Tarimo kasih ateh ingatan Angku Datuak Marah Banso basaratu Datin (di Malaysia Isteri Datuk itu gelarannya Datin) sarato kasado Cahayo Mato nan rancak2tu, sayang sakali Cahayo Mato ambo nan Laki2 masih ketek lai. kalau indak .... ha.... baminantu minantuan kito, tapi apo buliah buek kok disiko ndak dapek kok dilain pulo! mungkin.. Sampai bilo Anak kitotu barado di Sintok? Koklah tamaeknyo nanti mungkin Angku Datuak ndak kamancogoklai ka Malaysia? Damam2 kaparehtu biaso sajo kanai, mungkin dek umua lah lanjuik juo,tiok sabantu takurere tapi Alhamdulillah lai indak manjalang Rumah Sakik doh. Biaso dikota banyak panyakik, nan paliang banyak nan indak bisa diubek dek dotor, panyakik saku lainlo ubeknyo,panyakik maleh iyo agak sarik ubeknyo tapi kok panyakik mato ampia sado urang kanai, pantang mancaliak nan bakilek saketek malotot mato, kadang2 lupo induak bareh disubalah lah mamaratikan pancaliak an awak akibaeknyo talingo kanai elo, indak Angku paratikan maso kito basobok dulu? dek itulah mangkonyo talingo ambo rimbiah sabalah, ambo lupolo msncaliak talingo Angku moga2 rimbiah saketek disubalah suok, aratinyo indaklah dielo Induak bareh.. dek Induak Bareh biasonyo bajalan disubalah kida... jadi? siapo pulo nan maelo?? rbab selah nan manyampaikan. Onde maohlah Nyiak... lah kamalo taperek cutitoko???... Kok diambo kiniko, mato indak dapek lia laidoh dek karano nak maapuih salemopun lah indak sampaek lai,tapaso mangakeh pagi patang. sia kadisalahkan? karajo awak nan mambuek... antah dek baniah nan rancak atau tanahnyo nan subur, tiok ditanam nyo tumbuah juo.. Kok kini lah taraso garik nak mananam... sayangnyo hati nak mananam juo, indak namuah awak mananam, bumi bakandak juo.. onde mak..oi.. sansai dagang dirantau Mak. Doa2kan sajolah Mak koklai tanaman nan sadang tumbuahtu lai mambari buah nan labek Amiin. Tatompang Salam ambo ka Ibuk Datin sarato kasado pambaco, istimewa ateh ingatan Ajo Arshad, kok lah masak gulai cubadak kicuah Cik Uniang.. jan lupo basurak. Wassalam, Palindih 48
[EMAIL PROTECTED] wrote: Waalaikum salam,wr,wb. Dunsanak Palindih di tanah subarang basarato Ajo Sidi Arsyad di Gombak KL Malaysia, apo alah sihaik bana Palindih kini tu .....??? Sangkek kito ba oto2 dari dangau Ajo Sidi Arsyad ka hotel kami di Petaling Jaya di hari Rayo Haji nan lalu, agak ragu ambo mancaliak kesehatan Palindih katiko itu. Salemo taruih mahilie samantaro jalan masih jauah. Kalau alah sihaik kini, syukurlah. Ambo baco di email Palindih ko katonyo alah pindah karajo pulo, apo mudah bana pindah2 karajo di Malaysia ko, apo banyak lowongan sahinggo Palindih tiok sabanta pindah karajo ???? Atau hanyo kantua nyo sajo nan baru, ditampek nan baru, mungkin di Putera Jaya barangkali ..... he ...... he .... he .... Untuak Ajo Arsyad, baa lagu e kini, lai indak lagu2 doh jo. Masih taraso kamek nyo gulai cik uniang sewaktu kami makan malam di Gombak dek sari. Bilo2 ambo ka Malaysia baliak, akan ambo cari kaduo dunsanak ambo ko. Salam untuak cik uniang basarato adiak2 di Gombak. Tak lupo pulo salam untuak rang Rumah Palindih jo anak2 nan alun sempat basuo jo ambo. Wassalamu'alaikum,wr,wb. HM Dt.MB (50+) --------------------------------- Ahhh...imagining that irresistible "new car" smell? Check outnew cars at Yahoo! Autos. --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---