Ass. wr. wb.
Manolah mamak jo sanak kasadoalahe dipalanta RN
Sabananyo urang awak itu alah terkenal dengan keliahaiannyo,
dan iko sasuai juo ja papatah patitih awak juo, nak takuruang dilua, nak taimpik
diateh, jadi kalau untuak bakureh sorang, sabana hebat urang awakko, tapi jan
didalam suatu team work atau bakarajo basamo, iyo sabana sarik mauruih urang
awak, bak kato papatah sindiran juo, labiah elok bagubalo kabau saratuih
dari pado mauruih urang padang surang, makonyo banyak restoran padang
dimano-mano mampakarajokan bukan urang awak sebagai pelayan.
Pangalaman ambo bakarajo mulai di Taluak Bayua, kamudian di
Bitung, di Panjang, Biak, Balikpapan dan Jayapura, tapi kalaih nyo iyo kuli
palabuhan, iyo sabana nampak bedonyo, kalau urang awak disuruah, alun pai inyo
lah babalik, ibaraik mamandian kudo, awak masuak aie daulu baru kudo dieloan
kaaie, tapi kalau urang manado disuruah, jaweknyo " sementara pak ", bisuak
ditanyo pulo baliak, jaweknyo iyo samo, " sementara pak ", tapi nan karajo tu
iyo alun juo dikarajoan lai doh.
lain pulo di papua, kalau disuruah inyo karajo, lai ado bier
atau minuman kareh, capek nyo tu mabuek, buliah tigo hari tigo malam indak
bangkiek, kok mambaie gaji jan wakatu banyak karajo, indak adoh nan tibo
bakarajo doh karano kepeang gaji abih untuak mabuak, kalau masalah manuntuik
paling hebat, apolai masalah hak ulayat, kalah perusahaan nan hebaik dek inyo,
bandara, palabuhan dan kantua-kantua bisa inyo palang, indak bulieh ado kegiatan
sampai hak ulayatnyo dibayia.
Pangalaman ko indak ditilik sacaro ilmiah doh, hanyo nan
tampak dilahie sajo, dan basobok satiok hari.
Sakitu dulu pancaliekan ambo, kalau ado nan indak satuju, iyo
mooh dipabanyak.
Wass. wr. wb.
CDR. Sampono ( 54+ )
|
- RE: Re: [RantauNet.Com] [MN] urang jawa lebih ulet dar... Pemi M.
- Re: Re: [RantauNet.Com] [MN] urang jawa lebih ule... dino . shm
- Re: Re: [RantauNet.Com] [MN] urang jawa lebih... Adrisman Yunus
- RE: Re: [RantauNet.Com] [MN] urang jawa lebih ule... Rinaldi - SHE Dumai
- RE: Re: [RantauNet.Com] [MN] urang jawa lebih ule... Irdam Syah
- RE: Re: [RantauNet.Com] [MN] urang jawa lebih ule... Madahar
- RE: [RantauNet.Com] rang minang & others Hendra Messa
- Re: [RantauNet.Com] rang minang & oth... bandaro
- Re: [RantauNet.Com] rang minang &... dino . shm
- [RantauNet.Com] Apa kesimpulannya ??? <== uran... rul_djamal
- [RantauNet.Com] Apa kesimpulannya ??? <== ... Adrisman Yunus
- Re: Fw: Re: [RantauNet.Com] [MN] urang jawa l... yulizar syafri