Re: [RantauNet.Com] Tambahan Pantun Hari Ini + kaidah

Wed, 10 Dec 2003 21:37:57 -0800

Wa'alaikum salam wr.wb.,
 
Ado satujuno ambo jo angku St. Bandaro Labiah. Memang iyo pantun urang Minang itu biasono baarati baiak sampiran maupun isino. Disinan latak 'kaistimewaan'no.
 
Di sabuah tampek makan di Maninjau (lupo ambo namo lapau tu)  ado pantun buatan pak Sukarno (presiden nan partamu) di sangkuik-an urang lapau di dindiang, nan babunyi;
 
Kalau anda memakan pinang
Makanlah dengan sirih nan hijau
Kalau anda ke ranah Minang
Jangan lupa ke Maninjau.
 
Kawan ambo nan agak kritis tasengeang mambaco pantun tu. Iko pantun urang Jawa baraja bapantun mah, kecek no. Pabilo pulo urang makan pinang. Tapi dek nan bapantun pak Karno, jadi 'santiang' juo pantun tu.
 
Pantun nan di bawah tu rasono, iyo
 
Maninjau padilah lah masak
 
Sabab di Maninjau iyo ado batang kapeh batimbo jalan
 
Kalau di Payokumbuah indak ado batang kapeh batimbo jalan doh, adono di jalan ka Payokumbuah
 
Wassalamu'alaikum wr.wb.,
 
Lembang Alam

hendrif hendrif <[EMAIL PROTECTED]> wrote:
Assalamu'alaikum w.w.
 
Sidang RN nan ambo muliakan
 
satantangan patatah- patitih atau pantun, paralu kito paratikan kaidah-kaidah nan biaso dipakai den Niniak Mamak, Urang Tuo kito saisuak.
 
adopun kaidah nan dipakai, adolah "alam takambang jadikan guru", mukasuikno adolah, dalam mambuek pantun, "sampiran" nan ado didalam pantun tu sarancakno sasuai jo nan ado dalam alam (ranah Minangkabau)
 
Umpamono :
 
Nan Kuriak Gundi (Kundi)
Nan Merah Sago
 
baa dek baitu ?
 
banyak nan kuriak, tapi indak sarupo kuriak Gundi karano kuriakno gundi iyo sajak dari putiak sampai gadang, baitu pulo Merah (sirah), tomaik iyo merah pulo kalau lah gak gadang, sabalunno iyo ijau, tapi Sago iyo merah sajak dari samulo.
Baitu pulo papatah : "Bulek aia dek pambuluah" , karano lubang pabuluah lai bulek, mangko Baliau Urang Tuo kito sasuak maambiak parumpamoan jo Pambuluah.
 
contoh nan lain
 
Rami balaino Padang Panjang
Rami dek anak Bangkahulu
..........
.......
 
disiko tampak "sampiranno" indak sasuai jo Munkin & Patuk, karano baa janno "anak Bangkahulu" kamangajakan babalanjo jo manggaleh di Padang Panjang, sadangkan Bangkahulu sajo (cukuk) jauah dari Padang Panjang
 
kalau iyo juo nak kamancari akhia kalimaik nan kasamo, bisa diganti jo nan rasono lai sasuai.
 
kacontohno
 
Rami balaino Padang Panjang
Rami nan sadang pukua satu
....
.......
 
Limbak nan dari pado itu
 
adopulo nan takana dihati ta kilan dimato, indak doh lai Pantun Mak Zul Amri, nan babunyi :
 
Payokumbuah padilah masak
Batang kapeh batimba jalan
 
disiko ambo batanyo (sabana - bana batanyo), nama nan tapek, apokoh Payokumuah atau Maninjau supayo nak sairiang jo Batang Kapeh nan ado di dakek Maninjau ?
 
jadi bisa pulo manjadi  

Maninjau padilah masak
Batang kapeh batimba jalan
Hati risau di baok galak
Nan bak paneh manganduang ujan 

Sakitu dari ambo, ka calak ganti asah.

Wassalamu'alaikum w.w.

 

Sutan Bandaro Labiah

NB : Untuak Mak Zul Amri, tolong and Yusril manamui Ibu Ingga B nan kini sadang di Patra Bali, karano nan kapatang tu lai dibaokno, sabantako ambo cubo manalipon and Yusril, tapi indak bisa karano sadang rapek

zul amri <[EMAIL PROTECTED]> wrote:
Bundo Yth :
 
Sesuai jo permintaan Bundo , tantang pantun nan manganduang "Payokumbuah", iko nanda agiah duo  dulu , mumpung masih ingek , bisuak kalau takana nan  lain nanda posting lagi :
 
Payokumbuah padilah masak
Batang kapeh batimba jalan
Hati rusuah di baok galak
Nan bak paneh manganduang ujan 
 
 
 

Do you Yahoo!?
New Yahoo! Photos - easier uploading and sharing

BT Yahoo! Broadband - Save £80 when you order online today. Hurry! Offer ends 21st December 2003. The way the internet was meant to be.


St. Lembang Alam

Do you Yahoo!?
New Yahoo! Photos - easier uploading and sharing

Kirim email ke