Assalamualaikum w.w. Pak Chaidir jo pak Darul, Nampaknyo masalah nan paliang barek untuak disalasaikan dalam ABS SBK ko yo masalah sako jo pusako, nan takaik jo ajaran Islam tantang hukum kekerabatan jo hukum waris. Sacaro pribadi minat ambo adolah pado hukum kakarabatan karano iko manyangkuik jo soal nasab nan diajakan ugamo kito. Soal harato pusako ambo sarahkan sajo kapado para dunsanak kito nan lain, karano sacaro pribadi ambo indak maraso kakapantiangan bana doh.
Untuak manjawab masalah-masalah nan diajukan dek pak Chaidir jo pak Darul, salamo ko ambo sarankan kito rumuskan sacaro janiah baa bana hubuangan antaro norma adat Minangkabau jo ajaran ugamo Islam nan kito anuik. Supayo kito jo anak cucu kito indak basiarak kapanjangan, padohal sabana banyak masalah lain nan paralu kito tangani. Dalam pahamanan ambo, ajaran ugamo Islam -- nan kito picayoi baasa dari Allah swt -- tantu labiah tinggi, dalam arti kalau norma adat batantangan atau indak sasuai jo ajaran agamo, mako norma adat itu gugur atau batal sandirinyo. Tapi kan ado pulo pamahaman dunsanak kito nan lain, indak sarupo itu doh, yaitu antaro adat jo ugamo tu bajalan badampingan atau basisian, buliah samo-samo dianut, kalaupun misalnya indak cocok bana satu samo lain. Ambo khawatir jan-jan caro bapikia sarupo iko manyababkan kito sacaro indak sadar manjadikan Dt Parpatiah nan Sabatang dan Dt Katumanggungan -- duo tokoh legende pra Islam nan dipicayoi malatakkan dasar-dasar adat Minangkabau -- manjadi nabi-nabi atau rasul-rasul urang Minang, nan ajarannyo satingkek pulo jo ajaran Islam. Ambo yo indak ingin sato jo pamahaman sarupo itu. Ambo alah bausaho mancari jalan kalua -- tantu sapanjang nan dapek de ambo -- jo manawarkan apo nan disabuik dek buya Mas'oed Abidin sabagai 'sistem kekerabatan matrilineal plus' -- jo mangakui peranan bapak dalam keluarga, tapi ikopun nampaknyo ditulak, sahinggo mau indak mau ambo tapaso satuju jo saran dunsanak Z. Chaniago, yaitu paralu dicari 'cut off point'. Sabagai tindak lanjuiknyo, kito nan sabaun paralu mancari wakatu nan elok, untuak manuntaskan rumusan palaksanaan ABS SBK tu indak pakai minus-minusan, karano kito alah manarimo ABS SBK tu sabagai 'jati diri urang Minang'. Tantang para dunsanak kito nan bapaham bahaso adat jo ugamo bisa bajalan basisian, kito parsilakan pulo untuak maanuik paham beliau-baliau tu surang. Kalau kito indak mampu manyalasaikan masalah nan ampia baumua duo abad ko untuak saluruah Minangkabau, karano kareh bana resistensi sabagian dunsanak kito, kito salasaikan malah untuak sabagian kito 'nan sabaun' sajo. Baa bana saharusnyo duduak masalah iko ambo ingin manyarahkan kapado nan ahli karano ambo bukan ahli ahli adat dan juo bukan ahli ugamo. Kok ado ilimu ambo barang saketek , itu hanyo ilimu-ilimu sosial sajo. Tapi rasonyo ugamo Islam ado maagiah ruang nan cukuik laweh untuk masalah duniawi ko. Jadi masih ado paluang untuk mencari kompromi, antah bilo masonyo. Wassalam, Saafroedin Bahar --- chaidir latief <[EMAIL PROTECTED]> wrote: > pak Darul dan dusanak sapalanta > > Ambopun pernah mananyokan pada beberapa kiayau > pertanyaan nan samo tentang posisi harta bersama > Seperti halnyo milik kerajaan di Arab Saudi Selain > itu kan sesuatu konsep hidup yang ada dibelahan > dunia lainnya dari negri Arab tempat lahirnya agama > Islam. Masa Tuhan marah kalau ada suatu komonitas > punya harta bersama turun temurun yang merupakan ( > de joselin de jong menamakan sebagai social fund ) > Digunakan tidak betrtentangan dengan agama Islam > Chaidir N Latief > > > ----- Original Message ---- > From: