Walaikumsalam Bapak
Ndeh tasirok darah wak Pak..jan mamanggia Apak ko awak lei..wak baru 26 tahun
liwaik soketek..mungkin dek kito olun kenalan lai yiah..awak urang sungai
rimbang kec. Suliki Pak..kab. 50 Kota atau luhak nan bungsu..baru bakaluarga
dan alhamdulillah urang rumah sadiang baisi 5 bulan..mudah2an nantik layia
kalau padusi diagiah namo Puti.......kalau laki kali ado rencana moagiah namo
Evo Sumbara..artinya perubahan Sumatra barat baa gak ati Pak ? lai MInang tuh ?
hahaha
MOhon doanyo Pak
wassalam
Ben
Darius_N <[EMAIL PROTECTED]> wrote: DIV { MARGIN: 0px } Assalamualikum
WW.Pak Ben.
Mandanga ciloteh pak Ben ko ambo takana jo Almarhum Mintuo ambo (Yulius Dt.
Mandaro Panjang) Urang barulak. ambo acok kasitu. Rumah baliau dimungko Pasa
barulak. ambo kiro logatnyo indah jawuah bana dari. barulak. dimaa kiro2 pak
Ben
Wassalmualaikum WW.
----- Original Message -----
From: chaidir latief
To: RantauNet@googlegroups.com
Sent: Friday, March 23, 2007 12:00 PM
Subject: [EMAIL PROTECTED] Re: Ada apa dengan DAMI ??? Refleksi dari
KondisiKeminangan kita?
Dunsanak Ben yang baik dan para dunsanak generasinya Benni
Sebagai urang tuo kok manuruik ambo kito MANIRU sajolah Maniru kan labih
gampang
Kok urang bisa maubah kabiasaan awak Di makanan misanyo, di bapakaian di
seni budaya Bahkan di TV kito liek kebiasaan binatang bisa dirobah urang
Baa kok diawak indak bisa marobah DIRI SENDIRI
Kembali ke adat budaya Itu kan CIRI dan JATI DIRI dari suatu ETNIS Kito
adalah negara yang MULTI ETNIS domana etnis Minangkabau masuak didalamnyo
Jadi iko masalah generasinya Benni ke depan Kalau generasi kalian masih
badebat juo dulu dan indak ado yang DIRUBAH maka perubahan itu TIDAK AKAN
TERJADI Urang makin maju juo Awak habis waktu dibadebat
Chaidir N Latief
----- Original Message ----
From: benni inayatullah <[EMAIL PROTECTED]>
To: RantauNet@googlegroups.com
Sent: Friday, March 23, 2007 9:58:13 AM
Subject: [EMAIL PROTECTED] Re: Ada apa dengan DAMI ??? Refleksi dari Kondisi
Keminangan kita?
Bapak Saaf non bosa botuah..
Masalah monyatukan urang awak iko memang susah. Tarutamo monyatukan
pemikiran. Ontah apo sobobnyeh sojak dulu urang awak lah tobiaso babeda
pondapek. Buktinyo kotiko jaman pergerakan dulu ranah minang olah monjadi
somacam laboratorium ideologi. Ado nan demokratis, ado nan sosialis, ado nan
liberalis dan ado nan sosial demokratis. Apokah iko adolah kelemahan atau
apokah iko bisa kito jadikan kolobiahan.
Masalah iko juo mainggok i desentralisasi kewenangan pemerintah pusat ke
daerah daerah. Bahkan gubernur kito molontarkan wacana untuak moapuih
pemerintahan propinsi. Dan itu artinyo monyorahkan kewenangan botua botua ko
identitas paliang ketek pemerintahan non diatur undang undang. Iko memang
agak kontradiktif jo ide Bapak non torogak mombuek tatanan bosamo ditingkek
Minangkabau. Apo indak mocom itu lo kojadiannyo nantik ?
Ide untuak monyatukan urang rantau tolobiah dulu ancak bona tih pak. Dan
iko lah kito mulai jo mombontuak MPKAS jo MAPPAS nantinyo. Karano untuak
masuak ka urusan pemerintahan kito ndak bisa kueik socaro individu dan
paliang efektif memang dalam bontuak orgnaisasi masyarakaik mode itu. Baiak
sobagai kumpulan ponokan ataupun somacam konsultan.
