Assalamualaikum w.w. Angku Azmi Dt Bagindo sarato para dunsanak sapalanta,
Bisa difahami bahaso sabagai pamangku adat Angku Azmi Dt Bagindo risau bana jo rangkaian kritik ambo taradok adat Minangkabau, sahinggo sacaro 'tembak langsuang' baliau manyampaikan partanyaan di bawah iko. Ambo cubo manjawab baa duduaknya parakaro sabagai barikuik. 4. Apo angku berkeinginan agar Adat Minangkabau itu bubar atau hilang dari permukaan ? JAWAB: PARATAMO AMBO MANCUBO MANJAWAB PARATANYOAN ANGKU SACARO LURUIH-LURUIH SAJO. TANTU SAJO AMBO INDAK INGIN ADAT MINANGKABAU ITU BUBAR ATAU HILANG DARI PERMUKAAN, KARANO DARAH NAN MANGALIR DALAM BADAN AMBO ADOLAH DARAH MINANGKABAU SARATUIH PERSEN. INDAK BACAMPUA SAKETEK JUO. KOK BATANYO URANG KABAKEH AMBO SIA AMBO TANTU PARATAMO AMBO AKAN MANGATOKAN AMBO URANG MINANG. DAN AMBO ALAH SATO BAMINANG-MINANG [IKO ISTILAH PAK DR FASLI JALAL] KO SAJAK TAHUN 1966, AMPEK PULUAH SATU TAHUN NAN LALU. TANTU SAJO AMBO HARUS BASIKAP KRITIS TARADOK ADAT MINANGKABAU KO, KARANO MEMANG BANYAK NAN PARALU DIKRITISI. TANYATO AMBO BUKAN URANG NAN PARATAMO MANGARITIK ADAT MINANGKABAU KO. SABALUN AMBO BANYAK URANG GADANG MINANG NAN MANGARITIK, LABIAH KAREH PULO LAI. KRITIK AMBO TATUJU KAPADO SATU HAL SAJO, YAITU TANTANG HUBUNGAN DARAH NAN AMBO RASO SABANA GANJIA, KARANO ADAT MINANG MAMBUANG URANG NAN BATALI DARAH MANURUIK ISLAM, HANYO DEMI HARATO PUSAKO. KOK ITU YO PAIK BANA UNTUK AMBO LULUA. JADI KRITIK AMBO TABATEH PADA HAL-HAL TARTANTU SAJO, BUKAN KAPADO ADAT MINANGKABAU SACARO MANYALURUH. MUKASUIKNYO SASUAI JO PAPATAH ADAT JUO, UNTUAK MANGAJANGI NAN LAPUAK DAN MAMPABARUI NAN USANG. NAMUN ADO CATATAN KETEK AMBO TARADOK APO NAN BISA MANYABABKAN ADAT ATAU BUDAYA SUATU SUKU BANGSO TAMASUAK SUKU BANGSO MINANGKABAU -- HILANG DARI PERMUKAAN, SAPARATI BARIKUIK. ADAT MINANGKABAU TU AKAN BUBAR ATAU HILANG DARI PERMUKAAN DENGAN SANDIRINYO -- ATAU AKAN SUSUIK PANGARUAHNYO PELAHAN-LAHAN -- KALAU KAIDAH-KAIDAH ADAT DAN KALAU PARA PEMANGKU ADAT ITU INDAK MAMPU MAAGIAHKAN MANFAAT BAGI PARA ANAK KAMANAKAN DALAM MANJAWAB TANTANGAN ZAMAN KINI. UNTUAK MANGATAHUI ADO INDAKNYO MANFAAT TU IZINKAN AMBO MANYARANKAN AGAR DIADOKAN BANA PANALITIAN SACARO LANGKOK DAN DITANYOKAN KAPADO ANAK KAMANAKAN APO ADAT DAN PEMANGKU ADAT MASIH ADO MANFAAT DALAM KAHIDUPAN MEREKA. TANDO-TANDO ALAH BANYAK, ANGKU AZMI DT BAGINDO, BAHASO NAN MUDO-MUDO INDAK TATARIK BANA KA ADAT MINANGKABAU SAPARATI NAN MEREKA CALIAK, KARANO SAKETEK BANA PERANAN ADAT MINANGKABAU MASO KINI DALAM MAMBAKALI MEREKA UNTUAK MANGHADOKI TANTANGAN IDUIK MASO KINI. JADI ILANG ATAU IN DAK ILANGNYO ADAT MINANGKABAU TU INDAK TAGANTUANG KAPADO APO AMBO MANGARITIK ATAU INDAK MANGARITIK, TAPI KAPADO PARA PAMANGKU ADAT SANDIRI TANTU TAMASUAK KAPADO ANGKU AZMI DT BAGINDO, NAN SALAI N MANJADI PENGHULU DALAM PASUKUAN ANGKU JUO MANJADI SALAH SURANG PENGURUIH PEKUMPULAN PEMANGKU ADAT DI DKI UNTUK MANJAGO DAN MAMALIHARO AGAR SUPAYO ADAT MINANGKABAU TU MAMPU MANJAWAB KABUTUHAN DAN TANTANGAN ZAMAN. APO NAN MARUPOKAN KABUTUHAN DAN TANTANGAN ZAMAN KO TANTU BISA KITA BAHAS SACARO KHUHUS DALAM KASAMPATAN LAIN. 5. Apokok ado hubungannyo dengan kekalahan Ayahda angku baparakaro jo adiaknyo di padang panjang ?.Sahinggo menjadi sesuatu nan indak biso Angku lupokan, bak duri dalam daging bak tulang dalam rangkungan, lah batahun takana juo. Sehinggo akirnyo, sarang manciktu bana nan ingin di baka. JAWAB: SAPARATI ALAH BAULANG KALI AMBO SAMPAIKAN, AMBO JO DUNSANAK-DUNSANAK AMBO SAMO SAKALI INDAK ADO PARATIAN JO SANGKETO HARATO PUSAKO ALMARHUM AYAH AMBO JO ADIAK DAN KAMANAKAN BALIAU TU. KAMI BISA MANCARI HARATO SANDIRI WALAU SERBA SAKETEK. JADI INTI MASALAHNYO BUKAN SOAL KAKALAHAN AYAH AMBO BAPAKARO DI PANGADILAN NEGERI PADANG PANJANG, KARANO ITU KAN SANGKETO URANG SASUKU, AMBO BADUNSANAK KAN URANG LUA. NAN JADI MASALAH DASARNYO ADOLAH INDAK SASUAINYO AJARAN ADAT MINANGKABAU TANTANG PUNAH, JO AJARAN ISLAM TANTANG NASAB . ADO CIEK LAI, BAA MANGKO SUSAH BANA ANGKU DATUAK MANARIMO PANJALASAN AMBO TANTANG NASAB KO, SAHINGGO MASALAH SANGKETO HARATO PUSAKO KO JUO NAN NAMPAK DEK ANGKU DATUAK, DAN BUKAN TANTANG INDAK SASUAINYO AJARAN ADAT JO UGAMO ISLAM ? KAN IYO JUO KASIMPULAN AMBO BAHASO DALAM ADAT MINANG KITO LABIAH PENTING HARATO DARIPADO URANG ? Wassalam, Saafroedin Bahar ____________________________________________________________________________________ Don't get soaked. Take a quick peek at the forecast with the Yahoo! Search weather shortcut. http://tools.search.yahoo.com/shortcuts/#loc_weather --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
