Kakanda Heri Rang Tabiang, Ilmu "basi" iyo ilmu urang awak bana, nan paniang awak dinyo mancaliak ilmuko makin subur perkembangannyo. "basibanak", "basipakak", "basibagak" sambuah ilmu basi lainnyo.
Ado ciloteh palanta singgalang ambo copy paste dibawah, kito harok ilmuko yo punah dinagari awak. Salam Is, www.cimbuak.net Kampuang nan jauah dimato dakek dijari Ilimu Basi Oleh Espe St. Soeleman Mungkin banyak nan indak picayo, bahaso di kampuang awak ko banyak urang bailimu basi. Ado ilimu basibagak, basibanak, basi-pakak, basigalia sarato lainnyo. Pakan lapeh, kamanakan Tan Baro nan biaso iduik di Jakarta sarato Bogor pulang kampuang. Dek banyak urusan, dicubo pulo manyupir di kampuang. Tapi apo nan tajadi, sa santiang-santiangnyo manyupir di Jakarta , tibo di kampuang tapaso mauruik dado. Karano, apo nan basuo di Jakarta sarato di Bogor , indak tasuo di siko. Di Jakarta, kalau nio mandaului kandaraan lain mustilah dari suok. Itu alah manjadi aturan baku sajak saisuak. Tapi indak baitu nan ado di nagari awak ko. Kalau nio mamotong oto nan di muko labiah banyak dari kida. Bacaritolah kamanakan Tan Baro di lapau Ajo Manih, alah angek aki oto dek mangalason mintak daulu dari oto nan di muko, indak diagiah jalan. Samantaro, dicaliak oto-oto lain lamak se mamotong dari kida. "Pangana den, mungkin ado pulo aturan baru di kampuang awak ko, sahinggo urang di muko indak namuah maagiah jalan dari suok," baitu kamanakan Tan Baro tu mangecek. "Di siko banyak urang bailimu basi Jon," kato Tacin. Tapikia surang si Jon dibueknyo. Apo nan dikatokan kawan mamaknyo tu ado batua juo. Karano salamo babarapo hari di kampuang, baitu-lah nan tajadi. Kalau kalua dari simpang dan nio belok ka suok, payah bana. Maraso rugi urang lain maagiah kasampatan. Padohal, kalau di Jakarta , sarami itu oto, kalau nio kalua dari kantua dan nio masuak jalan gadang pasti diagiah kasampatan dek urang nan sadang lalu. Tapi, di kampuang ko indak, kasadonyo basibagak. Apolai kalau angkutan kota . Abih mamotong dari suok, kadang-kadang lamak se mamancuang ka kida. Kok baranti manaiak-an atau manurunkan penumpang sumbarang se. Di tangah-tangah jalan gadang jadi juo. Nan labiah parah lai, alah jaleh inyo ka belok suok di lampu merah dakek gaduang Bagindo Aziz Chan, tapi inyo tagak di kida. Katiko urang nan di tangah nio bajalan luruih, inyo lamak se mamancuang ka suok. Labiah aneh lai, patugas nan duduak di pondok-pondok simpang jalan tu icak-icak indak tau se. "Mungkin se patugeh tu juo bailimu basi," kato Kudun. Babagai kasimpulan timbua di kapalo kamanakan Tan Baro tu. Saka-lian nan indak basuo dek nyo salamo labiah sapuluah taun iduik di kota metropolitan, tapi di siko sabana basuo. Malah, ado lampu merah nan indak manjadi padoman lai. Merah, kuniang, ijau samo se dek supir oto. Kalau indak picayo, caliaklah di simpang Andur-iang. "Iyo indak talok den mambao oto di siko doh, Mak," kato si Jon ka Tan Baro. "Kalau baitu, babaliaklah ka rantau dulu. Kan alah bak pantun papatah juo. 'Karatau madang di ulu, babuah babungo balun, di rantau si Jon daulu, di kampuang babini balun," kato Tan Baro sambia galak ketek. "Ambo sarius Mak. Tolonglah sampaikan ka pak polisi atau tukang atur lalu linteh di kampuang awakko, supayo bajalan di sabalah kida. Ijan pabiakan urang mamotong atau mandaului kandaraan lain dari kida. Iko babayo, Mak. Tolong Mamak katokan ka patugeh supayo manilang supir-supir bailimu basi, supayo jalan di nagari ko tertib bahaso Jakartanyo, atau bataratik bahaso awaknyo. Jo caro itu, mudah-mudahan nagari awak ko mandapek piala Wahana Tata baliak dari pamarentah pusat. Tapi nan ambo mukasuik, bukan itu tujuannyo, supayo indak banyak korban jatuah di tangah jalan. Ciek lai, kalau banyakmurang lua datang ka siko, inyo indak binguang. KIni, ijankan urang lain, ambo nan pernah iduik di kampuang se, alah binguang dibueknyo. Tolonglah, Mak!" Baitu si Jon mambana ka Tan Baro. *** Tanjuang Heri <[EMAIL PROTECTED]> Sent by: [email protected] 19/07/2007 15:31 Please respond to [email protected] To [email protected] cc Subject [EMAIL PROTECTED] RE : [EMAIL PROTECTED] Re: Majukan Parwisata Sumbar Butuh Program Nyata Mamak, Bundo, Rang Candiak Pandai sapalanta, Tagarik lo jari ko kutak katik di tuts komputer ambo . Kalau ambiak ituangan sederhana nyo, jo tiok kali ambo pulkam, nan nampak dek ambo adolah : 1. Urang di kampuang indak bisa, indak amuah marasoan , mancaliak diri surang alias introspeksi apo nan kurang / nan salah. 2. Urang di kampuang basibanak se, contoh e indak amuah antri, indak amuah taratur jo taratik, dsb, caliak lah di muko musajik muhamidyah di Padang...jo BIM, Di Angkot, nan marokok basibanak se, buni tape nan indak bakantuan suaronyo. Pakak talingo dek inyo. ----- Original Message ---- From: "[EMAIL PROTECTED]" <[EMAIL PROTECTED]> To: [email protected] Sent: Thursday, July 19, 2007 2:03:25 PM Subject: [EMAIL PROTECTED] Re: Majukan Parwisata Sumbar Butuh Program Nyata Ne gardez plus qu'une seule adresse mail ! Copiez vos mails vers Yahoo! Mail --~--~---------~--~----~------------~-------~--~----~ =============================================================== Sukseskan Pulang Basamo se Dunia, bulan Juni 2008. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Website: http://www.rantaunet.org =============================================================== UNTUK SELALU DIPERHATIKAN: - Harap memperhatikan urgensi posting email, yang besar dari >300KB. - Hapus footer dan bagian yang tidak perlu, jika melakukan reply. - Email attachment, tidak dianjurkan! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. ========================================================== -~----------~----~----~----~------~----~------~--~---
