-----Original Message-----
From: lex_alimin
Sent: Wednesday, October 24, 2007 11:35 AM
kok dek saudagar yolah jaleh bana untuangyo, lah tampak pitih di muko
mato..kok dek kami rayaik badarai ko apo kiro2 eh..
------~----~------~--~---
Assalamulaikum WW
Sanak Lex Alimin nan dianjuang tinggi.
Kalau manuruik ilmu ekonomi go eh, baa mangko sampik iduik kini, dek
perputaran pitih tu bana nan sarek.
Urang nan tingga dilua Minang (rang awak pulang kampuang atau turis gai)
apobilo datang ka Minang, inyo pasti mambulanjokan pitih nan dicarino dilua
Minang. Bararti iko adolah devisa untuak ranah. Bararti manambah pitih
beredar di ranah, dan salanjuiknyo bararti mampalungga hiduik urang diranah.
Awak caliak peredaran pitih, nan manjadikan nilai ekonomi dari pitih nantun.
Misano si SSM manyeo taxi Rp. 100,000. Kudian Supir taxi tu mambalikan pitih
tu untuak Bensin, Bareh, Maco, uang sikola anakno. Disiko alah malunggakan
iduik (tukang bensin, tukang bareh, sikola)1. Kudian (...)1 mambulanjokan lo
pitih nan didapekno untuak kebutuhan selanjutnya )2. Kudian group )2
mambulanjokan lo pitih tu, dan baitu salanjuikno. Mako peredaran pitih
manjadi Rp. 100,000 dikali bara kali dibulanjokan. Misano 10 kali, mako
nilai ekonomi pitihtu alah jadi Rp 1.000.000. jikok satiok transaksi
bauntuang 10%, mako untuang nan bisa dihasiakan pitih devisa tadi manjadi 10
x 10% = 100% = Rp. 100.000.
Kini jikok dibayangkan, kalau SSM2007 kapatang mambulanjokan pitih nan dibao
dari rantau sagadang Rp.10M. Mako dalam sabulan kudian nilai ekonomi pitih
tu alah bara tuh. Jadi tambah lapanglah hiduik urang di ranah.
Baa jikok para pengusaha rantau tu bainvestasi dikampuang, mako akan
menggeliat tambah capek ekonomi kampuang dan tambah lapang iduik jadino.
Mangkolah caritono mako pemerintah mandorong investasi di negara awak, dan
juo dikampuang awak.
Tapi para sinister indak mangarati, alias indak namuah mangarati, sahinggo
mampasulik iklim investasi nantun. Inyo mancari pitih mah, kecek baliau tu.
Pado hal bia urang mancari pitih bana, asa malapangkan iduik awak kan rancak
bana tuh.
Singapur, baa mangko makmur ekonomino, dek iklim investasi iyo bana kondusif
disitu. Sahinggo negara pulau nan indak punyo sumber daya alam, jadi labiah
kayo dari nagara nan punyo aneka sumberdaya.
Kini, ingin ndak awak mampalapang iduik di ranah, buek kondusif kesempatan
urang bakunjuang. Kudian bantu mereka nan takana bainvestasi. Kalau indak ka
namuah barubah, iyo ka batangan dibawah taruih lah ranah. Maarokan DAU dan
DAK taruih, salamo pemerintah pusat masih namuah maagiah. Kalau kecek Nabi
Muhammad SAW, tangan diateh jauah terhormat dari tangan dibawah. Tapi kabaa
juo lai, urang kampuang den masih mampatahankan tangan diabawah nantun.
Untuak gaji PNS sajo masih ngemis ka Pusat. Ondeh kampuang den.
Kalau ditolong manganaan, dikecekanno urang rantautu pulang malagak tumah.
Kok ka kayo ano indak ka mamintak awak doh. Is it right. Antahlah yuang.
Akhirul kalam, mohon maaf ambo nan sakali-kali bakomentar, dek alah diet di
rantaunet, bialah kamiko maurus dapua sajo.
Wassalam WW
St. Parapatiah 55th
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Jika anda, kirim email kosong ke >>:
berhenti >> [EMAIL PROTECTED]
Cuti: >> [EMAIL PROTECTED]
digest: >> [EMAIL PROTECTED]
terima email individu lagi: >> [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
-~----------~----~----~----~------~----~------~--~---
