Assalamualaikum w.w. Angku Azmi Dt Bagindo jo para dunsanak sapalanta, Sapanjang manganai diri ambo, bagian iko adolah bagian panutuik dari jawab ambo taradok rangkaian partanyoan sabalun iko dari Angku Azmi Dt Bagindo. Salain mamuek kato-kato panutuik -- tamasuak saliang minta maaf kok ado kato nan indak pado tampeknyo -- ambo juo manyampaikan harapan untuak salasainyo masalah ABS SBK ko sacaro mandasar, jo mambuek 'Kompilasi Hukum ABS SBK' nan alah paranah juo kito kunyah-kunyah dalam RN ko, tapi kudian tagaiang-gaiang sajo.
Jawaban dan harapan ambo saparati nan tasabuik di bawah ko, dimuloi saparati biaso jo pertanyaan Angku Azmi Dt Bagindo. "Rasonyo masih banyak lai pertanyaan ambo nan ingin ambo sampaikan kapado angku apolai tentang buku angku (MAH) mudah2an angku masih bersedia manjawabnyo. " JAWAB: JO SANANG HATI ANGKU DATUAK. AMBO BATARIMO KASIH ANGKU DATUAK ALAH AMUAH TURUN GUNUANG SAHINGGO KITO BISA BATUKA PAKIRAN SACARO TABUKAK DAN TARUIH TARANG TANTANG MACAM-MACAM MASALAH NAN TIMBUA DALAM HUBUNGAN ANTARO ADAT MINANGKABAU JO AJARAN UGAMO KITO ISLAM. HANYO CIEK PARMINTAAN AMBO, TOLONG BANALAH ANGKU DATUAK HINDARI ADONYO KESAN SUUDZON, KARANO RASONYO CARO SAPARATI TU BUKAN CARO SEHAT DALAM BATUKA PIKIRAN DALAM MASO KINI. BABEDA PANDAPEK, BAHKAN BATANTANGAN PANDAPEK, KAN BULIAH SAJO, ANGKU DATUAK ? WALAUPUN SACARO LAHIRIAH TAMPEK TAGAK KITO MASIANG-MASIANG BALAINAN KARANO AMBO PENELITI ILMU-ILMU SOSIAL, ANGKU DATUAK PAMANGKU ADAT DALAM SUKU ANGKU DATUAK -- NAMUN TUJUAN KITO KAN SABANANYA SAMO, YAITU BAA CARONYO MANJADIKAN MINANGKABAU KO BISA MAMANFAATKAN PELUANG NAN TABUKA DEK ZAMAN KINI, JAN SAAKAN-AKAN BAMIMPI TARUIH MANARUIH TANTANG KEGEMILANGAN MASO LAMPAU, NAN ANTAH ADO ANTAH INDAK PULO. TANTANG BUKU AMBO MASIH ADA HARAPAN PARALU AMBO KANAKAN BAHASO ADO SUBTITELNYO NAN BABUNYI: POSISI SEBUAH ETNIK MINORITAS DALAM KEHIDUPAN BERBANGSA DAN BERNEGARA IKO NAN ALUN BANYAK DITANGGAPI DEK PARA DUNSANAK KITO, TAMASUAK DEK ANGKU DATUAK. PARATIAN KITO SALAMO KO TALALU TAKABEK DEK SOAL SAKO DAN PUSAKO DI TINGKEK BUAH PARUIK, KAUM, JO SUKU SAJO, LUPO BAHASO MINANGKABAU TU ADOLAH BAGIAN DARI BANGSO DAN NEGARA KESATUAN REPUBLIK INDONESIA NAN LABIAH GADANG. BAA JUO KAKURANGANNYO KINI, DALAM BANGSO DAN NEGARA KESATUAN REPUBLIK INDONESIA ITULAH TALATAK PALUANG DAN TANTANGAN BAGI KITO URANG MINANG UNTUAK MAJU. ADAT MINANG ALAH MEWARISKAN HARATO PUSAKO, SUKU, JO PARA PEMANGKU ADAT. UGAMO ISLAM ALAH MEWARISKAN RUKUN IMAN DAN RUKUN ISLAM SABAGAI PAGANGAN IDUIK KITO DUNIA AKHIRAT. BANGSO NAN NEGARA KESATUAN REPUBLIK INDONESIA ALAH MAGIAHKAN KA KITO KASAMPATAN BAUSAHO DAN KASAMPATAN UNTUAK MAJU DALAM IDUIK KO, KASAMPATAN UNTUK MANJADI