Assalamu'alaikum Wr Wb Dek karano alun ado jawaban dari tanyo ambo nan lalu, baiaklah ambo pajaleh tanyo tasabuik. Salamo satahun labiah ambo mangamati pelaksanaan adat dinagari ambo yaitu dari akhir 2005 sampai kini ( Nagari Kamang Hilia Kecamatan Kamang Magek, eh samo jo kampuang ibunyo Rahima ruponyo ), timbualah tanyo dihati ambo. Baa sabananyo maso depan adatko nanti. Nostalgia ambo maso ketek bahaso adat sangaiak bafungsi dalam kehidupan se hari hari . . Tapi kini iyo lah lain , masyarakatnyo indak lai saroman lagu Takana jo kampuang nan dicobo lagukan dek Raymond Crook tu ( hebat juga dia ). Katiko ambo batanyo ka urang dari nagari lain jawabannyo hampia samo. Masyarakat bahkan indak mampraktekkan lagi kato nan ampek. Mako katiko ambo pulang kapatangko ambo tamui urang nan dianggap sangat tau manganai adat manuruik urang kampuang , baliau alah tuo labiah dari 80 tahun. Kiniko urang di Kamang lah bak kato papatah " ka baraja guru lah mati, ka mangaji surek lah ilang ", kato baliau, Ambo paham , sabab Dt. Prapatiah Nan Sabatang lah 35 tahun maningga, bahkan Dt. Kodoh Rajo, bungka disuku itu pun lah lamo pulo indak ado dan Dt. Katumangguangan pun lah ampia samo lamonyo maningga ". Ambo tanyo manga indak diangkek lansuang panggantinyo katiko baliau alah maninggatu. Jawabannyo adolah sabab awak di Kamang Hilia ko manganut sistim pelaksanaan adat " lareh nan panjang , bukan " lareh nan bunta ", jadi pengangkatan pangulunyo babeda. Katiko nyiak Dt. Parpatiah Nan Sabatang tu iduik acok Dt. Prapatiah dari Magek manamui baliau untuak baraja, kato baliau. , Didalam tambo adat Minangkabau keluaran KAAM 1987 tanyato sistim adat sarupo nan dinagari kami disabuik sistim " Koto Piliang "yang mempunyai perbedaan dalam beberapa hal seperti yang dituturkan didalam buku itu dengan sistim Budi Chaniago. Itulah sebabnya timbul ide untuk malewakannyo dipalantako partanyaan ambo sabalunnyo sabab disiko nampak dek ambo banyak pakar adat, kita sebut saja mamak Chaidir Latif, mamak Syafruddin Bahar, mamak St. Sati atau mak Ngah di St Cruiz, bahkan bundo Nismah ( apo kaba bundo jo ayah , lai sehat sajo, lah lamo ambo ndak kontak, kotak canggih ambo ko acok baganyi bundo ), bahkan Dt. Marah Bangso mungkin atau dinda dr. Suheimi ( tata tertib alumni SMA I Landbow , yo dinda ). dan lain lainnyo nan indak apa pulo, moho maaf dunsanak Kalau ado nagari nan masih melaksanakan sistim Kto Piliang tu sacarao murni iyo ambo ingin baraja, supaya philosophy ABS SBK dapek talaksana dikampuang ambo. Namun seorang dai yang berprofesi sebagai guru mengirim SMS ka ambo, katonyo "Adat babuhua sentak, syarak babuhua mati, tapi pelaksanaannyo : " Adat babuhua mati, baranti shalat dek baradattu, sasudah baradat hasianyo banyak doso pado pahalo ". Wa Allah A'lam.
Wassalam Isna (61) Isna Huriati wrote: > Assalamu 'alaikum Wr Wb. > Dunsanak jo niniak mamak nan ado disidang palanta ko nan ambo hormati. > Ambo ingin mananyokan manganai pelaksanaan adat Minang dengan sistim " > lareh nan panjang". Di Nagari mano sajo di Ranah Minang ko pelaksanaan > adat jo sistim nan iko. > > > > --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---