Assalamu'alaikum.w.w.
...... Mari kito taruihkan agak sajamang pulo....
Memang rang padusi ko lain,
dek karano bisiak-bisiak setan, namuah pulo mamparago-ragokan badan diri, dan
dek setan alah dibisiakkan pulo bahaso itulah nan diharagoi urang, itulah nan keren,
itulah nan trendy, bebas manga se dlsb.
Dan iko lah gaya emansipasi wanita nan ditiupkan dek urang nan bukan Islam.
Dan memang lah nyo pakai di nagari mereka. Dan akibatnya, betapa banyak wanita
yang sengsara karena hal ini. Indak bisa dipungkiri do bahaso banyak wanita Amerika
dan Japang (di Japang di muko mato kapalo awak bana)
nan ujuang-ujuang nyo menderita dek karano sistem nan dipakai bernafaskan emansipa-
si ala mereka. Mulonyo iyo seronok, hak samo, kewajiban samo, tapi mereka lupo,
nan hamil padusi juo, nan labiah cinto jo kasiah ka anak-anak urang padusi juo.
Sistem nan mereka anut mambuliahkan rang kilaki nan bamato alang babuek tanpa
tanggung jawab, dan mereka babuek sakandak hati, kasudahannyo bacarai, nan taniayo
urang padusi juo anak baranak. Dek kasihan ka anak, bakureh pagi patang siang malam,
tanpa mamikiakan moral lai, jadi objek pelampiasan nafsu lelaki. Dan memang dari
samulo jadi objek nafsu lelaki. Iyo baa pulo ka indak, penyetaraan hak, kesempatan,
alah mambuek mereka bisa manantukan jalan iduik sorang, dek karano buliah bakarir
sorang, buliah bakajarajo sorang walaupun indak sasuai jo fitrah mereka.
Iko memang nan kalamak dek lelaki, apo lai lelaki bukan Islam, nan
indak maraso badoso kalau satu saat nyo bisa pai malapehkan tangguang jawab. Nan
kalamak dek lelaki kalau inyo indak sapanuahnyo batangguang jawab ka padusi nan
nota bene bajanji saiduik samati susah jo sanang di muko pendeta.
Hmm... urang kilaki, bilo nyo bisa mainda dari tangguang jawab nyo akan mainda
juo. Mancaliak bini bisa bakureh sorang, sia nan indak ka sero. Jadi sabananyo apo
nan mereka perjuangkan jo emansipasi ala mereka ?. Penyetaraan bukanlah suatu
solusi dalam hal meletakkan kembali harga diri dan martabat perempuan. Coba
renungkan lebih dalam wahai kaum perempuan...... (alah babahaso melayu tinggi
pulo awak di nyo he he he he).
Tetap sajo ambo bapandapek, bahaso apo nan alah diturunakn dek Allah swt.,
Penguasa jagad semesta ini, Zat yang Maha tahu apo sabananyo nan dibutuhkan
dek ciptaannyo, adolah labiah baiak, adolah solusi dalam persoalan gender ko.
Emansipasi nan bana, iyolah emansipasi nan dibaok dek Islam dan alah diagiah
keterangan nan jaleh dek Rasulullah saw, dan alah pulo dibahas oleh para ulama,
baa bana kedudukan padusi. Hak dan tanggung jawab, sampai kapado karajo-
karajo nan dibuliahkan untuak padusi sasuai jo fitrahnyo. Salah satunyo nan
pernah ambo baco adolah dokter ahli kandungan (kebidanan). Umat Islam paralu bana jo
professi urang padusi nan sarupo iko. Tiok malaiaan anak, payah urang padusi
basuo jo dokter kebidanan nan padusi, kebanyakan laki-laki. Walaupun inyo muslim,
tapi sacaro sarak agak barek malapeh. Hanyo dek karano keadaan darurat nan bisa
dipakai (kalau keadaan ko balanjuik, buliah jadi awak badoso kasadonyo dek karano
fardu kifayah), tapi sabananyo alah harus manjadi perhatian kaum muslimin kasadonyo,
bahaso hal iko bisa disalasaikan dengan caro manunjuakkan ka urang padusi,
professi apo nan paliang sasuai.
..... Maaf alun menyentuah Minangkabau lai...
alah panjang pulo.... kito sambuang barisuak...
Wassalam
St. Sinaro
Do you Yahoo!?
Protect your identity with Yahoo! Mail AddressGuard
