Tulisan di bawah ko adolah opini pribadi penulis. ---------------------------------- "Suntik Mati Sajo Urang Gilo"
Masalah urang gilo nan berkeliaran di ma sajo di seluruh Indonesia ko nampaknyo alah dianggap sebagai han nan biaso sajo. Pasti kasadonyo kito, di kota manapun kito barado, indak sakali duo mancaliak urang gilo dari berbagai gaya dan versi, berkeliaran dengan santainya di pasar-pasar, di tapi jalan, atau di tampek rami lainnyo. Ado urang gilo tu nan mamaki baju barumbai-rumbai. Ado nan manyandang tas gadang, ado nan mambao alat musik - suliang rekorder nan acok dibao-bao anak sikola. Sarato ado pulo nan indak bakain samo sekali, polos total dari ujuang rambuik sampai ujuang kaki. Ironisnyo, urang-urang gilo tu seakan-akan ndak ado nan mampadulikan.Pernah wakatu ambo lewat di lampu merah Gaplek, simpang jalan antaro Ciputat- Lebak Bulus - Pamulang - Parung, salah seorang urang gilo tu berjalan dengan santainyo di hadapan sekumpulan polisi lalu lintas, dan tak seorang pun dari mereka bereaksi. Urang nan 'kanai' tu laki-laki, umuanyo mungkin alah sakitar tigopuluahan mungkin - susah menebak usia seseorang jikok rambutnyo bakcando sarang buruang, mukonyo hitam bakcando arang, giginyo labiah kumuah dari gigi baruak. Dan inyo indak bakain sahalai banang juo. Ambo sering bacurito tantangan "urang bansaik", tapi urang nan ambo kecekkan ko indak basewai-sewai jo urang bansaik tu doh. Mungkin juo wanyo labiah suko gilo daripado kayo. Sasudah malewati polantas tu, urangnyo bajalan ka arah Lebak Bulus, malewati sekumpulan anak-anak gadih siswa SMA nan tapakiak begitu wanyo lewat. Apo lah nan dapek ambo lakukan, tapaso ambo jalan taruh mang-gas kendaraan roda duo ambo arah ka Lebak Bulus pulo, ka sikola tampek maaja. Ambo lamo maraso mangka, bagaimana mungkin indak surang pun nan peduli terhadap pakaro ko? Tampek urang gilo tantu sajo adolah rumah sakik jiwa, dan indak buliah mereka tu kalua dari dalamnyo. Namun ambo raso, untuak urang gilo nan indak bisa disembuhkan, urang nan labiah suko gilo daripado kayo, RSJ ukanlah penyelesaian terbaik. Di RSJ tu pokoknyo (biayanyo) indaklah saketek. Bayangkan sajo bara pokok makan urang gilo tu sehari. Sarato biaya dokter jo ubek-ubek. Selain biaya operasional nan gadang tu, urang gilo walaupun wanyo gilo, namun nan lamaknyo raso asok rokok tatap tantu dinyo. Bara pulo biaya rokok urang gilo tu sehari; bara sebulan, bara setahun, sepuluh tahun? Sia nan ka manangguang? Uang rakyat tentu tidak pantas dikeluarkan untuk hal nan sia-sia tu. Ado jalan nan ambo raso jalan terbaik bagi semua. Mari kito bebaskan urang gilo tu dari penderitaannyo. Mungkin dunsanak pernah mambaco, bahaso manuruik pemahaman urang gilo ukanlah wanyo nan gilo, melainkan seluruh dunia ko. Urang gilo indak pernah menganggap dirinyo gilo, namun seluruh dunia ko lah nan indak waras. Kalau ado diantaro kito nan mungkin alah mulai pulo bapikia sarupo tu, mulai maraso bahaso dunia ko gilo, sedangkan awak indak; mungkin dunsanak adolah salah satu calon dari urang gilo tu. Sasuai jo nan alah ambo sampaikan tadi, jalan terbaik untuak menyelesaikan masalah urang gilo ko adolah: kito tolong wanyo kalua dari dunia nan manuruiknyo indak sanereh tu. Baa caronyo? Caronyo gampang, murah, indak butuh waktu lamo, batua-batua efektif, dan menolong semua pihak. Kito suntik mati sajo urang gilo tu. Pasti dunsanak langsuang ka mamburangsang. Iko paja ko nan sabananyo gilo! Si Wadi ndak sanereh ko nan sabananyo kanai! Otanyo acok maleo! Kabek sajo lah wanyo di tunggak rumah gadang! Namun sabalun dunsanak mangabek ambo di tunggak rumah gadang tu karano menganggap ambo gilo, mari kito rundiangkan manfaat jo mudhlaratnyo dari apo nan ambo katokan. Ikolah bukti bahaso ambo indak gilo. Urang gilo indak ka pernah amuah membahas duduak pakaro suatu masalah, apolai sampai maetong elok jo buruak, maslhahat dan mudhlarat sesuatu hal. Jikok kito pabiakan urang gilo tu berkeliaran, Wanyo ka tetap berada dalam dunia nan alah menyiksanyo ko. Ibo awak. Dunia ko gilo menurut wanyo, sedangkan nan waras cuma wanyo surang. Bayangkan baa pola makan urang gilo nan berkeliaran ndak bakain tu. Makan dari tampek sarok, badan sampai kalempong indak tatutuik kain sahalai banang pun. Nan gilo kan cuma utak, sedangkan