Darul <[EMAIL PROTECTED]> > To: RantauNet@googlegroups.com > Sent: Sunday, March 25, 2007 7:31:17 PM > Subject: [EMAIL PROTECTED] 'Cut off point' dalam manyusun > "Visi Minangkabau 2020" > > > Assalamualaikum WW > > Pak Saaf dan sanak spalanta RN nan dianjuang tinggi. > > Ambo ingin batanyo saketek, mungkin iyo sangat > mendasar. Apokoh harto ulayat > itu indak ado dan indak dapek dimasuakan dalam hokum > Islam? Harto ulayat > nantun kan adolah harto kolektif, bisa dianalogikan > sebagai harta kerajaan, > harta Negara, walau aslino adolah harta suku di > Minangkabau. Nan harta > kolektifko kan iyo indak dimasuakan ka harta > keluarga bukan? Selain harta > suku, dikampuang juo ado harato nagari, nan barupo > asset nagari. Iko kan juo > indak dimasuakan ka harta keluarga kan. > > Sudah tu kaduo, apokoh dalam syariat ado pengakuan > atas harta kolektif? Baa > duduakno harta kolektif nan punyo aturan sandiri > dalam Islam? > > Harato suku kan punyo aturan sandiri, nan tatap > sebagai harta suku, buliah > dipakai dek katurunan nan padusi, dalam pengawasan > katurunan nan laki2 > (niniak mamak). Harto suku adolah harta untuak > malindungi kaum ibu, nan > punyo kelemahan dalam kehidupan, apo lai tajadi > perceraian. > > Cubo awak caliak perceraian artis akhirko. Sangat > sedih, siibu tidak boleh > menemui dan membelai anaknyo. Nan nyato2 adolah > hasil kandungannyo, 9 bulan > dibao kian kamaro jo penderitaan, sudahtu babarapo > bulan, bahkan sampai 2 > tahun disuse dengan cinta kasih. Eh diaktu mujua > indak dapek diraiah, malang > indak dapek ditulak, pacaraian nan tajadi. Sianak > diputuskan adalah milik si > bapak. Dan malah siibu sampai tidak boleh menemui > sianak. Adil kah ini. > Paling baikah matrilineal ini? Kadang melamun pkiran > nakal ku, disinilah > kelihatan kebaikan matrilineal. > > Balik ke laptop ........ eh salah. Di kampungku, > didaerah yang diperdebatkan > hukumnya saat ini, jikok mujua indak dapek diraiah, > malang indak dapek > ditulak, pacaraian nan tajadi, mako harato dan anak > disarahkan ka padusi, > dek meeka itu tidak mampu bahkan tidak boleh keluar > rumah, karena mereka > adalah makhluk lemah. Yang sibapak yang bujaa, > tangkas dan kuat, boleh pergi > mambawa pakaiannya saja. > > Tapi di rantauku, bila terjadi seperti itu, sedih, > seorang ibu diusir dengan > pakaian sapatagak saja dari rumah. Apa yang akan > terjadi? Antalah yuang. > Nama nan elokko? Jadi kalau dicaliak elokno, pasti > ado. Jadi baa jika kita > tagak ditangah? > > Salam > St.P > > -----Original Message----- > From: RantauNet@googlegroups.com > [mailto:[EMAIL PROTECTED] On > Behalf Of Saafroedin BAHAR > Sent: Sunday, March 25, 2007 6:36 PM > > > Waalaikumsalam w.w. Dunsanak Z. Chaniago, > > Sabananyo ambo alun sampai ka taraf mancari 'cut off > point' tu lai, karano ambo masih mancubo mancari > titiak tamu. Apolagi ado di antaro fungsionaris adat > nan juo ingin batua-batua malaksanakan ABS~SBK tu jo > caro manampekkan syarak sabagai hukum nan labiah > tinggi ['lex superiori' kato urang kampus]. > > > > > > > ____________________________________________________________________________________ > Don't get soaked. Take a quick peek at the forecast > with the Yahoo! Search weather shortcut. > http://tools.search.yahoo.com/shortcuts/#loc_weather > > > ____________________________________________________________________________________ The fish are biting. Get more visitors on your site using Yahoo! Search Marketing. http://searchmarketing.yahoo.com/arp/sponsoredsearch_v2.php --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---