Mak mantari Sutan,
Sakadar info se,
Memang kini indak ado lai visa tiok negara, karena Yunani alah jadi anggota
UE dan Schengen, jadi visa kunjungan harus menurut prosedur yaitu 15hari kerja.
Tapi kalu manuruik ambo, di Istanbul banyak nan kadicaliak : Masjid Biru, iyo
subana rancak. Kok ka sumbayang di sinan iyo sajuak hati dek inyo. Di muko
musajik Biru tu ado namonyo Musium Aya Sophia, dari gereja disulap jadi
musajik, kemudian jadi musium. Diantoro kaduonyo, ado pulo tampek aie bawah
tanah, nan dulu dipakai untuk mengairi istana jo rakyat Istanbul. Kok taragak
balanjo, bisa pai ka Grand Bazaar dan Egyptian Bazar.
Salain dari musajik nan banyak jo rancak nan bisa dikunjungi, ado pulo Istano
rajo, nan kini jadi musium yaitu Topkapi. Dibalakang Aya Sophia tampeknyo. Di
siko , bisa dicaliak rambuik nabi Muhammad saw. Kadang awak bisa mandanga urang
mangaji di dakek nyo. Dari siko, bisa mancaliak ka bawah ka Selat Bosfor tu
Mak. Iyo sabana rancak.
Kok lai ado ukatu, cubolah naik kapa di selat Bosfor tu, ikuti sajo kapa nan
isinyo masyarakait Turki se, murah meriah, p/p dari ujuang ka ujuang. Bisa abih
sahari dek nyo Mak.
Kok laun litak lai kaki, bisa pai ka ustana rajo di tapi selat Bosfor tu,
namonyo ambo lupo. Tutuiknyo agak capek ko mak.
Kok hujan di Istanbul, bisa pai ka Hamam, mandi uap, ado nan kini banyak
dikunjungi turis, tp ambo labiah suko pai ka hammam nan dipakai dek urang lokal
se, labiah otentik.
Ambo raso, indak cukuik ukatu saminggu doh Mak, kalu di Istanbul se. Jadi
ndak usahlah ka Yunani tu, kecuali klo alah dapek visa.
Kok ingin info lain soal Istanbul, bisa ambo agiah tahu. Alah 4x ambo ka
sinan. Iyosaban rancak. Tapi ado cingkahak e snek Mak. Kok diajak minum teh
sabanta dek pareman pasa, ado tu Mak mukasuiknyo, paliang ka manjua karpet atau
jaket kulik. Kok iyo ka mambali juo, pai lah ka pasa biaso, labiah murah,
labiah rancak jo indak tapangua do. Walaupun dikecek an awak ndak ka mambali
do, tapi inyo punyo taktik sahinggo awak tagigik lidah , sudah tu gigik jari jo
manyasa. Kecuali kalau ado urang lokal dari kantua Mak Mantari nan manjadi
"guide" , rancak bana.
Dulu ka Turki, ndak paralu pakai visa do, alah sajak 2 atau 3 tahun ko, iyo
paralu.
Sakitu se Mak Mantari
Selamat Tugeh jo nikmati Istambul.
Heri (44)
Paris
Mantari Sutan <[EMAIL PROTECTED]> a écrit :
Assalamualaikum Wr Wb,
Dunsanak, ambo jo bara urang kawan ditugehan kantua ka Istanbul jumaik ko.
Visa ka sinan alah dapek. Cuma dek ka manyubarang salaik bosfor tu, tarogak
pulo si sijunjuang norak poi bajalan sangenek ka kawasan di sakitar situ.
Mungkin ka Yunani. Pagi ko lah dicubo maajukan visa ka kian, kironyo wukatu
lah ndak takaja lai. Schengen-schengen bagai alasan urang tu.
Kini pangona nan handak disabuik. Kok ado mamak-mamak, etek-etek, uda-uni, jo
dunsanak di palanta ko nan bisa manolong mandapekkan visa ka Yunani tu. Atau
lai bisa diurus pas lah tibo di istanbul tu? Mohon ambo dibari tau.
O.. iyo, kok ado mamak-etek, dunsanak sapalanta nan sadang di Istanbul tu,
buliah juo diagiah tahu. Sia tau kok tasosek ambo disinan, bisa minta antakan
polisi ka bakeh rumah mamak/etek.
Sakian dulu, talantuang dek ka naiak tasingguang dek ka turun.
Bari maaf ambo
Wassalam
Mantari
---------------------------------
Be a better Heartthrob. Get better relationship answers from someone who
knows.
Yahoo! Answers - Check it out.
---------------------------------
Ne gardez plus qu'une seule adresse mail ! Copiez vos mails vers Yahoo! Mail
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti (unsubscribe), kirim email kosong ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount
===============================================================
-~----------~----~----~----~------~----~------~--~---
