Assalamu alaikum w w.
Rang lapau kasadonyo,
Kalau ambo mancaliak namo rang Minang ko sangaik dinamis, dan ado asal
usulnyo biasonyo, misalnyo kalau ayahnyo Kasni mako anak padusinyo bisa
Kasnidar, ado pulo nan maikuik sajarah, misalnyo, anak-anak nan laie
antaro taun 59 - 60 banyak nan punyo namo dari turunan PRRI, sarupo ambo
misalnyo diagiah namo "perry" dan samaso sikola smp di ndonguang sakalas
kami batgo pakai namo tu, ado jon perri, ado pulo perienda. Dan
akhie-akhie ko malah samakin dinamis. Di kampuang ambo di mudiek ten, ado
nan lah banamo Dicky Suprapto dan Endang gai.
Jadi awak sabananyo di minangko maagiah namo yo ndak khas doh,
kalamahannyo sulik manokok ("menebak") asal kampuangnyo, balain jo
dunsanak awak dari jawa.
Yu itulah kakayaan kampaung awak .
wasalam
perry imam sati
(48 th labiah stek)
> Waalaikumsalam w.w. Dunsanak Darius N,
>
> Kalau maambiak dari namo-namo islami, itu kan namo Minang juo. Jadi kito
> indak babeda pandapek doh tumah. Kan indak mesti namo Minang itu
> saparati Puti Linduang Bulan, Sabai nan Aluih, atau si Mangkutak sajo.
> Banyak pilihan.
>
> Cuma mau indak mau ambo mambandiangkan namo-namo urang awak, jo namo
> dunsanak-dunsaak kito urang Indonesia lain, nan agak mudah kito manakok
> daerah asa urang nan basangkutan. Tipak di kito yo paralu ditanyo dulu.
>
> Wassalam,
> Saafroedin Bahar.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