PEDAGANG/PENGUSAHA, MANJADI SARJANA, MANJADI DOKTOR JO PROFESOR, PEGAWAI, POLISI, DAN TENTARA, BASAMO JO MAMBUEK JALAN, JEMBATAN, PELABUHAN KAPA TABANG, PASA, SIKOLA, ATAU RUMAH SAKIK UNTUAK KAPARALUAN KITO SADONYO, DAN JAN LUPO: MANJAMIN HAK ASASI MANUSIA, TAMASUAK HAK MASYARAKAT HUKUM ADAT NAN MANJADI BIDANG GARAPAN AMBO KINI DI KOMNAS HAM [SAMPAI BULAN AGUSTUS 2007 KO]. IKO BANA NAN ALUN MASUAK LAI DALAM WACANA ADAT MINANG SALAMO KO. KITO BAPUTA-PUTA DI MASALAH SAKO DAN PUSAKO SAJO, LUPO DI TANTANGAN DAN PALUANG NAN DIAGIAHKAN DEK BANGSO DAN NEGARA KESATUAN REPUBLIK INDONESIA, NAN IKUIK KITO BANGUN DAN KITO PERTAHANKAN [INGEK PERANAN SUMATERA BARAT DALAM PDRI NAN KINI ALAH DIAKUI PEMERINTAH SACARO RESMI]. ARATINYO, KALAU ADAT MINANGKABAU KITO INGINKAN TATAP IDUIK DAN DIDUKUANG DEK NAN MUDO-MUDO, PARALU BANA ADAT LAMO PUSAKO USANG TU DIKAJANGI DAN DIBARUI. TANTU NAN PALIANG TAPEK MENGAJANGI JO MAMBARUI ADAT TU ADOLAH PARA PEMANGKU ADAT SANDIRI. TANTANG BADAN DIRI AMBO, AMBO SABANA BASYUKUR KABAKEH ALLAH SWT KARANO ADONYO BANGSO INDONESIA JO NEGARA KASATUAN REPUBLIK INDONESIA, AMBO BISA MAUBAH NASIB DARI ANAK KETEK NAN TIOK PAGI MANJUNJUANG KATIDIANG BAISI GODOK, LAMANG BALUO, DAN ONDE-ONDE DARI RUMAH URANG GAEK AMBO DI PASA USANG PADANG PANJANG, KA LAPAU DATUAK TUMBIJO DI PASA BARU, KINI BISA MANJADI PANSIUNAN BRIGADIR JENDERAL TNI, PANSIUNAN ESELON 1 SEKRETARIAT NEGARA, DOKTOR DALAM ILMU SOSIAL, DOSEN PASCA SARJANA UGM, WIDYAISWARA LEMHANNAS, DAN KOMISIONER KOMNAS HAM [SABANTA LAI PANSIUN PULO]. KALAU LAI DIIZINKAN ALLAH SWT BULAN MUKO AMBO AKAN DUDUAK DALAM DEWAN PAKAR SEKRETARIAT NASIONAL PERLINDUNGAN HAK KONSTITUSIONAL MASYARAKAT HUKUM ADAT, NAN ALAH DIAKTANOTARISKAN DI PAKANBARU, RIAU, TANGGAL 31 JANUARI 2007 NAN LALU. KADANG-KADANG TAPIKIA DEK AMBO APO JADINYO AMBO KOK AMBO SATO PULO BASIRABUIK HARATO PUSAKO SUKU ANDUANG JO AMAK AMBO DI KAMPUANG DALAM, PARIAMAN; ATAU BASALINGKIK PULO DALAM SILANG SANGKETO SOAL HARATO PUSAKO AYAH AMBO NAN MANURUIK ADAT MINANG INDAK SAKETEK JUO MANJADI HAK AMBO BISA-BISA AMBO KINI ALAH JADI URANG TUO PIKUN NAN MAAKUAK-AKUAK DI SURAU JAMBATAN BASI, PASA USANG, PADANG PANJANG, ATAU BAGARINDIN MANJUA KACANG GORENG DI MUKO RUMAH URANG GAEK AMBO, NAN SABAGIAN ALAH RUNTUAH PULO DIOYAK GAMPO KAPATANG KO. MASYAALLAH. KAMBAIAKLAH. Sakitu sajolah dulu dari ambo mudah-mudaan ado manfaatnyo, dan mohon maaf bilo ado nan kurang pado tampeknyo, terimo kasih. Wasalam, Azmi Dt.Bagindo JAWAB; AMBO JUO MOHON MAAF KOK ADO KATO-KATO AMBO NAN KURANG PADO TAMPEKNYO KA BAKEH ANGKU AZMI DT BAGINDO. MUGO-MUGO WACANA KITO NAN TARUIH TARANG -- BUKAK KULIK TAMPAK ISI -- KO ADO MANFAATNYO BAGI MINANGKABAU NAN SAMO-SAMO KITO CINTOI. SABANA