Server mailing list RantauNet berjalan atas sumbangan para anggota, simpatisan dan
semua pihak yang bersedia membantu. Ingin menyumbang silahkan klik:
http://www.rantaunet.com/sumbangan.php
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ass,wr,wb.
(sebagai jawek'an untuak Dek Ima tentang postingan dengan Topik : Nuansa
ke Minang-an telah memudar di palanta kito)
Dek Ima, itulah nan ambo sabuik "Nuansa ke Minang-an di Palanta kito ko
alah mulai Pudar" tapi belum pudur seperti istilah nan Uda Zul katokan.
Sabananyo kami nan agak tuo ko (ambo sabananyo alun tuo2 amek rasonyo, kok
mandaki janjang 40 di Kiktinggi rasonyo masih bisa duo tigo kali ulang
alik), sangaik gumbira dengan masuaknyo anak2 mudo nan energik dan punyo
ilimu tinggi di Palanta kito ko, nan piawai bajawek kato dan berdikusi nan
kito harokkan nantiknyo mereka2 inilah yang akan tampil keluar membao namo
harum Minangkabau di pentas politik dan bernegera sarato bidang lainyo.
Kami harok mereka2 ko bukan hanyo sebagai jagok kandang sajo, semoga bisa
pulo seperti dunsanak kami DR.Happy Bone Zulkarnain,MS (rang Sulik Ayie
nan mewakili Partai Golkar dari kota pemilihan Bandung) nan manjadi
anggota DPR/MPR RI nan piawai baciloteh tentang dunia politik dan sering
tampil di layar kaco kito dalam mensuarakan aspirasi rakyat, liau duduak
di Komisi I basamo Ibrahim Ambong MA, orang Sulawesi Selatan nan juo
merupakan Urang Sumando Sulik Ayie.
Tentang ESQ, seperti apo nan diajakan dek Ary Ginanjar Agustian ka kami
Karyawan Pusri baru2 ko pada training ESQ (Emotional Spiritual
Quotient)Rahasia Sukses Membangun Kecerdasan Emosi dan Spiritual, bahwa
didalam diri manusia ado 3 kemampuan nan harus selalu diasah.
Apo nan tigo tu :
1. EQ = Kemampuan intelektual, analisa, logika dan rasio
Contoh : 2 x 2 = 4
2. EQ = Kemampuan mendengar suara hati sebagai sumber informasi
Contoh : komitmen, loyalitas dan kepekaan
3. SQ = Kemampuan memberi makna puncak spiritual (ultimate meaning)
Contoh : Spiritualisasi pekerjaan
Salamo ko terjadi pemisahan antaro EQ jo SQ, dimano :
EQ (Kecerdasan Emosional) hanyo untuak manusia ke manusia sajo
SQ (Kecerdasan Spiritual) hanyo untuak manusia dengan Tuhannyo.
ESQ menggabuangkan EQ jo SQ dengan Rukun Iman, Rukun Islam dan Ihsan
untuak penyempurnaannyo.
Tuhan
ESQ = EQ + SQ /\
/SQ\
/ \
/ \
/ \
/ EQ \
Manusia ------------- Manusia
Matrix dibawah ko mencerminkan hubungan katigo kemampuan dasar manusio tadi.
IQ EQ SQ Hasilnyo
1.Baiak Randah Randah Urang saroman iko Buto Hatinyo
2.Baiak Baiak Randah Urang iko akan jadi Diktator dan koruptor
3.Randah Randah Baiak Urang iko akan manjadi Petapa
4.Baiak Baiak Baiak Iko urang nan paripurna, urang nan sa-elok2nyo.
Jadi kalau dunsanak generasi mudo kito tadi masuak di kategori nomor
ampek, itulah nan ka mambao namo harum Minangkabau, ikolah urang nan
paripurna, urang nan tahu hereang jo gendeang, urang nan tahu dikato
sampai, manjadi palito dalam nagari. Tapi kok jadi masuak kategori nan
nomor satu atau nomor duo, itulah nan akan mambuek namo Minangkabau
semakin terpuruk.
Jadi untuak generasi mudo nan energik tadi, cubolah inok2-i, masuak
kategori nan ma kito. Mungkin IQ dunsanak tinggi, tapi kalau EQ dan SQ
randah, rasonyo percuma kito mengakui urang Minang nan mempunyai falsafah
ABSSBK tu.
Silahkan di komentari dan kito jadikan wacana kito basamo, kok nan baiak
itu datang nyo dari Tuhan, dan kok ado nan indak baiak itu datangnyo dari
diri ambo, untuak itu ambo mohon maaf, ka Tuhan ambo mohon ampun.
Wassalam,
Mulyadi St.Bangsawan (46 +)
Rang Sulik Ayie di Bumi Sriwijaya
Cacatan : Untuak nan ingin mendalami ESQ ini, bisa ikut Training yang
rutin dilaksanakan oleh ESQ Leadership Center, Jl. Melawai Raya 27-G
Jakarta-12160, email : [EMAIL PROTECTED], www.esq.co.id
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ingin memasarkan produk anda di web RantauNet http://www.rantaunet.com
Hubungi [EMAIL PROTECTED] atau [EMAIL PROTECTED]
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Isikan data keanggotaan anda di http://www.rantaunet.com/daftar.php
----------------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
========================================
