asssalamu'alaykum w.w. Kutiko ari lah mannjuakkan pukua satanga ampek pagi, dalam acara Mangana Kampuang di bogor tgl 14 kapatang ko, ado dunsanak kito nan mintak didendangkan PIaman Lamo, salah surang tukang dendang mambaokkan pantun nan diiriangi bunyi saluang, iyo sabana manyantuah kalubuak hati nan paliang dalam, pandedang ko barasa dari Sungayang (iyo badatangkan bana dari kampuang), banamo Rina, masih mudo matah, tapi mandanga suaro sarato caro mambaokkan, mambuek urang nan mandanga mintak diulang-ulang pantun nantun pantun nan didendangkanno adolah : Tuhan mauji ka-imanan Cobaan datang timpo batimpo Tabaka ustano pagaruyuang Kan lah samo kito liek Tanah Data di oyak gampo Oyaknyo sampai ka Padang Panjang Di solok taserak tangih Bukik Tinggi tabaka pulo Lah runtuah ngarai sianok Jawa dilando lumpua lapindo Nyampang kok ado kasalahan Bagalimang badan jo doso Jan dibaok duduak bamanuang Kok ado salah tapabuek Rancak tobaik dari kini ko Ambiak udhuak baok sumbayang Inok manuangkan dalam ati Sarahkan diri ka nan kuaso Baok badoa tiok ka lalok Nak jan musibah tibo juo catatan: pantun nanko sabana labiah taraso kalau diiriangi bunyi saluang Wassalamu'alaykumw.w. Bandaro Labiah
Send instant messages to your online friends http://uk.messenger.yahoo.com --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---