Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Dari lapau Banuanet, kamanakan Abduh dari Melbourne manyampaikan. Wass mak Ban ~~~~~~~~~ > Date: Sun, 30 Nov 2003 21:01:57 +1100 > From: "Abduh" <[EMAIL PROTECTED]> > Subject: RE: Enjoying the 'rirayo ( Re: Laporan kauangan RF OKTOBER 2003) > > > Assalamulaikum wr wb. > > Mak Ban, takekeh-kekeh ambo mambaco kisah rayo mak Bak, mungkin iko > tamasuak salah satu suasana lebaran nan ndak terlupakan alias penuh > kenangan di Mak Ban. > > Dibandiang jo nan taun lalu, rirayo ambo nan taun kini alhamdulillah lai > labiah agak enjoy. Taun lalu ambo sumbayang di musajik rang timur > tengah, kalau nan taun kini ko ambo pai ka tampaik sumbayang rirayo nan > diorganisir dek kawan-kawan dari Indo. Agak balain jo caro wak di > kampuang, induak-induak mambawok kue/makanan rayo ka tampaik sumbayang. > Jadi sasudah sumbayang basamo-samo manikamti kue rirayo du sambia > basilaturrahmi jo nan lain, sahinggo taubek juo taragak jo kampuang. Nan > agak takajuk ambo, sasudah maota-ota kian-kamari, rupono ustad Antonio > Safei rang sumando awak kirono, minantu pak Rafki (mantan kapalo RSAM > Bukittinggi/RSAM Padang), baitu juo jo Arif Budiman (pengamat > politik/lawan kareh Suharto) urang awak pulo binino. > > Nan sangaik bakasan bana wakatu pai barirayo ka kalompok urang Sulik Aia > (SAS). Salain ka makanan nan di sadiokan, iyo tajejeh-jejeh aia liua > mancaliak kakompakan rang SAS dun. Pado umumno urang-urang dun alah > manjadi panduduak tataok (PR) Melbourne. Saking taorganisirnyo, di dalam > kalompok du bahkan ado bahagian nan maurus urang-urang kampuangno nan > ka-masuak ka Australi. Baitu juo jo masalah pengelolaan 'dana > masyarakat' nan terkoordinir dengan baik. Salamoko ambo baru mandanga > sen baru tantang SAS ko. Sasudah mancaliak langsuang....iyo sabana kerek > wak dibuekno... > > Nan talinteh dalam hati, mudah-mudahan suatu saat nanti masyarakaik awak > banuampu, kok indak kalabiah pun dari SAS podo sen dulu jadih juolah, > Amin. > > Ambo raso metoda sarupo Dana Abadi Rantaunet merupakan salah satu > mekanisme nan sangaik rancak untuak ditumbuh-kembangkan dalam lingkungan > masyarakaik awak tamasuak di banuanet ko guno menghimpun potensi-potensi > dari, oleh dan untuak masyarakat. Sasuai jo pandapek da Deddy, > barangkali bisa dimulai dulu dari nan sagetek, mudah-mudahan sasuai jo > pajalanan wakatu Insya Allah sagetek-demi-sagetek lamo-lamo akan > barami-rami jadinyo. Pado gilirannyo nanti, Insya Allah metoda ko akan > menuju pada tahap 'memobilisasi zakat, infak, dan sadakah untuak > kepentingan dan tujuan nan basipaik produktif sasuai nan digagas Uda Aam > beberapo waktu lalu, misalno melalui penumbuh-kembangan aktifitas > Koperasi sarupo nan pernah digagas Uda Fahmi. > > Barangkali nan alun nampak kajalehanno 'baa caro karajo atau mekanisme > metoda ko'. Samo-samo dikatahui, masiang-masiang awak-awak nan mambaco > email ko adolah individu-individu yang hanyo menjadi taikek dek karano > awak mandaftar manjadi anggota mailing list banuanet. Sacaro organisasi, > masiang-masiang awak bukanlah bahagian atau anggota dari organisasi nan > relatif labiah resmi. Selain menjadi anggota ML Banuanet, alangkah > idealno kalau ado pulo kito mampunyai suatu organisasi nan labiah resmi. > Atau menjadi bahagian di organisasi Banuhampu nan alah ado. (Kabatulan > sampai kiniko, ambo indak baitu tau bana ladoh a-sen organisasi nan alah > ado kiniko. Nan alah pernah tadanga 'YPB', tapi persino diambo indak lo > jaleh doh. Kok ado Uda2/Uni2/dunsanak nan mangatahui untuak mangabakan, > tarimokasih talabiah daulu. Mudah-mudahan akan informasi tu akan > bamunfaaik untuak nan basamo). Dengan adonyo organisasi nan labiah > resmi, pengkoordinasian mungkin akan labiah terarah dan efektif. > > Sabanano, gagasan-gagasan nan ditujukan untuak maikek dan maningkekkan > kebersamaan dan memanfaatkan potensi-potensi dari, oleh dan untuk suatu > kelompok bukanlah suatu hal yang baru. Namun nan mungkin menjadi suatu > pertanyaan adalah WHY and What for? > > Jawaban untuak pertanyaan ko tantu sangaik beragam tergantung sia nan > ditanyo dan sia nan amuah manjawek. Kok diambo jawabanno sederhana sajo > (dan mungkin indak masuak aka), untuak kasus banuhampu, yaitu UNTUAK > MAANTISIPASI JAN SAMPAI URANG AWAK SANASIB PULO JO ( ...... dikuduang .......) > > Kaba-kabano kiniko alah sangaik banyak bangunan pertokoan disapanjang > jalan ka pasa, mudah-mudahan nan punyo/pengusahano masih urang banuhampu > juo. Kok indak, apolai kalau lah alibaba lo nan punyo, bararti lah mulai > tirih biduak du. > > So, what? Berarti lah tibo masono memberdayakan dan meningkatkan peran > sumber daya atau potensi-potensi daerah dengan berbagai cara. Salah > satunyo barangkali dari dan melalui ML awal ko. Namun baitu, kuncino > cuman ciek, 'kainginan', sahinggo tapulang ka masiang-masiang jo ka nan > basamo. > > He-eh alah panjang mek carito ko mah....talabiah jo takurang mohon maaf, > Insya Allah lain hari disambuang baliak. > > Wassalam, > Abduh > ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
