Server mailing list RantauNet berjalan atas sumbangan para anggota, simpatisan dan
semua pihak yang bersedia membantu. Ingin menyumbang silahkan klik:
http://www.rantaunet.com/sumbangan.php
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ass,wr,wb.
Ambo sato pulo ciat, kalaulah buliah ambo bakomentar, Mamak nan surang ko
memang Mamak Reformasi namonyo. Mamak nan arif bijaksano, dalam bapantun
inyo lalu kan juo galasnyo, semoga galasnyo ko di Pemilu 2004 baeko laku
kareh. Wong cilik kini banyak nan lah kuciwa, semoga galas Mamak lai indak
manjua janji sajo, tapi tunjuakkan bukti.
Ambo cubo pulo ciat berpepatah (mungkin iko bukan pantun kali yo!)
Alun bakilek lah bakalam
Bulan lah langkok tigopuluah
Alun takilek lah takalam
Raso lah tibo dalam tubuah
Tanam aue tanamlah duku ( duku Palembang terkenal manis )
Diparak naneh anak Tarusan ( naneh Pakanbaru lamak rasonyo)
Sinan batiak nan babungo
Mambuhue jan mambuku
Mauleh jan mangasan
Disinan cadiak nan baguno
Dalamnyo aie dapek diajuak
Dalamnyo hati siapo tahu
Sungguah kawek nan dibantuak
Ikan di aie nan dituju
Angguak anggak geleang amuah
Unjuak nan indak babarikan
Iyokan nan diurang
Lalukan nan diawak
Sagitu sajo dari ambo, salamaik bapuaso hari nan ka-anam, duo puluah tigo
hari lai kito Rayo, baju baru anak2 alun tabali lai, yo coiko lah nasib.
Saba...lah ang Yuang.
Wassalam,
Mulyadi St.Bangsawan (46 +)
Rang Sulik Ayie di Pusri Palembang
> ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
>
> Assalamualaikum ww
>
> Eeee ..Eeee ........ kok pai sadonyo nan mudo2 langang mamak disiko,
> duduak
> balangau mamak beko, itu bana nan mamak cameh kan, sabab manuruik pikiran
> mamak nan urang panggalas ko, rami itu penting walaupun rami indak ka
> mambali alias numpang liwat doang, tetapi itukan termasuk pembeli
> potensial,
> indak bana kini urang mambali, bisuak2 lai juo harapan, jadi pintak jo
> pinto
> dek mamak, usah lah kamanakan pai, kama bana ka pai, nan jaleh mamak
> maraso
> ka-ilangan bikoh
di cut disiko ..........!
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ingin memasarkan produk anda di web RantauNet http://www.rantaunet.com
Hubungi [EMAIL PROTECTED] atau [EMAIL PROTECTED]
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Isikan data keanggotaan anda di http://www.rantaunet.com/daftar.php
----------------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
========================================