perasaan fisik tatap samo. Urang gilo tatap ka maraso sakik kalau ditokok, tatap maraso lapa kalau indak makan, tatap maraso dingin kalau ndak babaju, tatap maraso angek dibawah matoari, dan indak lupo pulo: barang nyo tatap ka tagak kalau takana dek wanyo nan ciek tu. Bakteri-bakteri nan menjalari sekujur tubuhnyo tetap ka menyebabkan gata. Haruskan penderitaannyo kito biarkan berlarut-larut? Sedangkan, di lain pihak, kalau kito bantu nyo kalua dari segala penderitaan itu, wanyo ndak perlu menjalaninyo labiah lanjut. Indak ado lai gata, indak ado lai paneh matohari, makan makanan nan berbelatung dari tampek sarok. Indak ado lai urang-urang 'ndak waras' nan manggaduahnyo. Selain itu, pemandangan dan ketertiban di tempat umum tantu tidak akan terganggu dengan lewatnyo urang gilo nan menebarikan bau busuk menyengat, sambia bajalan jo kalempong bajumbai-jumbai. Indak ado pulo biaya nan kadikaluakan lai, kalau suatu saat pihak berwajib takana menertibkan dan mengirimnyo ka RSJ baliak. Sungguah suatu solusi nan efektif, dan memenangkan semua pihak. Everybody wins. Tantu dunsanak masih ka mamprotes, bukankah kejam dan tidak berperikemanusiaan menghilangkan nyawa seseorang? Bukankah itu menyakitkan? Jikok itu kejam sarato menyakitkan, mungkin indak. Mungkin dunsanak alun tau bahaso sabalun suntik mati tu dilakukan, sabalunnyo urang gilo tu diberi obat yang menenangkan nan mambueknyo saraso di pintu sarugo. Sebuah sapu tangan lembut bagaikan kapas yang sudah dibasahi dengan zat penenang akan membuat orang gilo tu tertidur. Dia akan merasakan suatu kedamaian yang belum pernah ia rasakan selama ini. Jika kita tanya ia pada saat itu pastilah ia tidak akan mau kembali ke dunia nan kejam ko. Sesudah itu baru dilakukan injeksi untuk menghentikan detak jantung secara perlahan. Semua itu dilakukan di atas tempat tidur yang nyaman, dokter nan bersahabat, dan ruang rumah sakit yang sejuk, jauh dari hari-hari yang diterpa panas terik dan hujan labek sarupo nan dijalani urang gilo tu salamo ko. Sasudah tu, kito makamkan dunsanak kito nan barubah aka tu secara layak, kito do'akan kepergiannyo ke alam baka selayaknyo kito mando'akan dunsanak kito nan lain. Sebagian dari ulama kito bahkan mangatokan, urang gilo ko indak ka dihisab sarupo urang normal, jadi katiko nyawanyo dicabuik malaikaik Isra'il, sesungguhnyo wanyo lah langsuang dinanti dek sarugo. Kalau lah baitu tantu nan berpulang maraso tenteram di tampek nan labiah elok, urang nan ditinggakan pun merasa lega. Suatu masalah terselesaikan. Jadi, mari kito lakukan solusi terbaik untuak semua pihak tu. Kito suntik mati sajo urang gilo. Tantu sajo urang gilo nan patuik kito bantu adolah urang gilo nan indak ado lai dunsanaknyo nan peduli, atau dunsanaknyo indak diketahui. Jikok sesudah jangka waktu tertentu poto urang gilo tu alah disebarkan melalui berbagai pengumuman, indak ado juo urang nan menanggapi, maka pihak berwenang berhak menyuntik mati urang gilo tu. Untuak urang gilo nan dunsanaknyo lai peduli, indak mampabiakan berkeliaran di jalan-jalan dan tampek umum, lai maagiahnyo jo makanan nan layak sarato pakaian nan pantas, mangko pelaksanaan suntik mati ko tergantung kapado musyawarah keluarga. Jika bulek kato keluarga bahwa urang gilo tu indak patuik disuntik mati, mangko pihak berwenang indak berhak berhak ikut campur. Mudah-mudahan apo nan ambo sampaikan dapek dilaksanakan dalam wakatu dakek, demi kebaikan kito basamo. Jakarta, Minggu 1 April 2007 Wady Afriadi Sutan Pamenan Tiakar Kec. Guguk, Kabupaten Lima Puluh Koto (Pikumbuah) ** Ctt: Observasi ambo terhadap urang gilo sasungguahnyo alah dimulai sajak ambo berumur 10 tahun, katiko ambo mulai menganalisa tingah laku Kahar Lintang, urang gilo nan dirantai di rumah gadang Caniago Baruah nan alah lapuak indak baunyi. Hampia tiok hari ambo menghabiskan waktu sekurang-kurangnyo satu satangah jam, untuak mancaliak (walaupun mancigok) manga sajo Kahar Lintang tu. Lagu-lagunyo, tangihnyo, pakiaknyo, pidato adaiknyo, sarato kasado tingkah kurenahnyo alah pernah ambo bahas di carito nan lain. FYI, ambo adolah urang partamo nan tau katiko wanyo menghembuskan nafas terakhirnyo, di bulan puaso th 1988. Wakatu tu ambo alah kelas 1 SMP. (Pen.) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