Awak yakin ide ide Bapak itu nantik bisa kito terapkan tapi sarupo awak
kecekan sobolumnyo baraso rekonstruksi adat jo budaya nan Bapak tawarkan
sacaro fundamental tolobiah dulu harus molalui apo nan dinamokan
dekonstruksi. Dekonstruksi adat jo budaya Minang nan tampaknyo kini olun
sampai kosinan. Awak yakin dekonstruksi ko pasti akan tojadi kotiko
masyarakaik kito baliak monerapkan pola lamo baliak ko nogori dan akhianyo
akan morasokan baraso pola lamo itu indak bisa monjawab probelamatika
kehidupan masyarakaik terkini, sohinggo masyarakaik akan molakukan surang
deknstruksi taradok adat dan budaya tun. Katiko itulah nantinyo bisa dimulai
rekonstruksi sarupo nan bapak mungkasuik..
Mungkin itu dulu Pak
Salam
Ben
Saafroedin BAHAR <[EMAIL PROTECTED]> wrote:
Waalaikumsalam Ananda Benni,
Itu suatu caro nan paralu kito patimbangkan, yaitu
mendesentralisasikannyo. Pangalaman memang
manunjuakkan bahaso kito tabiaso dalam
kalompok-kalompok ketek saroman kaum,suku,jo nagari,
dan alun tabiaso dalam kalompok gadang tingkek
Minangkabau.
Caro mandesentralisasikan itu alah dirintis dek Gebu
Minang dalam mandirikan BPR, nan kini alah bajumlah 40
buah, yaitu tiok BPR didirikan dek masing-masing
kanagarian atau kecamatan. Gebu Minang hanyo
mamfasilitasi sajo.
Namun mungkin justru di situ juo latak masalah kito.
Susah bana untuk manggarakkan kito urang Minang
sabagai suatu kasatuan, untuak mangarajokan karajo
gadang, karano urang awak tabiaso dalam kalompoknyo
surang-surang [ mungkin disaratoi jo parasaan agak
curiga satu samo lain ?] Baitulah, jumlah BPR Gebu
Minang tu indak batambah banyak, tatap sajo 40 ka 40,
dari target 100, ciek tiok kacamatan . Nampaknyo alah
abih angok untuak mangambangkannyo labiah lanjuik.
Mau tak mau ambo tapaso mambandiangkan kondisi urang
awak ko jo kondisi urang Aceh, Batak, atau Papua, nan
banyak saketeknyo cukup solid pado tingkek suku bangso
mereka, sahinggo mampu mangarajokan karajo-karajo
gadang. Urang Aceh jo Papua bahkan mampu mendesakkan
format otonomi khusus untuak daerahnyo
masiang-masiang. Gubernur jo Wakia Gubernur Aceh ini
bahkan urang GAM !
Manyimpuakan saluruh wacana manganai Minangkabau nan
kito adokan dalam bulan-bulan balakangan ko, antaro
lain tantang ABS`SBK, tantang sistem kekerabatan,
tantang ranji/silsilah, lamo kalamoan timbua
partanyaan dalam hati ambo: mungkin atau indak
mungkinkah kito adokan tatanan basamo pado tingkek
Minangkabau sacaro manyaluruah sahinggo kito bisa
marupakan satu kesatuan masyarakat nan andal
['sadanciang bak basi, saciok bak ayam'] maadoki
tantangan maso kini dan peluang maso datang, atau kito
cukuik malapehkan untuang surang-surang sajo ?
Baiaknyo,kito urang Rantau -- nan iduik dalam konteks
sosial budaya Rantau nan agak babeda dari Ranah --
tanyato mulai mampu mambangun dan mandayagunokan raso
kabasamoan iko. Didukuang dek nan mudo-mudo kini alah
bagarak MPKAS, dan sabanta lain MAPPAS. Alhamdulillah.
Kalau memang alun mungkin untuk mampasatukan
Minangkabau sacaro manyaluruah, nan maliputi Ranah jo
Rantau, kito mulailah jo mampasatukan urang Rantau
talabiah dahulu, sacaro didesentralisasikan.
Tantangannyo adolah baa bantuak organisasi jo sistem
manajemennyo, sahinggo kudian indak bacarai barai dek
talongsong jauah bana pandesentralisasian tu.
Wassalam,
Saafroedin Bahar
Wassalam,
Saafroedin Bahar
---------------------------------
Food fight? Enjoy some healthy debate
in the Yahoo! Answers Food & Drink Q&A.
---------------------------------
Be a PS3 game guru.
Get your game face on with the latest PS3 news and previews at Yahoo!
Games.
---------------------------------
Finding fabulous fares is fun.
Let Yahoo! FareChase search your favorite travel sites to find flight and hotel
bargains.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
