkap.
Khusus untuk tempat rekreaksi
Jembatan Akar, ini sebenarnya ado caritonyo, katonyo daulu ado urang nan tiok
ari menyebrangi sungai nan ado diateh jembatan akar tu kini. Tapi dek
karano sungai tu agak tenggi dari tanah darek subarang ka subarang menjadi sulik
bagi urang gaek tadi. Disekitar itu tumbuah 2 pohon beringin yang berseberangan
yang akarnyo manjelo-jelo, dek panjang
pikiran urang gaek ko, mako inyo patauikkan akar2 dari kaduo pohon ko, memang
mulonyo alun bisa di lalui, tapi lamo-kalamoan, akar tapi pilin bapilin manjadi
satu kesatuan dan dibentuk seperti jembatan gantuang oleh urang gaek tadi
(mungkin oleh anak keturunannyo, sebab lamo menunggu agar akar tersebut menjadi
banyak dan kokoh). Dan seterusnya, sekarang jembatan tersebut bisa
kita lalui sambil berlari.
Demikian sekedar info pariwisata nan
ambo alami sendiri, ini sebagi bahan bagi dunsanak nan hobby tour & journey,
silahkan jadikan pedoman Sketsa Jalan Lintas Sumatera nan alah ambo buek
tersebut.
Wassalam,
Mulyadi St.Bagsawan (46
+)
Rang Sulik Ayie di Pusri
Palembang
HP. 0812 7834825
|