GADANG HARAPAN AMBO SACARO PRIBADI SUPAYO MASALAH-MASALAH MANDASAR ABS SBK NAN ALAH BAUMUA 170 TAHUN KO BISA KITO SALASAIKAN SACARO MANDASAR DAN JO LAPANG DADO, DAN INDAK DIPABIAKAN JADI BANGKALAI NAN KA DIPIKUA DEK KATURUNAN KITO DI MASO DATANG. KOK BULIAH AMBO TITIP PASAN SACARO PRIBADI, TOLONG BANA DISALASAIKAN SACARO MANDASAR SOAL PUNAH MAMUNAH NAN SABANA MANYAKIKKAN AYAH AMBO JO AMBO SALAMO KO, APOLAGI IKO TAKAIK JO AJARAN UGAMO ISLAM NAN KITO JUNJUANG TINGGI. UNTUAK MANINDAKLANJUTINYO IZINKAN AMBO MANGUSULKAN KAPADO KITO SADONYO -- TAUTAMO KAPADO PAK GUBERNUR GAMAWAN FAUZI NAN KITO JUNJUANG TINGGI DAN KITO AMBA GADANG -- UNTUAK MAMBANTUAK TIM PARUMUS NAN TADIRI DARI DOSEN-DOSEN SENIOR FH DAN FISIP UNAND, DOSEN UIN IMAM BONJOL PADANG, DOSEN UNIV MUHAMMAD YAMIN DI SOLOK, SARATO PARA TOKOH-TOKOH NAN BAPADULI UNTUK MANYALASAIKAN RUMUSAN NAN JANIAH DAN PADEK DARI ABS SBK KO SABAGAI JATI DIRI KITO URANG MINANG. FORMAT NAN AKAN DIHASILKAN TIM PARUMUS TU NANTI AMBO HAROKKAN BARUPO RUMUSAN PASAL-PASAL NAN TEGAS, ;PADEK, LUGAS, SARUPO 'KOMPILASI HUKUM ISLAM 1991'. KALAU KOMPILASI HUKUM ISLAM 1991 ITU KITO GUNOKAN SABAGAI TITIAK TULAK, RASONYO INDAK KASARIK BANA DOH MANYUSUN 'KOMPILASI HUKUM ABS SBK' KO. TINGGA MANAMBAH JO MANGURANGI, NAN BISA KITO RUNDIANGKAN BASAMO. ADOPUN PAPATAH JO PATITIH NAN RANCAK BUNYI DAN IRAMANYO, TAPI AGAK PANJANG DAN BABUNGO-BUNGO, KITO AMBIAK INTI SARINYO SAJO SAHINGGO DAPEK DILAKSANAKAN SACARO LANGSUANG INDAK ADO KARAGUAN LAI. BASAMOAN JO ITU TOLONG PARATIKAN BANA JAN ADO JUO RUMUSAN NAN INDAK NYAMBUANG SATU SAMO LAIN [ MUNGKIN IKO NAN DINAMOKOAN URANG INKONSISTEN, INKOHEREN, AMBIVALEN, DAN AMBIGU] AGIAHLAH WAKATU NAN CUKUIK KAPADO TIM PARUMUS TU, MISALNYO SATAHUN, JADI BULAN MEI TAHUN 2008 MUKO ALAH SALASAI DRAFT PARATAMO KOMPILASI HUKUM ABS SBK KO, DAN BISA KITO SOSIALISASIKAN DALAM SUATU RANGKAIAN UJI PUBLIK, BAIAK DI RANAH MAUPUN DI RANTAU. JAN SAMPAI RUMAH SUDAH TOKOK BABUNYI. SASUDAH JADI NANTI, 'KOMPILASI HUKUM ABS SBK' TU KITO AJAKAN SACARO TERATUR KA NAN MUDO-MUDO BAIAK DI RANAH MAUPUN DI RANTAU, SABAGAI MANUAL BAGI MEREKA DALAM BAJUANG MANGHADAPI TANTANGAN IDUIK, NAN NAMPAKNYO MASIH LUMAYAN BAREK KO. TANTU BALIAU-BALIAU NAN DUDUAK DI TIM PARUMUS PARALU DIAGIAH HONOR NAN CUKUIK, KALAU BISA NAN AGAK GADANG SAKETEK, KARANO JARIAH TANTU MANANTANG BULIAH. SUMBER DANA SARANCAKNO DARI APBD SUMBAR. INDAK KABANYAK BANA DOH. Wassalam, Saafroedin Bahar ____________________________________________________________________________________ No need to miss a message. Get email on-the-go with Yahoo! Mail for Mobile. Get started. http://mobile.yahoo.com/mail --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
