Assalamu'alaikum wr.wb. Sabana nyo urang di ranah antaro paralu jo indak paralu jo kito na di rantau ma. Kalau disabuik indak paralu...urang di ranah masih banyak maharokan wesel anak jo kamanakannyo yang di rantau tiok bulan. Kalau disabuik paralu urang di ranah kadang baprinsip kok kayo, kayo sorang se lah ang..kami indak ka maminta..kok cadiak, cadiak sorang se lah ang..kami indak kabaguru... Mungkin sampai saat ko yang paliang diharokkan urang di rantau...urang di ranah bisa marubah semanagat dan paradigma/pola pikianyo supayo berwawasan labiah tabuka sahinggo bisa manampekan diri ikuik berperan dalam perubahan...bukan jadi korban perubahan....supayo dapek berperan dalam perubahan tadi syaraik utamonyo haruih pro aktif mancari informasi sabanyak-banyak nyo, saliang berbagi informasi, saliang dukuang mandukuang dalam arti positif dan namuah bakarajo samo bahu-mambahu dengan dunsanak-dunsanak yang lain yang ado di ranah...mungkin dalam tahap awal sesama hobbi/peminat di tiok area mambuek komunitas group diskusi untuak mancari solusi dari masalah yang ado. Misal untuak UKM dibuek komunitas group diskusinyo..sakali-kali diundang pulo pelaku yang alah sukses, ahli dan berpengalaman dibidang untuak sharing pengalamannyo...supayo capek bakambang mungkin tiok komunitas group diskusi maminta tentor ka departemen di pemerintahan, universitas, konsultan, atau ka miling list. Kalau ado diantaro perantau yang pamer kesuksesannyo tiok pulang kampuang.. jan pulo kito di ranah manyikapi dengan makna negatif...kito bapikia barasiah se..jadikan motivasi ka diri kito kalau urang di ranah pun bisa labiah sukses dibandiang perantau yang pamer tadi...Ambo yakin urang di ranah mampui maatasi permasalahannyo sorang...cuma untuak pemercepat kalua dari permasalahan tadi, ambo pun yakin urang di ranah paralu peran perantau....kalau hanyo mengandalkan apo yang ado di ranah kini sajo tanpa peran perantau (ambo indak ingin berpolemik), dalam 10 tahun ka muko urang di ranah masih istiqomah jo kondisi kini.... Sebagai contoh peran perantau Minang dari Pak Joni di Indosat, dengan dana CSR Indosat tahun 2007 ko...Indosat bekerja sama dengan UNAND untuk peningkatan kompetensi dan skill guru Fisika dan guru Matematika SMP dan SMA di Sumbar. Latar belakangnyo (mohon maaf sebelumnya) manuruik survay Indosat profesi guru yang dilakoni para bapak dan ibu guru di ranah kini, adolah profesi alternatif terakhir dan cendrung pilihan tapaso karano indak ado pilihan lain...mungkin dari 100 guru..bisa dietong jo jari yang 10 indak kalabiah dari 10 urang (bisa kurang dari 10 urang) yang manjadikan profesi guru tu memang pilihan hiduiknyo dari hati yang paliang dalam. Cubo bayangkan akan jadi apo anak cucu kito (generasi yang akan datang) kalau yang maaja adolah guru-guru yang indak sapanuah hati mencintai profesi guru atau maaja dengan hati tapaso untuak survive dalam hiduik se.... Malaysia dulu periode tahun 70 ~ 80 an mandatangkan guru dari Indonesia untuak maaja generasinyo...tapi mungkin indak banyak yang tahu, katiko mandatangkan guru dari Indonesia tu, Malaysia malah mangirim sebagian besar guru-gurunyo ka Inggris untuak baraja dan maningkekan skillnyo. Setelah guru-guru yang mereka kirim ka Inggris tu salasai baraja dan pulang ka Malaysia, guru-guru dari Indonesia mereka pulangkan...kecuali yang nampaknyo potensial mereka iming-imingi dengan