[R@ntau-Net] Re: Sikola Tinggi (Dosen Indonesia di Malaysia)

[Razi, Muhammad]

Assalaamu'alaikum warahmatullaahi wabarakaatuh,

 

Mamanda Asrul Agin.. iko langkok no:

Jambu Aie no di Tanjuang Alam, Suku Salayan... Cucu dari H. Dalimi...

anak dari Ibunda Hj. Yusra Dalimi, kakak dari Tante Asra Dalimi (Depok).

Bako ambo di Batusangka, baliau aktif pulo di lapau ko... H. Zulharbi S St. Mangkuto.

 

Mandanga namo Mamanda lai acok pulo. Mungkin pernah batamu sasakali, tapi indak 'ngeh' mungkin.

He.. he..

Batambah pulo urang awak di Malaysia... intinyo urang awak juo nan 'mambangun' ransanaknyo di Malaysia.

he..he..he..

 

M Razi

Duri - Riau

 

---

From: RantauNet@googlegroups.com [mailto:[EMAIL PROTECTED] On Behalf Of Asrul Agin Sutan Batuah
Sent: Thursday, July 27, 2006 2:39 PM
To: RantauNet@googlegroups.com
Subject: [EMAIL PROTECTED] Re: Sikola Tinggi (Dosen Indonesia di Malaysia)

Ass. Wr. Wb. Kamanakan,

Oo... yayai, urang Jambu Aia (Banuhampu) juo komah kamanakan rupono, samo jo mamak, mamak di Jambu Aia tapek no di Batutaba, jalan ka tanah lapang Kayu Gadih.

 

Tantang Dosen Indonesia nan banyak di Malaysia ko, ado pangalaman urang Jambu Aia nan tapaso maaja di Malaysia.

Tahun 1993 kamanakan mamak ko tamaik sikola SMA di Jakarta dapek beasiswa dari BPPT untuak kuliah di Kyushu University di Fukuoka.  Salasai S1 (BSc) ano disuruah pulang untuk magang di Krakatau Steel.  Tapi karano nilai no lai rancak diusulkan dek pembimbing no untuak ikut test manaruhkan Master dengan beasiswa (tanpa ikatan) dari Mombusho, karano lai luluh ikut test tu, mako diijinkan dek BPPT maambiak beasiswa tu.

Salasai S2, disarankan pulo dek pembimbing no malanjukkan ka program S3.  Salasai program Ph.D tu ano mancari pangalaman sebagai Peneliti di Kyushu University dan di beberapa perusahaan di Fukuoka salamo babarapo tahun.

 

Sajak maambiak program Master tu indak ado lai monitoring dari BPPT.

 

Tahun 2004 ano pulang balibur dan ingin maaja di Indonesia, sambia manunggu panggilan, ano baliak ka Fukuoka, lah satahun indak ado kaba barito dari Indonesia (ITB?).  

 

Bulan Mei 2005 ano berkenalan jo dosen UKM (Kualalumpur) nan sadang maambiak Master di Kyushu.  Dicaritokan nolah tantang keinginan dan pangalaman no mancari karajo di  Indonesia.  Dek dosen UKM tu ditawarkan untuak maaja di UKM, dan bisuak no si dosen tu ba email ria jo dekan no di KL, dan saminggu sasudah tu ano lansuang di panggia ka KL.

 

Sahabih kontrak jo Kyushu University bulan Oktober 2005, mako sajak 1 Desember 2005 ano lah jadi dosen di UKM (Malaysia).  Duo bulan nan lapeh ano jo Dekan no lai datang ka Jakarta dalam rangka kerjasama antaro UKM jo UI. 

 

  aa... lah jadi urang nan diparetongkan pulo no kini disinan.  Umua no baru 31 tahun.

 

--~--~---------~--~----~------------~-------~--~----~
*** Palanta RantauNet *** (cadangan)

Berhenti (unsubscribe), kirim email: [EMAIL PROTECTED]

Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---