Waalaikumsalam w.w. Bundo.
Sato manyalo saketek, Bundo. Dari pengalaman pilkada
di DKI ko ambo raso urang awak bisa maambiak banyak
pelajaran, untuak maukua sampai dima 'kaminangan' tu
sandiri 'layak jua' dimato urang lain.
Kalau kito baco komposisi etnik manurut Sensus
Penduduk tahun 2000 [liek buku Leo Suryadinata dkk],
mako etnik nan paliang banyak jumlahnyo di DKI adolah
urang Jawa, Sunda, dan Betawi. Urang Minang dan urang
Batak banyak juo, tapi tantu kalah banyak jo tigo
etnik nan tadi. Baa juo DKI ko kan kampuang halaman
mereka.
Soal urang awak di Tanah Abang dan Cipulir memang
paralu mendapek paratian. Akhir-akhir ko ambo sato
sakaki -- sabagai komisoner Komnas HAM -- dalam
manangani kasus pasa Tanah Abang. Sakali lai nan
tampak manyolok adolah susah bana urang awak ko
basatu, sahinggo perjuangan urang awak ko sangaik
mudah dipatahkan ciek-ciek. Lagi pulo kurang gigih dan
suko malapehkan untuang surang-surang.
Mau indak mau ambo mambandiangkan nasib urang awak ko
jo 'nasib' urang Batak jo urang Cino, nan maju taruih
sacara mantap satapak dami satapak, diam-diam dan
efektif. Pasa Senen nan dulu 'dikuasoi' dek urang awak
kini kan alah lapeh ka urang Batak. Harus diakui,
urang Batak labiah kompak dan bagak basaiang, baiak
sacaro basamo maupun sacaro surang-surang.
Sasuai jo latar kegiatan ambo sasudah pansiun, nan
banyak bagarak di kalangan ilmu, tantu timbua
patanyoan di kapalo ambo: apo koh sababnyo mako urang
maju taruih dan awak kok mundur taruih. Suatu hipotesa
nan dapek ambo ajukan adolah : sababnyo nan paliang
dasar takaik jo sistem kekerabatan, nan diurang mampu
manggalang saluruh kekuatan mereka nan batali darah,
nan di kito, saluang sajolah nan manyampaikan. Demi
manjago pusako, kito kan mambuangi banyak dunsanak nan
batali darah tu. Pengalaman ambo manunjuakkan ado
hambatan kultural dan struktural untuak manyatukan
urang Minang, saakan-akan Minangkabau itu memang
dirancang untuak bapacah balah. Batua atau indak
hipotesa ko bisa kito uji baliak. {Tantu ado dunsanak
nan ka manyanggah. Silakan, dan tolong ajukan hipotesa
lain untuak manggantikannyo.]
Saran ambo dari pengalamam pilkada DKI ko: jan arokkan
juo lai malakok ka urang lain tu. Konsolidasikanlah
potensi urang Minang ko. Tirulah strategi dan taktik
urang Batak jo urang Cino sasuai jo pepatah Minang:
"ambiak tuah dari nan manang". Susunlah kakuatan
basamo,jan nafsi-nafsi juo lai. Tanganilah nasib
urang awak di pasa Tanah Abang dan di pasa Cipulir itu
malalui kakuatan-kakuatan politik riil: duduaklah di
DPRD DKI, nan punyo wewenang dalam mambuek perda,
manyusun RAPD (ambo danga sakitar RP 10-12 triliun)
dan mangawasi pemerintahan. Paluang banyak. Jan
bakumpua di ciek partai, masuaki sadonyo, dan
duduaklah di pimpinan, sarato bagaklah tampil ka muko.
Tantu pasiapan harus matang dan barani batandiang jo
sia juo.
Wassalam,
Saafroedin Bahar
--- Hayatun Nismah Rumzy <[EMAIL PROTECTED]> wrote:
> Assalamu Alaikum W. W.
> Iyo sabana jahek manuruik ambo politik ko. Katiko
> ambo basuo jo pak Asril Tanjung dikecekkannyo inyo
> diminta dek B1 untuk manjadi B2. Ambo basyukur dan
> mando'akan sababsetidaknyo kalau ado rang Minang di
> DKI rang Minang di Tanah Abang dan Cipulir paliang
> indak ado maraso dilindungi. Juo duet sipil jo
> tantara (Jendral) kan lah klop. Sudah tu ambo danga
> nan lain pulo ado Djasril Marin Ferrial Sofyan dan
> lamo-lamo rang Minang ndak ado samo sakali batuka
> elok sajo. Baitu juo juo jo Rano Karno baiyo-iyokan
> dulu sudah tu bacampakkan sajo.
> Tetapi walaupun begitu ambo bapandapek mungkin itu
> yang terbaik maso kiniko. Ujuang-ujuangnyo banyak
> nan di panjaro. Tengoklah rang Sumando awak Rochmin
> Dahuri tu dulu banyak kawannyo kiniko yo tinggalah
> ciek-ciek lai. Ado lo ciek lai mantan bupati Alis
> Marajo
> Buah salak banyak berduri
> Jatuh dikais burung tempua
> Kawan gelak mudah dicari
> Teman menangis jarang bersua.
> Semoga pak Asril Tanjung tidak merasa apa-apa
> anggaplah itu jalannya mungkin nanti menjadi BA1
> saja pak..
> Sekianlah
> Wassalam bil maaf
>
> Hayatun Nismah Rumzy (68+)
>
>
> ---------------------------------
> Be a better Heartthrob. Get better relationship
> answers from someone who knows.
> Yahoo! Answers - Check it out.
>
>
>
____________________________________________________________________________________
Finding fabulous fares is fun.
Let Yahoo! FareChase search your favorite travel sites to find flight and hotel
bargains.
http://farechase.yahoo.com/promo-generic-14795097
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Tapi harus mendaftar dulu di: https://www.google.com/accounts/NewAccount dengan
email yang terdaftar di mailing list ini.
-~----------~----~----~----~------~----~------~--~---