fasilitas yang wah dan ditawarkan jadi warga negara. Untuak tahun 2008...dana CSR Indosat akan digunokan mambuek fasilitas mobil kesehatan keliling+dengan tenaga medisnyo...tapi alun jaleh bara porsi pembagian yang akan didapek Sumbar dari program CSR nyo ko.. Kini tapulang ka urang ranah baa manyikapi dan mamposisikan diri supayo bisa berperan sebagai agen perubahan tanpa paralu bantuan dari perantau. Salah satunyo bangkikan baliak semangat kewirausahaan ka satiok generasi di ranah...bangkikan baliak jiwa kesaudagaran urang minang...sahinggo godaan pensiun dari PNS bisa dikurangi dari angko 74% urang tuo/generasi mudo yang ingin anaknyo atau minantunyo atau dirinyo jadi PNS yang penghasilannyo kadang indak cukuik untuak standar hiduik minimal 2 minggu (karano urang gaek ambo PNS kaduo-duonyo...sampai kini kami baradiak kakak mambangkang indak ingin jadi PNS walau kaduonyo masih baharok anak-anaknyo jadi PNS). Dari pulang kampuang patang ado beberapa hal yang jadi catatan ambo : 1. 95% pengendara sepeda motor kurang taratik/indak berdisiplin dalam berkendara lalu lintas di jalan (antah dima inyo mandapek SIM ko)...contoh...antar sesama pengendara sepeda motor, labiah suko mamakai jalur cepat tapi mengendarai sepeda motor dengan pelan sambil ngobrol dan bersenda gurau di jalan raya...manuruik ambo jalan raya bukan untuak hal mode ko...jaleh urang awak yang punyo sepeda motor di ranah ko suko-suko hati dan kurang maharagoi hak pengendara yang lain (kalau ambo katokan * ZALIM* beko talalu kasa). 2. Sopir angkot acok mahantikan mendadak angkotnyo di belokan dan di simpang jalan...iko kebiasaan nan ambo katokan ZALIM juo...karano sangaik mambahayokan pengendara yang lain 3. Bus kota acok manurunkan penumpang di tangah jalan, bukan di tapi jalan....iko mambahayokan ka dunsanak yang manumpang 4. Tanah subur banyak yang manganggur indak ditanami dengan yang bermanfaat..mungkin masih sibuk berpolemik antaro mamak jo kamanakan masalah pusako tinggi jo warisan....padohal maso depan indak ditantukan oleh banyaknyo pusako...hiduik indak ditantukan oleh tingginyo tingkek pendidikan...tapi maso depan dan hiduik kito kamuko ditantukan samo kreatifitas, keahlian dan kemampuan mambuek jaringan........supayo jadi manusia bisa bermanfaat bagi urang banyak.. 5. Musajik dibuek gadang-gadang dan banyak...tapi waktu sumbayang jamaahnyo langang........ 6. Generasi mudo labiah banyak mahabihkan waktu jo mamubazirkan umuanyo di lapau kopi dengan main domino jo bakoa...padohal waktu yang alah hilang indak bisa diulang baliak..... 7. Kalau hujan aia banyak taganang jo banjir...artinyo saluran aia tasumbek...yang manyumbek bermacam sarok organik dan non organik...artinyo masalah persampahan dan drainase indak jadi prioritas kepedulian PEMDA..atau masyarakat kurang peduli ka masalah sarok-sarok ko.... 8. Banyak anak ketek nan turun ka jalan jadi pangamen dan pengemis...nan mambuek ambo tacanuang sadiah waktu acara penutupan SSM di lapangan Imam Bonjol...dalam hujan labek ado anak ketek padusi babaju lusuah batanyo ka ambo sambia mancaliak garobak makanan jamuan walikota Padang... "kan lai indak mambayia kalau ambo maminta makanan ka garobak tu pak??" ambo langsuang katokan silahkan minta sapueh adiak..perai ma... 9. Banyak lai yang lain nan mambuek ambo jadi tamanuang...
wassalam Reza --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
